Josué 8:1 - Chuj San Sebastian Bible

¹ 'Ix yaln pax Jehová 'ixtc 'a Josué: Man̈ ach xiwoc, man̈ ach 'och 'il. 'Ij 'at smasnil eb' a soldado tic, tz'at a'nc owl 'a chon̈b' Hai. An 'oj wac' jun sreyl Hai chi 'a yol a c'ab', eb' 'anma', schon̈b' eb' yet' smasnil slum eb'.

Chuj San Mateo Bible

¹ Ix lajvi chi', ix yalan Jehová d'a vin̈aj Josué icha tic: Man̈ ach xivoc, mocab' chab'axq'ue a c'ool. Ic'b'at masanil eb' vin̈ soldado, tzach b'at oval d'a chon̈ab' Hai. A in ol vac'och jun chon̈ab' chi' yed' vin̈ sreyal yed' masanil smacb'en d'a yol e c'ab'.

Josué 8:1 Referans Kwoze

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Dt 7:18

Palta man̈ ex xiwoc; tze na coti tas yutjnac Jehová win sreyl Egipto yet' eb' 'anma cha.

Dt 1:21

A Jehová qui Diosalec, a tz'a'n lum 'ayn̈ec. A ticnec 'ochn̈ec 'a sat lu'um, 'ijec 'ec' lum 'icha 'ix yutj Jehová yalni, atn qui Diosalec yet' eb' qui mam quichmec. Man̈ ex xiwoc, may cab' mach tzchab'c'ojlej sb'a, xin chi 'ayex.

Josué 6:2

Palta xyaln Jehová 'a Josué 'ixtic: A ticnec tzwac' chon̈b' Jericó 'a yol e c'ab' yet' sreyal yet' pax eb' soldado.

Dt 31:8

A Jehová 'oj b'ab'ljoc o'oj, caw 'ayc'n̈ej et'oc. Man̈ a na to tzach yactj can a ch'ocoj. Yuj cha, man̈ ach xiwoc, man̈ ach meltzjoc 'a a patic, xchi Moisés.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Mt 8:26

'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Jeremías 46:27

'Ix yaln pax Jehová 'ixtic: Ex Israel, atn ex yin̈tl can Jacob, in checb' eyaji, caw man̈ ex xiwoc, yujto 'oj ex in col 'elt yet' eyunnal 'a jun nacion̈ 'aj ex 'ijx 'at 'icha presoal 'a caw najat. An Jehová in, an tzwala: 'Oj e cajx e lum 'a junc'ojlal, man̈x 'a tas 'oj e na', man̈x 'a junc mach 'oj e xib'tni.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Josué 7:9

A eb' cananeo yet' smasnil eb' cajn 'a jun tzo'n̈ lugar tic, 'oj yab' eb' speclal tas on̈ 'aji, 'oj syam sb'a eb' ax on̈ satn can 'el eb' on̈, man̈x 'a 'aj 'oj qui b'inax 'a sat lum lum tic on̈. Ach xo tic, tu 'oj yal eb' 'anma chi 'a a patic, xchi Josué.

Josué 10:7

Yuj cha, 'ix cot Josué yet' smasnil soldado 'a Gilgal cha, 'ix cot eb' caw jeln 'a owl chi yet'oc.

Josué 10:8

'Ix yaln Jehová 'ixtc 'a Josué cha: —Man̈ ach xiw xon jac yuj ewinac, yujto an 'oj wac' ewin 'a yol e c'ab', may xon wal junc win 'oj ste'wtzoc sb'a ya'n owl eyet'oc, xchi.

Jeremías 49:3

'Ochn̈ec 'a cusc'ojlal ex 'aj chon̈b' Hesbón, yujto a chon̈b' Hai, tox 'ix lajw 'ejmi. Ex 'ix 'aj chon̈b' Rabá, 'ochn̈ec wal 'a cusc'ojlal. 'A'c 'och e pichl n̈achtac sat, 'o'n̈ec. 'Oyb'xan̈c 'ec' 'a yol e chon̈b' yuj e somc'ojlal. Ma'c lajwc e niwnal, yujto a jun e diosal tzcuch Milcom, 'oj 'ijxoc 'at 'icha presoal, yet' eb' ya'mal 'och e ti 'a 'a, yet' pax eb' 'anma to niwc yel'ch yopiso.

Dt 7:21

Yuj cha, man̈ ex xiw xon 'a eb' 'anma cha, yujto a Jehová qui Diosalec, a 'ayc' 'a e cal, caw niwquil spoder, caw wal 'ay smay.

Josué 2:24

'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.