Josué 9:1 - Chuj San Sebastian Bible

¹ 'Ix yab' sb'a eb' rey tas 'ix laj uj 'a sla'nil cha, atn eb' rey cajn 'a sc'axpil 'ec' sti a Jordán 'a stojlal 'aj tz'em c'u, eb' cajn 'a lum jolmctac witz, eb' cajn 'a lum ya'lical sti a Jordán yet' eb' cajn 'a lum c'a'lum 'ay 'a sti a Mar Mediterráneo, masnto tzc'och 'a yol yic Líbano. A eb' rey cha, atn eb' sreyl eb' hitita, eb' amorreo, eb' cananeo, eb' ferezeo, eb' heveo yet' eb' jebuseo.

Chuj San Mateo Bible

¹ Ay juntzan̈ eb' vin̈ rey cajan d'a stojolal b'aj tz'em c'u d'a a' Jordán, eb' cajan d'a jolomtac vitz, eb' cajan d'a span̈anil sti' a' Jordán chi' yed' eb' cajan d'a stitac a' mar Mediterráneo, masanto sc'och d'a Líbano, ix yab' specal eb' tas van yuji d'a slac'anil eb' chi'. A juntzan̈ eb' rey chi', aton eb' vin̈ sreyal eb' hitita, eb' amorreo, eb' cananeo, eb' ferezeo, eb' heveo yed' eb' jebuseo,

Josué 9:1 Referans Kwoze

Nm 34:6

A smon̈jonal 'a stojlal 'aj tz'em c'u, atnn̈ej sti a Mar Mediterráneo.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

Ex 23:23

'Oj b'ab'ljoc jun wángel chi eyu'uj, ax ex yi'n 'at 'a lum slum eb' amorreo, eb' hitita, eb' ferezeo, eb' cananeo, eb' heveo yet' eb' jebuseo; 'oj in satl eb' 'a jun 'ejmn̈ej.

Josué 24:11

Xlajw cha, ex wa'n 'e'toc 'a yojl a Jordán, axta ex jaw 'a Jericó. A eb' cajn 'a Jericó cha, yet' eb' amorreo, eb' ferezeo, eb' cananeo, eb' hitita, eb' gergeseo, eb' heveo yet' pax eb' jebuseo, 'ix yac' eb' owl cob' eyet'oc, palta an xo xwac' eb' 'a yol e c'ab', sec tz'em eb' eyu'uj.

Josué 23:4

An xin pojcn 'ec' smasnil lum lum tic 'a scal junjn 'in̈tal. Man̈ cojnoc lum tox xquijec 'ec' tic xin pojcn 'ec' 'ayex, palta yet' jun tzo'n̈ xo lum tot 'oj eyi'q'ui, tz'atn̈j lum 'a a Jordán, masnto tzc'och lum 'a a Mar Mediterráneo 'a stojlal 'aj tz'em c'u.

Josué 22:7

Spacln̈ej eb' yin̈tl Manasés 'ac'b'ilx can smacl lum 'a yol yic Basán yuj Moisés. Ax spacl xo eb', a Josué a x'a'n slum eb' 'a stojlal 'aj tz'em c'u 'a a Jordán. A yic 'ix yaln can sb'a Josué 'a eb' 'ix can smacl 'a stojlal 'aj tzq'uel c'u 'a sti a Jordán, xyaln can wach' paxti 'a yib'n̈ eb',

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Josué 15:12

A a Mar Mediterráneo cha, a 'aych smon̈jonalc lum 'a stojlal 'aj tz'em c'u. Atn jun tzo'n̈ tic x'och smon̈jonalc smacl lum eb' yin̈tl Judá, 'ix pojx 'ec' lum 'a scal junjn c'aj eb'.

Josué 13:5

'Ayt can pax lum yic eb' guiblita yet' smasnil lum Líbano 'a stojlal 'aj tzq'uel c'u, tz'atn̈j 'a Baal-gad 'a yich lum witz Hermón masnto 'aj tz'ochch lum Hamat.

Josué 11:17

Tz'atn̈j lum 'a yich lum witz tzcuch Halac lum tzq'ue'ch 'a Seir, masnto tzc'och 'a Baal-gad, lum 'ay 'a span̈nil lum Líbano, lum tzc'och 'a yich lum witz Hermón. 'Ix yamchj smasnil sreyl jun tzo'n̈ nacion̈ chi yuj eb', xlajw cha, xya'n Josué chi milxoc cham eb'.

