Josué 8:17 - Chuj San Sebastian Bible

¹⁷ Man̈x 'a xon wal junc winc chi xcan 'a yol chon̈b' Hai yet' 'a chon̈b' Bet-el; c'uxn 'ix 'elt eb' spech eb' israel cha. Yuj wal snib'n eb' spech eb', 'ix can jacn schon̈b' eb' cha, man̈x 'a mach xcan tan̈wnoc.

Chuj San Mateo Bible

¹⁷ Man̈xa junoc vinac ix can d'a yol chon̈ab' Hai chi' yed' d'a Betel. Masanil eb' ix b'at spech eb' vin̈ soldado israel chi'. Yujto ix b'at eb' smasanil, yuj chi' man̈xa mach ix can stan̈vej schon̈ab' eb' chi'.

Josué 8:17 Referans Kwoze

Job 5:13

A tztenn 'och wan eb' maysch'olnil snab'en cha, sec matz 'el'ch tas tznib'j eb'.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

Josué 8:3

'Ix ya'n lista sb'a Josué yet' eb' soldado yic tz'at eb' yac' owl 'a chon̈b' Hai. 'Ix si'n 'el lajn̈schawinc mil eb' soldado, 'ix yalni to tz'at eb' 'a 'ac'wl cha.

Dt 2:30

Palta ax win rey Sihón cha, ma'ix yal sc'ojl win on̈ 'e'tec 'a sat slum cha, yujto a Jehová qui Diosalec, a x'a'n sna winac, to matz on̈ schajec 'e'ta, sec wach' tzcan win 'a yol qui c'ab'ec, 'icha ton wal wan yuj tic.

Josué 8:16

Smasnil eb' soldado 'a jun chon̈b' cha, 'ix 'ajx jun ley 'a eb', to smasnil eb' tz'at pechnc Josué yet' eb' soldado cha. Ax x'aji, yel xo caw najt 'ix 'el eb' 'a schon̈b' cha.

Josué 8:18

Xlajw cha, xyaln Jehová 'a Josué 'ixtic: Ch'oxb't q'uen 'a lanza et' chi 'a stojlal chon̈b' Hai, yujto an tzwac' jun chon̈b' chi 'a yol a c'ab', xchi. 'Ix sch'oxn 'at Josué q'uen slanza chi 'a stojlal jun chon̈b' cha.

Jueces 20:31

'Ix 'el paxt eb' yin̈tl Benjamín 'a yol chon̈b' 'a owal, najt 'ix 'elt eb' 'a sti 'el chon̈b' yac' owl yet' eb' yit israelal cha. 'Ix yac' ganar eb' smiln cham 30 xo eb' israel 'a stitc b'e tzcot 'a Gabaa tzc'och 'a Bet-el.