Josué 8:19 - Chuj San Sebastian Bible

¹⁹ Ax eb' soldado c'ub'b'il 'el cha, 'ix 'elt eb' 'a yet'l chi muc'uc. 'Ix 'och eb' 'a jun chon̈b' cha, yajn̈ej 'ix ya'n 'och eb' sc'aq'uil.

Chuj San Mateo Bible

¹⁹ Val d'a jun rato chi' a eb' vin̈ soldado c'ub'anel d'a spatictac jun chon̈ab' chi', ix och n̈ilnaj eb' d'a yool. Ix yac'an ganar eb', ix sn̈usantz'a eb'.

Josué 8:19 Referans Kwoze

Josué 8:18

Xlajw cha, xyaln Jehová 'a Josué 'ixtic: Ch'oxb't q'uen 'a lanza et' chi 'a stojlal chon̈b' Hai, yujto an tzwac' jun chon̈b' chi 'a yol a c'ab', xchi. 'Ix sch'oxn 'at Josué q'uen slanza chi 'a stojlal jun chon̈b' cha.

Josué 8:20

Ax yic xmeltzj 'at q'ueln eb' winc yic Hai chi 'a spatquil, 'ix yiln eb' to wan sq'ue wan tocc'oc stab'l schon̈b' eb' stz'a'i, xq'ue'ch jun tab' chi 'a satcha'an̈. Man̈x 'a 'aj wach' scoln sb'a eb', ax eb' israel x'at 'elc 'a lum cusltac lum cha, 'ix meltzj eb' yac' owl chi yet' eb'.

Jueces 20:33

Ax yic xc'och eb' israel chi 'a Baal-tamar, yajn̈ej sb'on 'och sb'a eb' 'a stzol-l ya'n owl yet' eb' soldado yic Benjamín. An̈jtona', 'ix 'el paxt eb' sc'ub'jnac 'el sb'a chi 'a spatquil chon̈b' Gabaa cha.

Jueces 20:37

Ax eb' soldado sc'ub'j 'el sb'a cha, yajn̈ej 'ix 'och eb' 'a Gabaa, 'ix smiln eb' smasnil eb' cajn ta'.

Josué 8:2

'Icha wal xeyutj chon̈b' Jericó yet' sreyal, 'ixta pax tzeyutj chon̈b' Hai yet' sreyal. Ax ticnec, a tas 'ay 'a jun chon̈b' cha, tztac' cab' scan 'ayx yet' smasnil scajb'en noc' eb' 'anma cha. Wach' tzotj a'n 'och stzol-l jun owl cha, tzac' sc'ub'c 'el sb'a nan̈loc eb' soldado chi 'a spatc 'el chon̈b' cha, xchi Dios.