Josué 6:17 - Chuj San Sebastian Bible

¹⁷ Tox 'ix yala to tzsatl jun chon̈b' tic yet' smasnil 'anma cajn 'a 'a. Cojxn 'ix Rahab, 'ix 'ajmul 'ix, cojxn 'ix 'oj colchjoc can 'el yet' eb' xc'och scol sb'a 'a yatut 'ix, yujto a 'ix xc'ub'n 'el eb' 'ilwjum qui checjnaquec coti.

Chuj San Mateo Bible

¹⁷ Masanil jun chon̈ab' tic yed' masanil eb' anima ayec' d'a yol chi', toxo ix yal Jehová to masanil eb' ol sateloc, an̈ej ix Rahab, ix ajmul ix, man̈ ol satel-laj ix yed' masanil mach ayec' yed' ix d'a yol spat, yujto a ix, ix c'ub'anel eb' vin̈ ix ulec' yil jun chon̈ab' tic cuuj.

Josué 6:17 Referans Kwoze

Dt 20:17

Tze satl eb' hitita, eb' amorreo, eb' cananeo, eb' ferezeo, eb' aveo yet' eb' jebuseo. 'Oj cham eb' 'icha wal xyutj Jehová yalni,

Santiago 2:25

'Ixta pax jun 'ix Rahab sb'i 'a pecti', atn jun 'ix 'ajmul 'ix. Ya'jnac 'ix sposada eb' schecb' eb' quit israelec. Xlajw cha, schecn pax 'at 'ix eb' 'a junx b'e, sec matz yamchj eb'. Yuj wal tas sb'ojnac 'ix cha, yoch 'ix wach'l 'a sat Dios.

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.

A Ch'an̈ Carta D'a Eb' Hebreo 11:31

Ax jun 'ix Rahab sb'i, caw 'ajmul 'ix, palta ya'jnac 'och 'ix Dios 'a sc'ojol. Yuj cha, ma'ix cham 'ix yet' eb' man̈ yiclumoc yutjnac sb'a, yujto wach' yutjnac 'ix schan eb' israel xit' 'iljnac tas yaj jun chon̈b' cha.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

Gl 3:12

Ax jun ley cha, toxn may tas tzyala, toto yowlal tzca'c 'och qui c'ojl 'a Dios. Palta tzyal 'ixtic: A mach 'oj yiclnoc, 'oj 'ajxoc sq'uinl yu'uj, xchi.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

1 Co 2:7

Palta a jun jelnal tzwal-l tic, atn sjelnal Dios. A jun jelnal tic, matz nachj xon 'el yuj eb' 'anma', yujto c'ub'b'il 'el 'a eb'. A Dios najnac can jun tic, yic mantzac sb'o yolyib'n̈q'uinl tic, sec wach' 'oj qui c'ochc 'a 'aj 'ay swach'il.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

Ez 39:17

'Ix yaln pax Jehová 'ixtic: Ach 'anma', al 'a e no 'usej yet' 'a e no calte'al noc' to chib'j tzchi'a, smolb'tzoc cot cab' sb'a e no 'a lum jolmctac witz yic chon̈b' Israel, to 'oj wac' schi e no jun tzo'n̈ xajmb'al 'oj in b'o ta', 'oj wac' schi e no chib'ej, ax yu'n e no chic'.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.

Esdras 10:8

'Ix smol aln eb' yajl chi yet' eb' 'ichmtac winac, to a mach matz c'och 'a yoxl c'u 'a jun yamnil cha, tz'ijx 'ec' tastc 'ay 'a eb', tz'ijx pax 'el eb' 'a scal eb' tot jawnc cha.

A Ch'an̈ B'ab'el Libro Samuel 15:6

'Ix ya'n Saúl alxoc 'ixtc 'a eb' ceneo: 'Eln̈ec 'a scal eb' amalecita, sec ma'oj ex qui satl yet' eb' on̈, yujto ax tic, 'o'nc 'och e c'ojl 'a eb' quit chon̈b' on̈ yic sjaw eb' 'a tic yic yelt eb' 'a lum Egipto, xchi. Yuj cha, xyi'n 'el sb'a eb' ceneo 'a scal eb' amalecita.

Josué 7:1

Palta 'ay jun win tzcuch Acán, yin̈tl can Judá, yunnal win Carmi, yixchicn Zabdi, schab'l 'ichicn Zera. 'Ix yij 'at win jun tzo'n̈ tas to 'ay yowlal yijx 'ati, atn jun tzo'n̈ to tz'ajx lajwoc. Ax x'aji, 'ix locchj c'och smasnil eb' yin̈tl Israel yab'n syal yuj smul jun winc cha, yujto 'ix yij 'at jun tzo'n̈ tas to 'ay yowlal, yuj cha, caw wal 'ix cot yowl Jehová 'a yib'n̈ eb' chon̈ab'.

Josué 2:22

Ax eb' chawn̈ 'ilwjum cha, 'ix c'och eb' sc'ub'c 'el sb'a 'a lum calcte cha. 'Oxe c'u xcan eb' ta', ax eb' win tzsayn 'ec' eb' cha, ma'ix 'ilchj xon eb' yuj ewinac, yuj cha xmeltzj can pax ewin 'a Jericó.

Josué 2:1

A yic 'ayt 'ec' Josué 'a lum Sitim, 'ix schecn 'at chawn̈ eb' 'ilwjum 'a c'ultaquil, xyaln 'a eb' 'ixtic: 'At macljec eyil lum lum cha, tzeyiln coti tas yilx chon̈b' Jericó, xchi 'a eb'. 'Ix 'at eb' 'ilwjum cha, axta xc'och eb' sc'an sposada 'a yatut jun 'ix 'ajmul 'ix Rahab sb'i 'a yol chon̈b' Jericó, ata xcan eb' ta'.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.

Lv 27:21

A yic 'oj colchjoc can 'el lum lum chi 'a jun ab'il yic tz'el junc tas 'a libre, a jun lum cha, wic tz'ajcn an Jehová in, ax ewin ya'mal 'och sti eb' 'anma cha, a ewin tz'ica'an lu'um.