Josué 8:2 - Chuj San Sebastian Bible

² 'Icha wal xeyutj chon̈b' Jericó yet' sreyal, 'ixta pax tzeyutj chon̈b' Hai yet' sreyal. Ax ticnec, a tas 'ay 'a jun chon̈b' cha, tztac' cab' scan 'ayx yet' smasnil scajb'en noc' eb' 'anma cha. Wach' tzotj a'n 'och stzol-l jun owl cha, tzac' sc'ub'c 'el sb'a nan̈loc eb' soldado chi 'a spatc 'el chon̈b' cha, xchi Dios.

Chuj San Mateo Bible

² Icha val ix eyutej chon̈ab' Jericó yed' vin̈ sreyal, icha pax chi' ol eyutej jun chon̈ab' chi' yed' vin̈ sreyal. Axo pax masanil tastac ay d'ay yed' noc' noc', tzeyiquejcani ayic toxo ix eyac' ganar. Ac'b'at junoc macan̈ eb' vin̈ soldado yic sb'at sc'ub'anel sb'a eb' vin̈ d'a spatictac jun chon̈ab' chi', axo junocxo macan̈ eb' vin̈ b'at tzuntzanelta eb' cajan chi' ta', xchi Jehová chi' d'a vin̈.

Josué 8:2 Referans Kwoze

Dt 20:14

Ax eb' 'ix 'ix, eb' 'unin, smasnil scajb'en noc' eb', yet' pax smasnil tas 'ay 'a yol schon̈b' eb' cha, eyic tz'aj smasnil; tztac' tze c'ux tas 'ay 'a eb', tzeyac' tzaljoc e c'ojl yet' jantcn̈ej tas tzyal sc'ojl Jehová Dios tzeyijcan 'ec' 'a eb' 'ajc'ojl cha.

Pr 13:22

Toto wach' qui nab'enec, 'ay tas wach' tzca'c can smacloc eb' quichicnec; ax sricoal eb' maysch'olnil, tzcancn 'a eb' wach' snab'en.

2 Cr 20:22

Ax yic schan 'el eb' yich sb'itnan b'it, yic alj wach' paxti', 'ix ya'n 'elt Jehová jun tzo'n̈ winc 'a sat eb' amonita, eb' moabita yet' eb' xcot 'a lum jolm witz 'a Seir, eb' to tzcob' yac' owl yet' Judá yalni. 'Ix syamn 'och eb' smiln cham sb'a.

Josué 6:21

Xlajw cha, xlaj smilnoc can eb' soldado chi eb' 'anma cha, eb' winac, eb' 'ix 'ix, eb' quelem, eb' 'ichmtac 'anma', no wacax, no calnelu yet' no b'uru, c'uxn xlajw can 'el smasnil yuj eb'.

Jeremías 51:12

'Ijec chan̈ e bandera, yic tzex 'at eyac' owl 'a 'aj 'ay smuroal Babilonia, xchi. Wach' cab' tz'ajch oyn eb' soldado 'a 'a, 'och cab' stan̈mal. Jeln cab' tzeyutj e b'a 'a 'ajtil tze c'ub'j 'el e b'a yic tze miln cham eb' soldado tz'elt wul yac' owl eyet'oc, yujto wan sb'on Jehová tas nab'il sb'on 'a yib'n̈ eb' cajn 'a Babilonia.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Pr 28:20

A mach wach' snab'en, 'oj 'ijxoc cha'an̈; ax junc to tznib'j tz'och ricoal muc'uc, 'oj yab' sya'il.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

2 Cr 13:13

Palta ax Jeroboam tox 'ix yal 'a nan̈l eb' soldado chajtlto a 'a spatquil eb' soldado yic Judá ata tzjaw eb', ax nan̈l xo eb' soldado Jeroboam cha, 'ix can eb' 'a yojltac eb' yic Judá cha.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:1

Ax xyab'n sb'a Adonisedec sreyl Jerusalén, to a Josué a 'ix satn can 'el chon̈b' Hai yet' sreyal, 'ixta pax yutjnac can chon̈b' Jericó yet' sreyl 'a yaln̈tax cha. Xyab'n paxi to a eb' 'aj Gabaón 'ayx junc'ojlal 'a scal eb' yet' eb' israel cha, junn̈j yaj eb' yet' eb',

Josué 8:24

Xlajw schamcn smasnil eb' 'aj Hai cha, atn eb' xpechn eb' israel cha, 'ix meltzj pax eb' israel 'a chon̈b' Hai. 'Ix swach' miln eb' smasnil eb' 'anma xcan 'a yol chon̈b' cha.

