Josué 4:19 - Chuj San Sebastian Bible

¹⁹ A yic sc'axw can 'e't eb' chon̈b' chi 'a yojl a Jordán, lajn̈e yoch b'ab'l 'uj, ax 'a jun lugar tzcuch Gilgal 'a yojltac Jericó, 'a stojlal 'aj tzq'uel c'u, ata x'och wan eb' chon̈b' cha.

Chuj San Mateo Bible

¹⁹ Ayic ix ec' eb' israel d'a yol a' Jordán chi', d'a val slajun̈il c'ual yoch b'ab'el uj, ix c'och eb' d'a Gilgal, d'a yichan̈cot Jericó d'a stojolal b'aj sjavi c'u.

Josué 4:19 Referans Kwoze

Josué 5:9

Yuj cha, xyaln Jehová 'a Josué 'ixtic: A yuj jun circuncisión tic, 'ix wij can 'el sb'uchwal paxti eb' 'aj Egipto 'a eyib'an̈, xchi. Ax jun lugar cha, 'ix scuchn can Gilgal.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Am 4:4

An Jehová in, an tzwala: 'In tze nib'j e b'o tas tze nib'ej, yuj cha, 'ixquec 'a Bet-el, yet' 'a Gilgal 'aj tz'och jun tzo'n̈ niwc yamnil, 'a'c e nab'en e b'on jantc maysch'olnilal tze nib'j e b'o ta'. 'Ijc 'at e xajmb'al 'a junjn sq'uin̈b'ial, 'a'c e diesmo 'a yoxtquil c'ual.

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.

Josué 15:7

Tzlajw cha, tzq'uex lum 'a ya'lical yic Acor, tzc'ochx 'a Debir, axta tzmeltzj 'a Gilgal, 'a yojltac lum witz 'a Adumín, 'a stojlal sur 'a sti' a b'eymal a'. Tz'e'x jun mon̈jon chi 'a 'aj tzpac' a a yic En-semes, masnto tzc'och 'a 'aj tzpac' a a yic En-rogel;

Josué 10:43

Xlajw xoj cha, 'ix meltzj Josué yet' smasnil eb' soldado 'a 'aj 'ay scamplamento 'a Gilgal.

Josué 10:6

Ax eb' 'aj Gabaón cha, 'ix 'at yac' eb' alxoc 'ixtc 'a Josué, 'a 'aj 'ay scamplamento 'a Gilgal: —Cotn̈ muc'uc, wul coln̈ an̈ a checb' on̈ tic 'a yol sc'ab' smasnil eb' sreyl eb' amorreo cajn 'a lum jolmctac witz, yujto junn̈j xyutj sb'a eb' smasnil yic tzon̈ wul smilnc eb' on̈, xchi eb'.

Dt 1:3

A yic 'ayx 'och 'a schawinc ab'il yelt eb' israel 'a Egipto, 'a b'ab'l c'u yoch yuxlchil 'uj, ata syamch Moisés yaln 'a eb' chon̈ab' tas tzyutj Jehová yaln 'a yib'n̈ eb'.

Dt 11:30

A jun tzo'n̈ witz cha, ata 'ay eb' 'a sti b'e tz'ec' 'a sc'axpil 'ec' a Jordán, 'a stojlal 'aj tz'em c'u, atn 'a lum slum eb' cananeo cajn 'a span̈nil sti a Jordán cha, 'a yojltac Gilgal, atn 'a 'aj nab'a ma'ach', 'a yol yic Moré.

Josué 4:18

cojn wal yic xq'uet eb' 'a yojl a', 'ix ste'n 'ejm eb' yoc 'a 'aj taquin̈, ax a a cha, 'ix cotx can secnjoc a 'a sb'e 'aj tzb'eyi. 'Ix b'ut'j pax 'el sb'e a cha, caw tz'elx pulnjoc a 'a sb'e 'icha xoni.

Josué 5:10

A yic 'ayc' eb' 'anma chi yet' scamplamento 'a lum Gilgal 'a lum span̈nil chon̈b' Jericó, ax 'a yemc'ul 'a yic chan̈lajn̈e yoch jun 'uj cha, 'ix snan eb' israel chi q'uin̈ yic yel eb' 'a libre.

A Ch'an̈ Schab'il Libro Yic Yab'ixal Eb' Rey 2:1

A yic jab'xoj sc'och sc'ul yijx 'at Elías yuj Jehová 'a satchan̈ 'a scal jun chacxuxm'ic', a yic cha, 'ix cot win yet' Eliseo 'a Gilgal.

Josué 9:6

Ax yic xc'och eb' 'aj 'ay camplamento 'a Gilgal, 'ix yaln eb' 'ixtc 'a Josué yet' 'a eb' yajl yaj 'a eb' israel cha: —An̈ tic on̈, checb'il qui cot yuj eb' quit chon̈b' on̈. Caw najt xcan qui chon̈b' on̈, tzqui nib'j on̈ to tzqui b'oc junc qui trato, xchi eb'.

Josué 24:11

Xlajw cha, ex wa'n 'e'toc 'a yojl a Jordán, axta ex jaw 'a Jericó. A eb' cajn 'a Jericó cha, yet' eb' amorreo, eb' ferezeo, eb' cananeo, eb' hitita, eb' gergeseo, eb' heveo yet' pax eb' jebuseo, 'ix yac' eb' owl cob' eyet'oc, palta an xo xwac' eb' 'a yol e c'ab', sec tz'em eb' eyu'uj.

A Ch'an̈ B'ab'el Libro Samuel 10:8

Tzlajw cha, tzach b'ab'l c'och 'ayn 'a Gilgal, tza'n xoj 'oj in c'och o'oj, ax wa'n tz'a no xajmb'al ta', yet' pax no xajmb'al yic junc'ojlal. Tzin a tan̈wj ta uque'oc c'u masnto 'oj in c'och 'ayach, ax waln 'ayach tas 'oj a b'o', xchi Samuel.