Josué 6:4 - Chuj San Sebastian Bible

⁴ Tzb'ab'lj ucwn̈ eb' ya'mal 'och sti eb' 'anma yuj te scaxail trato, junjn eb', tzyij eb' scacha b'ob'il 'a no sch'ac calnelu; ax 'a yucl c'u cha, uc 'ejm tzex oyy 'ec' 'a spatquil 'elt jun chon̈b' tic, ax eb' ya'mal 'och sti eb' 'anma cha, 'oj yutz'c eb' scacha cha.

Chuj San Mateo Bible

⁴ Ucvan̈ eb' vin̈ sacerdote sb'ab'laj d'a yichan̈ te' scaxail trato, junjun eb' yed'nac junjun sch'aac, b'ob'il d'a sch'ac noc' calnel. Axo d'a yuquil c'ual jun, uquel ol ex ec' oyoyoc d'a spatictac jun chon̈ab' chi', ol spu'ann̈ej noc' ch'aac chi' eb' vin̈.

Josué 6:4 Referans Kwoze

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.

2 Cr 20:17

Man̈oc ex 'oj eyac' owal. Ton̈j 'oj eyaj ta', may tas 'oj e b'o', ax eyilni tas 'oj wutc ex in coln 'el an Jehová in, xchi. Ex 'aj Jerusalén yet' ex 'aj Judá, man̈ ex xiwoc, man̈ eyac' chab'c'ojlal. Q'ui'nto tz'ex 'at eyac' owl yet' eb', yujto a Jehová 'aych quet'ec, xchi Jahaziel.

Apoc 8:2

Ax xwilni, lin̈n 'ec' ucwn̈ ángel 'a yojltac Dios, 'ix 'ajx strompeta junjn eb'.

2 Cr 20:21

A yic 'ix lajw spaxtin yet' eb' chon̈b' cha, 'ix si'n 'el jun tzo'n̈ eb' to tzb'itni. 'Ix ya'n 'och eb' spichl yic yopiso cha, 'ix b'ab'lj eb' yuj eb' soldado cha. Tzyaln eb' wach' paxti yet' sb'it 'ixtic: Ca'c yuj diosal 'a Jehová, yujto a schamc'ojlal, 'ayc' 'a jun 'ejmn̈ej, xchi eb'.

A Ch'an̈ B'ab'el Libro Yic Yab'ixal Eb' Rey 18:43

'Ix yaln 'ixtc 'a win schecb' ajun yet'oc: —'Ixc 'a lum jolm witz, tzach 'at q'ueln 'a yib'n̈ 'a mar, xchi. 'Ix 'at winac, 'ix 'at q'ueln win 'a yib'n̈ a mar cha, xlajw cha, xyaln 'a win Elías 'ixtic: —May xon jac tas xwila, xchi winac. Uc 'ejm xyal Elías chi 'a winac to tz'at yila'.

Lv 14:16

Tzlab'n 'ejm yune sc'ab' 'a swach' 'a scal aceite 'ayc' 'a yol sc'ab' cha. A yet' yune sc'ab' chi tzyac' tzicnc 'ejm uc 'ejmoc aceite chi 'a wojltac an Jehová in.

Apoc 15:7

'Ay jun 'a eb' querubín schan̈wn̈il, a 'ix 'a'n junjn vaso nab'a oro 'a junjn eb' ángel cha. A junjn svaso eb' cha, b'ut'n yet' yowl sc'ojl Dios. Atn Dios 'ayc' 'a jun 'ejmn̈ej.

Apoc 15:1

Xlajw cha, xwiln junx senya 'a satcha'an̈, caw niwn yel'chi. Xcaw sat in c'ojl wilni. 'Ay ucwn̈ ángel yet' eb' uque slajb' yailal. Yuj uque yailal cha, 'oj tz'acwc 'el'ch smasnil yowl sc'ojl Dios.

Apoc 10:3

Xlajw cha, 'ix 'awji. Caw 'ip x'awj 'icha yel yaw no león. Ax yic xlajw yawji, 'ay pax uque tzc'an̈ c'u 'ix paxtini.

Apoc 8:6

Ax eb' ángel yucwn̈il, xyac' lista junjn eb' strompeta, yic tzyutz'n eb'.

Apoc 5:6

Ax 'a snan̈l yojl jun despacho cha, 'a scal chan̈wn̈ querubín cha, yet' 'a scal eb' 'ichm winc cha, ata xwil jun tzcuch Calnelu. Lin̈n 'eq'ui, palta chequel to milb'il chamoc. Uque sch'a'ac, uque pax yol sat. A yol sat cha, atn ucwan̈ Yespíritu Dios checb'il 'at 'a smasnil yolyib'n̈q'uinal.

