Josué 9:17 - Chuj San Sebastian Bible

¹⁷ Xlajw xoj cha, 'ix 'at eb' soldado israel chi 'at yil eb'; ax 'a schab'jial 'ix c'och eb' 'a schon̈b' eb' cha, atn chon̈b' Gabaón, chon̈b' Cafira, chon̈b' Beerot yet' chon̈b' Quiriat-jearim.

Chuj San Mateo Bible

¹⁷ Ix lajvi chi', ix syamanoch eb' israel chi' sb'at sayan b'aj cajan eb' chi'. Axo d'a schab'jial ix c'och eb' d'a schon̈ab' eb', aton Gabaón, Cafira, Beerot yed' Quiriat-jearim.

Josué 9:17 Referans Kwoze

1 Cr 21:29

Wach'xam a jun mantiado yic Jehová b'ob'il chan̈ yuj Moisés 'a lum cusltac lu'um, yet' jun yet'l xajmb'al 'aj tz'ajx xajmb'al, ata 'ay 'a jolm witz yic Gabaón,

A Ch'an̈ B'ab'el Libro Samuel 7:1

'Ix jaw eb' 'aj Quiriat-jearim wul yic' te scaxail strato Jehová cha, axta xc'och yuj eb' 'a yol yatut win Abinadab, ata cajn win 'a jun lum tzalan. Ax jun yunnal win tzcuch Eleazar, a si'cn 'och eb' 'anma chi stan̈malc te scaxail strato Jehová cha.

Josué 18:14

Axta tzmeltzj smon̈jonal chi 'a stojlal sur 'a lum witz 'ay 'a yojltac 'at Bet-horón, masnto 'a Quiriat-baal (tzcuch pax Quiriat-Jearim). Yic eb' yin̈tl Judá yaj jun chon̈b' cha, atn smon̈jonal lum tic 'ay 'a stojlal 'aj tz'em c'u.

Josué 15:60

Lum slajn̈c'ajil 'ay chab' chon̈b' yet' yaldeail, eb' lum 'ay 'a jolmtac witz: Atn Quiriat-baal, (atn pax tzcuch Quiriat-jearim) yet' Rabá.

Josué 15:9

Axta tzmeltzj 'a lum jolm witz cha, masnto 'a 'aj tzpac' a a yic Neftoa. Tzlajw cha, tz'atxi masnto 'a jun niwquil chon̈b' 'ay 'a lum witz yic Efrón, tz'e'x 'a Baala, atn jun chi tzcuch pax Quiriat-jearim.

Josué 10:2

yuj cha, 'ix xiw chan̈ winac, yujto a lum chon̈b' Gabaón, caw wal niwquil chon̈ab'. Caw wal b'inab'il, 'ec'b'al 'a yib'n̈ lum chon̈b' Hai, ax eb' 'anma smasnil 'a jun chon̈b' cha, caw wal jeln eb' 'a owal.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.

Josué 9:9

—Caw wal najt on̈ coti, yujto xcab'i to a Jehová e Diosal caw wal 'ay spoder. 'Ix cab' paxi tas 'ix sb'o 'a chon̈b' Egipto.

Josué 9:16

Yoxl xo c'u sb'on eb' jun strato cha, 'ix yab'n sb'a eb' israel to a 'a sla'nil eb', ata cajn eb' 'anma cha.

Josué 9:18

Ma'ix milx eb' yuj eb' soldado cha, yujto a eb' cha, 'ix yac' eb' sti 'a Jehová Dios to matz milx eb' 'anma chi yuj eb'. Yuj jun snab'en eb' cha, 'ix cot yowl smasnil eb' israel chi 'a eb' yajl yaj 'a scal eb' cha.

Josué 18:15

Ax smon̈jonal lum 'ay 'a stojlal sur, ata tz'el yich 'a Quiriat-jearim, 'a stojlal 'aj tz'em c'u, masnto 'aj tzpac' a a yic Neftoa.

Jueces 18:12

'Ix c'och eb' 'a Judá. Ata sb'o chan̈ eb' scamplamento 'a stojlal 'aj tz'ejm c'u 'a lum Quiriat-jearim. Atn jun lugar chi tzcuch scamplamento Dan.

A Ch'an̈ B'ab'el Libro Samuel 6:21

'Ix ya'n 'at eb' 'anma chi schecb' 'a eb' 'aj Quiriat-jearim, 'ix yaln 'at eb' 'ixtic: A eb' filisteo, 'ix wul ya'x can eb' te scaxail strato Jehová, yuj cha, to tzwul eyi'x te', xchi eb'.

A Ch'an̈ Schab'l Libro Samuel 4:2

Palta 'ay chawn̈ schecb' winac, yajl yaj eb' 'a jun b'uln̈ eb' 'elc'um. 'Ay jun win tzcuch Baana, junx win tzcuch Recab. Yunnal Rimón eb', win 'aj Beerot, yin̈tl can Benjamín ewinac. (A eb' 'anma cajn 'a Beerot, 'ojcab'il chajtlto yin̈tl can Benjamín eb'.

1 Cr 2:50

Atn jun tzo'n̈ eb' yin̈tl Caleb tic. A Hur, atn sb'ab'l 'une 'ix Efrata, a 'ay yunnal Sobal, smam 'ichm eb' 'aj Quiriat-jearim;

1 Cr 2:52

Ax eb' yunnal Sobal, win smam 'ichm eb' 'aj Quiriat-jearim: atn eb' Reaía yet' spacl eb' manahetita,

1 Cr 2:53

yet' junjn macn̈ eb' 'aj Quiriat-jearim, atn eb' itrita, eb' futita, eb' sumatita yet' eb' misraita, atn 'a eb' 'aj cotnc yin̈tl eb' zoratita yet' eb' estaolita.

Jeremías 26:20

(An̈jtona pax win schecb' Dios tzcuch Urías, yunnal Semaías 'aj chon̈b' Quiriat-jearim, a 'ix paxtin 'el 'a sb'i Jehová 'a jun chon̈b' tic, yet' 'a jun nacion̈ tic, 'icha wal xyutj paxtinc sb'a Jeremías tic.

1 Cr 12:4

Ismaías 'aj Gabaón, atn jun tic 'aych stz'acb'oc eb' 30 caw jelan, a 'aych pax yajlilal 'a yib'n̈ eb': Jeremías, Jahaziel, Johanán, Jozabad 'aj Gedera,