Josué 9:4 - Chuj San Sebastian Bible

⁴ 'Ix snan eb' tas tzyutj eb' yixtn paxti Josué. 'Ix ya'n 'at eb' yet'l tas tzc'ux eb' schecab', xyec eb' syam sb'a jun tzo'n̈ 'ichm coxtal yet' jun tzo'n̈ 'ichm tz'um yet'l yal uva caw jatquixtac, 'ix ya'n q'ue eb' 'a yib'n̈ sb'uru.

Chuj San Mateo Bible

⁴ ix snaan eb' tas syutej eb' yac'an musansatil vin̈aj Josué chi'. Yuj chi' ix smolb'an juntzan̈ c'atac coxtal eb' yed' noc' c'atac tz'uum yed'tal vino olchimtac, ix yac'anq'ue eb' d'a yib'an̈ noc' b'uru, ix cot eb'.

Josué 9:4 Referans Kwoze

Lc 16:8

Ax win patron̈ chi 'ix alni to caw jeln win mayltoma chi 'a maysch'olnil. Yujto a eb' yic yolyib'n̈q'uinl tic, yel xo wal jeln tzlaj yutc sb'a eb' 'a yib'n̈ eb' 'ayx sacq'uinlal Dios 'a 'a.

Mr 2:22

An̈jtona', may junc mach tz'a'n 'ejm 'ac' yal uva mantzac jaw sti 'a yojl junc 'ichm tz'um yet'l yal uva, yujto a yic tzjaw sti', caw tzsipji, ton̈j tzjat jun 'ichm tz'um chi yu'uj, ton̈j tz'ixtx jun yal uva chi yet' jun tz'um cha. Yuj cha, an̈j 'a yojl jun tzo'n̈ 'a't tz'u'um, an̈jta tz'ejm 'ac' yal uva yic tzjaw sti', xchi Jesús 'a eb'.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Mt 9:17

An̈jtona', may junc mach tz'a'n 'ejm 'ac' yal uva mantzac jaw sti 'a yojl junc 'ichm tz'um yet'l yal uva, yujto a yic tzjaw sti', caw tzsipji, ton̈j tzjat jun 'ichm tz'um chi yu'uj, ton̈j tz'ixtx jun yal uva chi yet' jun tz'um cha. Yuj cha, an̈j 'a yojl jun tzo'n̈ 'a't tz'u'um, an̈j ta tz'ejm 'ac' yal uva yic tzjaw sti', sec may tas tz'ixtx 'a schab'il, xchi Jesús 'a eb'.

Salmos 119:83

Yujto an tic, 'icha to man̈x 'a wel'ch yuj 'ichmal, palta man̈ yujoc cha, tzsat in c'ojl 'a a checnb'il.

Gn 34:13

Yujto tox x'ixtx 'ix Dina chi yuj win Siquem cha, yuj cha, xta'w ewin snul'j 'ix Dina chi 'a chab'satl 'a winac yet' 'a smam win cha.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.

Josué 9:5

'Ix ya'n 'och eb' 'ichm pichul, 'ichm xan̈ab', nipquintac yilx smasnil jun tzo'n̈ cha. Tacn̈ wal xyij eb' swa 'a yol b'e, caw wal c'uxmtac yilxi.

Josué 9:13

A jun tzo'n̈ tz'um tic, caw 'a't eb' yic xqui b'ut'n eb' on̈, palta ax ticnec, xjat eb' yic on̈ b'ey coti. Xlajw pax 'el qui pichul yet' qui xan̈b' tic on̈, yujto caw najt on̈ coti, xchi eb'.

Josué 9:12

A yic on̈ cot ex qui sayq'ui, caw wal q'uixn 'ixm wal tic yic xqui'n coti, ax ticnec c'uxmtac xo, tacn̈ xo 'ixim.