Jueces 1:1 - Chuj San Sebastian Bible

¹ A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

Chuj San Mateo Bible

¹ Ayic toxo ix cham vin̈aj Josué, masanil eb' yetisraelal vin̈ ix c'anb'an d'a Jehová icha tic: ¿Mach junoc macan̈ in̈tilal d'a co cal tic ol b'ab'laj och yac' oval yed' eb' cananeo? xchi eb'.

Jueces 1:1 Referans Kwoze

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Jueces 1:27

Eb' 'anma ma'ix techj spechn 'el eb' yin̈tl Manasés: atn eb' 'aj Bet-seán, eb' 'aj Taanac, eb' 'aj Dor, eb' 'aj Ibleam, eb' 'aj Meguido, yet' eb' 'ay 'a yaldeail jun tzo'n̈ chon̈b' cha. A eb' cananeo 'a jun tzo'n̈ chon̈b' cha 'ix ste'wtzej sb'a eb' 'a owal, yuj cha 'ix can cajn eb' ta'.

Ex 28:30

A 'a yojl te smacl sn̈i sc'ojl cha, ata tz'och chab' xo q'uen q'ue'en, q'uen tzcuch Urim yet' q'uen Tumim: A jun tzo'n̈ q'uen cha, yopiso eb' sch'oxn 'el in nib'b'en; yowlal 'aychn̈ej 'a sn̈i sc'ojl Aarón yic tz'ochch 'a wojltac. 'Ixta wal 'oj yutc Aarón yi'n b'ey jun tzo'n̈ q'uen chi 'a wojltac an Jehová in.

Jueces 2:21

Yujn̈ej cha, man̈x 'oj wi'l jun tzo'n̈ 'anma tic 'a scal eb', atn jun tzo'n̈ cann̈cto yuj Josué 'a yic xchami, xchi.

Ex 18:15

'Ix ta'w Moisés 'ixtc 'a win sn̈i cha: —Tzjaw eb' 'anma tic 'ayin, yujto an tzwal 'a Dios yuj tastc tzlaj sb'o eb'.

Jueces 2:8

A Josué, win schecb' Jehová 'ay 110 ab'il sq'uinal yic xchami.

Jueces 2:9

Axta xmucx 'a sat slu'um, atn 'a lum Timnat-sera, 'a stojlal norte yic switzl Gaas, 'a yol yic lum jolmctac witz yic eb' yin̈tl Efraín.

Jueces 20:27

A yic jun tiempoal cha, a te scaxail strato Jehová, ata 'ayc' te 'a scajnub' Dios. A win Finees yunnal Eleazar yixchicn Aarón, a 'aych ya'malc 'och sti eb' 'anma 'a Dios. 'Ix sc'anb'n eb' israel 'ixtc 'a Jehová: —¿Tom caw yowlal tzcac' owl yet' eb' quit israelal yin̈tl Benjamín jun 'ejm xo, mto tztac' cab' qui lajw 'el 'ixta'? xchi eb'. 'Ix yaln Jehová 'a eb' 'ixtic: —'A'c owl yet' eb', yujto 'oj wac' eb' 'a yol e c'ab' q'uic'an, xchi.

A Ch'an̈ B'ab'el Libro Samuel 10:22

Yuj cha, 'ix sc'anb'n eb' jun 'ejm xo 'a Jehová, toto mantzac c'och Saúl chi 'aj 'ayc' eb' cha. Palta 'ix yaln Jehová chajtlto 'ayx 'ec' win ta', cojnto 'ix sc'ub'j 'el sb'a 'a scal jun tzo'n̈ maleta.

A Ch'an̈ B'ab'el Libro Yic Yab'ixal Eb' Rey 22:5

palta tzin tew 'ayach, to yowlal tza c'anb'j 'a Jehová tas xchi yuj jun tic, xchi winac.