Josué 8:19

Ax eb' soldado c'ub'b'il 'el cha, 'ix 'elt eb' 'a yet'l chi muc'uc. 'Ix 'och eb' 'a jun chon̈b' cha, yajn̈ej 'ix ya'n 'och eb' sc'aq'uil.

Josué 8:14

Ax xyiln sb'a win sreyl chon̈b' Hai cha, to 'ay tas wan sc'och 'a 'a. Yuj cha, caw 'ix seb' q'ue wa'an, 'ix ya'n lista smasnil soldado. 'Ix 'elt yac' owl yet' eb' israel 'a lum 'a'lic tz'emch 'a sti a Jordán. Man̈ yojcoc eb' toto 'ay pax nan̈l xo eb' soldado chi c'ub'b'il 'el 'a spatquil 'at jun chon̈b' cha.

Josué 8:12

'Ix ya'n Josué sc'ub'c 'el sb'a am junc o'e mil eb' soldado chi 'a snan̈l Bet-el yet' Hai, 'a stojlal 'aj tz'em c'u 'a jun chon̈b' cha.

Josué 8:9

Xlajw cha, schecn 'at Josué eb' soldado cha, 'ix c'och eb' sc'ub'c 'el sb'a 'a snan̈l chon̈b' Bet-el yet' chon̈b' Hai. Ata xcan eb' 'a stojlal 'aj tz'em c'u 'a Hai cha. Ya sb'a cha, 'ix to can Josué junx 'ac'wl 'a camplamento.

Josué 8:7

A yic tzeyiln qui at 'elc on̈, tzex 'elt mu'c 'aj tze c'ub'j 'el e b'a cha. Tzex 'och 'a yol chon̈b' chi muc'uc, yujto a Jehová qui Diosalec, a tz'a'n jun chon̈b' chi 'a yol qui c'ab'ec.

Dt 3:2

Yuj cha, xyaln Jehová 'ayn 'ixtic: Man̈ ex xiwoc, a win rey tic yet' smasnil eb' soldado yet' pax smasnil schon̈ab', tox 'ix wac' eb' 'a yol e c'ab'. 'Icha wal xeyutj win Sihón, win sreyl eb' amorreo cajn 'a Hesbón, 'ixta pax tzeyutj e satn 'el eb', xchi 'ayin.

Josué 8:3

'Ix ya'n lista sb'a Josué yet' eb' soldado yic tz'at eb' yac' owl 'a chon̈b' Hai. 'Ix si'n 'el lajn̈schawinc mil eb' soldado, 'ix yalni to tz'at eb' 'a 'ac'wl cha.

Josué 8:8

A yic tox ex 'och 'a jun chon̈b' cha, yajn̈ej tzeya'n 'och sc'aq'uil, 'icha wal xyutj Jehová yalni. Yowlal tzeyiclj tas tzwal tic, xchi Josué 'a eb' soldado cha.

Dt 2:35

A tas 'ix quique'ejec, atn smasnil scajb'en noc' eb', yet' smasnil tas 'ay 'a jun tzo'n̈ chon̈b' 'ix laj qui satc 'el cha.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.

Josué 11:14

Smasnil eb' 'anma cajn 'a jun tzo'n̈ chon̈b' cha, c'uxn xmilx eb' yet' q'uen espada yuj eb' israel, may wal junc xyactj can eb' 'a pitznal. Ax smasnil no scajb'en noc' eb', yet' smasnil tas 'ay 'a 'a, c'uxn xyique'ej can eb' israel cha.