Apoc 5:1

'Ix wiln jun wocn 'ejm 'a sdespacho. A 'a swach' c'ab', ata 'ay jun ch'an̈ un̈ chulb'ilb'ec'an. 'Ay stz'ib'l 'a yojol, yet' 'a spatic. 'Ay uque seyo 'aych 'a spatic. Yuj cha, matz tac' sjacwi.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

A Ch'an̈ Schab'il Libro Yic Yab'ixal Eb' Rey 5:10

Xlajw cha, schecn 'at Eliseo schecb' 'a Naamán yic tz'at alxc 'a 'ixtic: 'Ixc 'at b'icl a b'a uc 'ejmoc 'a a Jordán, ax sb'ox can a niwnal cha, xchi.

Nm 23:1

Yuj cha, 'ix yaln Balaam 'ixtc 'a Balac: —B'o chan̈ uque'oc yet'l xajmb'al 'a tic. Tzlajw cha, tze'n cot ucwn̈oc no quelm wacax, yet' ucwn̈oc no mam calnelu, xchi.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

Zacarías 4:2

¿Tas tzela? xchi 'ayin. 'Ix waln 'ixtc 'a 'a: Tzwil jun sb'achnub'l cantil nab'a oro yet' jun yet'l aceite 'a yib'an̈. 'Aych uque cantil chi 'a sc'ab' jun sb'achnub'al cantil cha. A junjn cantil cha, 'ay stuboal tz'i'n b'ey yaceiteal.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Job 42:8

Yuj cha, a ticnec b'i'an, 'ijec cot ucwn̈oc no quelm wacax yet' ucwn̈oc no mam calnelu, tz'at eya'n 'a win in checb' Job, ax win 'oj 'a'nc e no xajmb'al-l 'ayn eyu'uj. Ax sleslwi win eyu'uj, ax in chan slesl win cha, sec may 'oj ex wutc yuj e man̈ nab'enal, 'icha wal smoj e chani, yujto man̈ wach'c tas xeyal 'a in patic, 'icha xyutj sb'a win in checb' cha, xchi Dios.

2 Cr 20:19

Ax jaywn̈ eb' levita, eb' to yin̈tl Coat, yet' eb' yin̈tl Coré, yajn̈ej 'ix q'ue lin̈n eb' yaln wach' paxti 'a Jehová sDiosal chon̈b' Israel. Caw 'ip 'ix yutj eb' yalni.

2 Cr 13:12

A Dios 'ayc' quet' on̈, a b'ab'l cuj on̈, ax eb' ya'mal 'och qui ti 'a Dios on̈, caw lista xo yaj eb' yutz'n strompeta yic tz'och owl eyet' ax tic. Ex wit chon̈ab', man̈ eyac' owl yet' Jehová, atn qui Diosalec yet' eb' qui mam quichmec, yujto ma'oj eyac' xon ganar, xchi Abiam 'a eb'.

Lv 4:6

Tzyac' 'ejm win yune sc'ab' 'a scal schic'l no cha, uc 'ejm tzic 'ejm win schic'l no chi 'a wojltac an Jehová in, atn 'a yojltac 'elt te cortina 'aych 'a yol in cajnub'.

Gn 2:3

'Ix si'n can 'el Dios jun yucl c'u chi yico'oc sec tz'ilj pax eb' 'anma 'a jun c'u cha, yuj yoch swach'loc eb', yujto a 'a jun c'u chi 'aj xb'o 'el'ch smasnil tas yuj Dios.

Josué 6:3

E masnil ax soldado israel ex tic, 'a junjn c'u tzex oyy 'ec' junjn 'ejm 'a spatquil 'elt chon̈b' tic, waque c'u 'oj e b'o jun tic.

Josué 6:5

A yic tzeyab'ni to man̈xtzac 'och wan yoc' no cacha cha, caw 'ip tzex 'awj cha'an̈, ax scot lan̈njoc smuroal jun chon̈b' cha. Tzlajw cha, tzex 'at tza'njoc junjn ex 'a eyojltac, yic tzex 'och 'a yol chon̈b' cha, xchi.

Josué 6:13

A eb' ucwn̈ cha, b'ab'l s'at eb' 'a yojltac te caxa cha tzyutz'n̈ej eb' scacha. Ax eb' soldado b'ab'l s'at eb' yuj eb', 'ay pax jun c'aj xo eb' tza'n yuj te caxa cha.

A Ch'an̈ Schab'il Libro Yic Yab'ixal Eb' Rey 5:14

Xlajw cha, 'ix 'at Naamán, uc 'ejm 'ix 'ejm 'a yojl a Jordán, 'icha 'ix yutj Eliseo yalni. 'Ix b'ox can sniwnal, 'icha wal sniwnal junc quelm 'unin, caw sac 'ix 'ajcni.