Josué 4:24 - Chuj San Sebastian Bible

²⁴ 'Ixta tz'aj yojcan 'el smasnil 'anma 'a yolyib'n̈q'uinl tic, chajtlto a Jehová caw 'ay spoder, yuj cha, 'ay cab' yel'ch 'a e sat 'a smasnil tiempo, xe chi 'a eb', xchi Josué cha.

Chuj San Mateo Bible

²⁴ Icha chi' ix yutej Jehová yic vach' syojtaquejel masanil anima ay d'a yolyib'an̈q'uinal tic to nivan yelc'och spoder, yic ay yelc'ochpax Jehová co Diosal d'a yol co sat d'a masanil tiempo, xchi vin̈aj Josué chi'.

Josué 4:24 Referans Kwoze

Salmos 106:8

Palta yuj a chamc'ojlal 'a eb', yuj cha, xa coln 'el eb', sec tzyojquej 'el eb' to 'ay a poder, sec may tas tu tzalx 'a a patic.

Salmos 89:13

Caw wal 'ay a poder, tztac' oj smasnil.

1 Cr 29:12

A 'aych tzcot smasnil ricoal yet' yic tzon̈ 'ijx cha'an̈, ach tzac' mandar 'a yib'n̈ smasnil. A 'a yol a c'ab' 'ay te'nal yet' jelnal, ach tztac' alni to niwn quel'chi, tza'n qui jelnal 'a smasnil.

A Ch'an̈ Schab'il Libro Yic Yab'ixal Eb' Rey 19:19

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey chi on̈, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Ex 15:16

Mamin Jehová, xiw cab' chan̈ eb' yajl cha, sicb'oc cab' can 'el eb'. 'Icha cab' q'uen tz'ajcn eb' yuj a poder, masnto 'oj que'cn an̈ colb'iln̈ 'el 'oj tic.

Ex 14:31

A yic xyiln eb' israel sniwquil poder Jehová sch'ox 'a eb' 'aj Egipto cha, caw wal xiw eb', yuj cha, 'ix ya'n 'och eb' Jehová yipc sc'ojol, schan pax eb' yab'i', to a Moisés caw yel schecb' Dios yaji.

Dt 6:2

Yic wach' 'oj e xiw 'a Jehová qui Diosalec, 'oj eyiclc smasnil schecnb'il, sley yet' smasnil scuynb'il yic 'ayx 'ec' 'a yolyib'n̈q'uinl tic yet' eyunnal, eyiechiquin, sec 'oj najtxb'oc e q'uinal.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

A Ch'an̈ Schab'il Libro Yic Yab'ixal Eb' Rey 5:15

Xlajw xoj cha, 'ix 'at yet' eb' ajun yet' chi 'a win schecb' Dios cha, atn Eliseo, 'ix c'och 'a yojltac winac, 'ix yaln Naamán 'ixtic: —¡A ticnec 'ix wojquej 'eli, chajtlto may junc xo Dios 'a smasnil yolyib'n̈q'uinl tic, palta cojn wal e Diosal ax israel ex tic, yuj cha, tzin tew 'ayach, to tza chaj jun in siylab' tic, xchi.

A Ch'an̈ B'ab'el Libro Samuel 17:46

A ticnec a Jehová 'oj a'n 'och 'a yol in c'ab', 'oj ach in mila', 'oj in tzu'l a jolom, ax wa'n a niwnal chi yet' yic eb' a soldado schi no 'usej, yet' e no chiwjum noc'. 'Ixta 'oj yutc yojcan 'el smasnil eb' 'anma 'a yolyib'n̈q'uinl tic, chajtlto 'ay jun qui Diosal an̈ israel on̈ tic on̈.

Ex 20:20

'Ix ta'w Moisés 'ixtc 'a eb': —Man̈ ex xiwoc, ton̈j tzwul ex yac' prowal Dios, yic wach' 'ay e xiwc'ojlal 'a 'a, sec ma'oj laj 'och e mul, xchi.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Dt 28:10

Toto 'ixta', ax smasnil eb' nacion̈ 'ay 'a yolyib'n̈q'uinl tic, 'oj yojcoc 'el eb' chajtlto sic'b'ilx 'el yuj Jehová, yuj cha, caw 'oj xiw eb' 'ayex.

A Ch'an̈ B'ab'el Libro Yic Yab'ixal Eb' Rey 8:60

Wach' cab' tzyojquej 'el smasnil chon̈b' 'ay 'a sat lum lum tic, chajtlto cojn Jehová, atn Dios, may junc xo.

A Ch'an̈ B'ab'el Libro Yic Yab'ixal Eb' Rey 8:40

Toto 'ixta', 'oj yal sb'a smasnil eb' a chon̈b' 'ayach, ax ach syiclni eb' ya' sb'a pitzn eb' 'a sat lum lum a'jnac can 'a eb' qui mam quichm tic on̈.

Job 40:9

¿Tom yel xo wal 'ec'b'al ep 'a wib'n̈ tza na'a? ¿'Icha am sc'an̈ yol in jaj tic, 'ixta am sc'an̈ pax ec cha?

Is 52:10

A Jehová, tox 'ix sch'ox spoder yil smasnil nacion̈. 'Oj yojcoc 'el smasnil 'anma 'a yolyib'n̈q'uinl tic, chajtlto a Dios on̈ colnec 'eli.