Josué 10:23

'Ixta 'ix yutj eb' israel chi yi'n 'elt own̈ eb' rey chi 'a yol n̈aq'uen cha, atn win sreyl Jerusalén, win yic Hebrón, win yic Jarmut, win yic Laquis yet' win yic Eglón.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Josué 3:17

Ax eb' ya'mal 'och sti eb' 'anma cha, 'ix 'ochcn wan lin̈n eb' 'a snan̈l 'aj tzb'ey a Jordán cha, Caw tacn̈ lum lum 'aj 'ix 'och wan lin̈n eb', ya sb'a x'ec' smasnil eb' 'anma 'a lum tacn̈ lum 'a yojl a Jordán.

Josué 1:15

masnto 'oj yac' Jehová jun slum eb' 'aj 'oj can cajn cha, 'icha 'ix yutj ya'n eyic ax tic. At yic tzyique'ej eb' lum lum chi yuj Jehová qui Diosalec, 'ixta to b'i'an, tzex meltzj paxt 'a lum eyic 'ay 'a stojlal 'aj tzq'uel c'u 'a a Jordán tic yic tzeyica'an can lum 'a jun 'ejmn̈ej, atn lum xya'cn Moisés 'ayex, win schecb' Jehová, xchi Josué.

Josué 1:4

Tzcot lum e lum chi 'a lum cusltac lu'um 'a stojlal sur, masnto 'a lum Líbano 'a stojlal norte. Tzc'och lum 'a sti a niwn a Eufrates 'a stojlal 'aj tzq'uel c'u, yet' pax smasnil lum yic eb' hitita, masnto tzc'och lum 'a sti a niwquil Mar Mediterráneo, 'a stojlal 'aj tz'em c'u.

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Dt 4:49

A smacb'en eb', atn smasnil lum pan̈n 'ay 'a sti a Jordán 'a stojlal 'aj tzq'uel c'u, masnto tzc'och lum 'a a Mar Muerto, atn a 'ay 'a yich lum witz tzcuch Pisgá.

Dt 3:25

Tzin tew wal 'ayach, comnoc tzin a chaj 'ec' 'a sc'axpil 'ec' a Jordán tic. Tzin nib'j tzin c'och 'a sat jun lum caw wach' cha. Tzin nib'j wal tz'at wil lum lum 'ay 'a jolmctac witz cha, yet' pax lum Líbano, xin chi 'a 'a.

Ex 34:11

Yicljec smasnil tas 'ix wal 'ayx tic, sec an xo 'oj wi'l eb' 'anma chi 'aj 'oj e c'och cha, atn eb' amorreo, eb' cananeo, eb' hitita, eb' ferezeo, eb' heveo yet' eb' jebuseo.

Ex 23:31

Tox 'ix wac' 'ejm smon̈jonal 'ajtil 'oj 'ec' lum e lum cha: tz'el yich lum 'a a Chac Mar, masnto tzc'och lum 'a a Éufrates, tz'ec' pax lum 'a a Mar Mediterráneo 'a 'aj 'ayc' eb' filisteo, masnto tzc'och lum 'a cusltac lu'um. 'Oj wa'ch eb' cajn 'a jun lugar chi 'a yol e c'ab', ax xo 'oj e pechl eb' 'a sat lum lum cha.

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Josué 6:27

A Jehová caw wal xcolwj yet' Josué, yuj cha, 'ix puc yab'xil 'a smasnil jun tzo'n̈ lugar cha.

Josué 9:7

Ax eb' yajl yaj 'a eb' israel cha, 'ix ta'w eb' 'ixtc 'a eb' heveo cha: —Toq'ue a 'a qui la'nil tic on̈, ata cajn ex, ¿tas 'oj cutc qui comn b'on junc qui trato chi eyet' on̈? xchi eb'.

Dt 1:7

A ticnec, meltzjan̈c can 'at 'a lum slum eb' amorreo 'ay 'a lum jolmctac witz, yet' 'a jun tzo'n̈ xo lugar 'ay 'a sla'nil eb' cha. Tzex 'ec' 'a lum span̈nil sti a Jordán, 'a lum jolmctac witz, 'a lum pan̈ctac, 'a lum Négueb, yet' lum 'ay 'a sti a mar 'a yol yic eb' cananeo, yet' pax lum Líbano, masnto tzc'och lum 'a sti a niwquil a Éufrates.

A Ch'an̈ Schab'l Libro Samuel 24:7

Xlajw cha, 'ix 'at eb' 'a stojlal Tiro, 'ix 'ec' eb' 'a smasnil schon̈b' eb' heveo, yet' 'a schon̈b' eb' cananeo. Xlajw cha, 'ix jaw eb' 'a Beerseba, 'a Neguev 'ay 'a yol yic Judá.