Josué 4:3 - Chuj San Sebastian Bible

³ Tzaln 'a eb', to tzsic' q'uet eb' lajchwe'oc q'uen q'uen 'a yojl a Jordán tic, 'a stz'ey 'aj lin̈n 'ec' eb' ya'mal 'och sti eb' 'anma', tzyi'n 'at eb' 'a 'aj 'oj can eb' 'a jun 'ac'wl tic, axta tztuscn chan̈ eb' q'ue'en, xchi.

Chuj San Mateo Bible

³ syic'q'ueta junjunoc q'uen q'ueen eb' vin̈ d'a yol a' b'aj lin̈anec' eb' sacerdote tic, syic'anb'at q'uen eb' vin̈ b'aj ol ex can d'a jun ac'val tic, xchi d'a vin̈.

Josué 4:3 Referans Kwoze

Josué 4:8

'Ix syiclni eb' chi tas xyal Josué. Si'n q'uet eb' lajchwe q'uen q'uen chi 'a yojl a Jordán cha, junjn q'uen 'a junjn eb' yin̈tl israel. 'Ix yi'n 'at eb' q'uen 'a 'aj 'ay scamplamento, axta stuscn chan̈ eb' q'ue'en, 'icha yaj yaln Jehová 'a Josué.

Josué 3:13

Ax eb' ya'mal 'och qui ti 'a Dios 'et'jnac te scaxail strato Jehová, atn jun Dios 'ay yic lum lum tic. Cojn wal yic 'oj ste'nc 'ejm eb' yoc 'a yojl a Jordán, ax spojn sb'a snan̈l a', a a tz'eml tic, 'oj 'och wan a sb'eyi, ax span̈b'tzan sb'a a', xchi 'a eb'.

Lc 19:40

Yuj cha, xyaln Jesús 'ixtic: —Tzwal 'ayex, toto sictac tz'aj eb', toto man̈x 'a mach tz'awji, ax jun tzo'n̈ q'uen q'uen tic 'oj 'awjc cha'an̈, xchi 'a ewinac.

Salmos 103:2

Tzwal in wach' paxti 'a 'a, a swach'c'ojlal 'ayin, may b'a'n̈ 'oj 'at satc'ojlal wu'uj.

Salmos 11:4

A Jehová 'ayc' 'a yatut, atn jun to yicn̈ej yaji. A 'a satcha'an̈ ata 'ay sdespacho, tzcham wal yiln tas tzqui b'o an̈ 'anman̈ec tic.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.

Josué 24:27

Xyaln pax Josué 'ixtc 'a smasnil eb' chon̈b' cha: —A jun q'uen tic, a tz'ochcn testigoal yuj smasnil tas xyal Jehová 'ayn̈ec. A q'uen tz'ochcn pax testigoal 'ayex, sec ma'oj eyac' 'es 'a Dios, yuj tas xeyal tic, xchi 'a eb'.

Gn 28:22

A 'aj 'ix in lin̈cn chan̈ jun q'uen q'uen tic, 'icha to yatut Dios tz'ajcni. A smasnil tas 'oj yac' 'ayin, 'oj wi'l junjn 'a junjn lajn̈e', ax wa'n 'a 'a, xchi.

Josué 4:4

Xlajw cha, xyawtn cot Josué eb' lajchwan̈ winc sic'b'il 'el yuj cha,