Josué 5:1 - Chuj San Sebastian Bible

¹ Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Chuj San Mateo Bible

¹ Masanil eb' vin̈ sreyal eb' amorreo ay d'a sc'axepal ec'ta a' Jordán d'a stojolal b'aj tz'em c'u yed' eb' vin̈ sreyal eb' cananeo d'a sti' a' mar Mediterráneo, ix yab' specal eb' tas ix aj stacji a' Jordán yuj Jehová ayic ix ec'ta eb' israel d'a yol a'. Yuj chi' ix xivb'at eb', man̈xalaj junoc eb' stec'b'ej sb'a sb'at yac' oval yed' eb' israel chi'.

Josué 5:1 Referans Kwoze

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Ez 16:3

Al 'a eb' to an Jehová Yajl in, an tzwala to 'ixtc yaj yab'xil Jerusalén yic xpitzw cha'an̈: Lajn wal 'icha junc 'ix 'ix to a 'a lum Canaán 'aljnac. Amorreo smam, ax snun, hitita.

Salmos 135:11

Atn win Sehón sreyl eb' amorreo, win Og sreyl pax eb' 'aj Basán, yet' pax smasnil eb' rey 'a yol yic lum Canaán.

Esdras 9:1

'Ix ec' jun tiempoal, ax eb' yajl yaj wuj 'a scal eb' chon̈b' cha, 'ix jaw eb' 'ayin, xyaln eb' 'ixtic: A eb' quit israelal, yet' eb' ya'mal 'och qui ti 'a Dios, yet' pax jun tzo'n̈ xo eb' levita, matz pojl sb'a eb' 'a scal eb' chuc chon̈b'al cajn 'a jun nacion̈ tic, 'in to tzb'eylb'ej eb' stu b'eyb'al eb' cananeo, eb' hitita, eb' ferezeo, eb' jebuseo, eb' amonita, eb' moabita, eb' egipcio yet' eb' amorreo.

A Ch'an̈ Schab'l Libro Samuel 21:2

Yuj cha, 'ix yawtn cot rey David eb' gabaonita, yic tzpaxtin yet' eb'. (A eb' gabaonita cha, man̈ israeloc eb', palta to amorreo eb'. 'Aycn eb' 'a scal eb' israel cha, atn 'a eb' 'aj ya'jnac eb' israel sti 'a pecti', to matz satl eb' yuj eb'. Palta a Saúl, 'ix ya'lj satn 'el eb', yuj swach'loc chon̈b' Israel yet' Judá yalni).

A Ch'an̈ B'ab'el Libro Samuel 25:37

Ax 'a sq'uin̈b'il 'a junx c'u cha, yic tox xb'ox sc'ojl Nabal yuj te 'an̈ cha, 'ixta to b'i'an 'ix yaln 'ix Abigail tas 'ix uji. Yuj cha, 'ix 'och jun yab'il tzcuch derrame 'a win Nabal, 'ix sic'b' can 'el sniwnal.

Jueces 11:23

Ax ticnec, ¿tom tze nib'j e to'x 'ec' slum eb' amorreo 'ic'b'il 'ec' yuj Jehová, a 'a'jnac lum 'ayn̈ on̈?

Jueces 4:2

Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.

Jueces 3:3

Atn eb' tic cannac: O'e chon̈b'al eb' filisteo, smasnil eb' cananeo, eb' sidonio yet' eb' heveo, atn eb' cajn 'a lum jolmctac witz 'a Líbano, tz'atn̈j 'a lum yic Baal-hermón, masnto tzc'och 'a Hamat.

Jueces 1:1

A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

Josué 24:15

Palta toto matz yal e c'ojl tzeyac' servil Jehová, si'c ticnec mach 'oj eyac' servil. Tom a jun tzo'n̈ comn dios ya'jnac servil eb' qui mam quichmec 'a sc'axpil 'ec' a Eufrates, mto a scomn diosal eb' amorreo 'aj cajnon̈c 'ec' tic. An xo tic yet' smasnil eb' wic cajn 'a yol watut, a Jehová 'oj ca' servil on̈, xchi Josué.

Josué 17:18

A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

Josué 17:12

Ma'ix stac' spechn 'el eb' yin̈tl Manasés eb' cananeo cajn 'a jun tzo'n̈ chon̈b' cha, yujto ste'wtzej sb'a eb' scan cajn ta'.

Ex 23:28

A yic mantzac ex c'och 'a lum lum cha, ax wa'n somchjoc 'el snab'en eb' 'ajc'ojl cha, ax s'at eb' 'elc eyu'uj, atn eb' heveo, eb' hitita yet' eb' cananeo.

Gn 48:22

Tzwac' junx macn̈ a macl lum 'ayach, 'ec'b'al tzwac' 'aych 'a yib'n̈ eb' o'tac, atn swach'l lum lum xwij 'ec' 'a eb' amorreo, yic xwa'n owl yet' eb', xchi smam chi 'a 'a.

Gn 12:6

'Ix sc'axptej 'e't jun tzo'n̈ lugar masnto 'ix jaw 'a Siquem, 'a 'aj 'ay te mach' 'a yol yic More; atn 'aj cajn eb' cananeo 'a yic jun tiempoal cha.

Is 41:5

Yiljnac smasnil eb' nacion̈ 'ay 'a sti a mar, caw xiwnc eb' yilni. Smasnil eb' 'anma cajn 'a 'aj tzlajw c'och sti lum lu'um, caw 'ib'xnac eb' yuj xiwlal, wan laj smolb'tzan cot sb'a eb', xchi Dios.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.

Josué 3:17

Ax eb' ya'mal 'och sti eb' 'anma cha, 'ix 'ochcn wan lin̈n eb' 'a snan̈l 'aj tzb'ey a Jordán cha, Caw tacn̈ lum lum 'aj 'ix 'och wan lin̈n eb', ya sb'a x'ec' smasnil eb' 'anma 'a lum tacn̈ lum 'a yojl a Jordán.