Josué 4:14 - Chuj San Sebastian Bible

¹⁴ A 'a yic jun c'u cha, 'ix yac' Jehová 'ijxoc chan̈ sjelnal Josué yuj eb' yit chon̈ab', to niwn yel'ch 'a sat eb', 'icha ya'jnac eb' yet' Moisés yic pitznto yet' eb'.

Chuj San Mateo Bible

¹⁴ A d'a jun c'u chi', a Jehová ix ic'anchaan̈ vin̈aj Josué chi' d'a yopisio d'a yichan̈ eb' anima chi', yic nivan tz'aj yelc'och vin̈ d'a yol sat eb' d'a masanil tiempo, icha ix yutej sb'a eb' d'a vin̈aj Moisés.

Josué 4:14 Referans Kwoze

Josué 3:7

Xlajw cha, xyaln Jehová 'ixtc 'a Josué: A ticnec, tz'el yich ach wi'n chan̈ yet' opiso 'a sat eb' et israelal tic, sec 'oj yil eb' to 'ayn 'och et'oc, 'icha 'ix wac' yet' Moisés.

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

Ro 13:4

'Ay yopiso eb' yuj Dios, yuj swach'loc eb' 'anma smasnil. Palta toto maysch'olnil tzcutjec qui b'a, smoj tzon̈ xiwc yuj eb', yujto caw yel 'ay yopiso eb' ya'n 'och yailal 'a quib'an̈. Yujto 'aych yopiso eb' yuj Dios ya'n 'och yailal 'a yib'n̈ eb' maysch'olnil tzyutj sb'a cha.

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

Pr 24:21

Ex wunnal, 'ay cab' yel'ch Jehová 'a e sat yet' pax win rey. Man̈ eya'ch e b'a yet' eb' 'ajc'ojl yajch 'a win rey cha,

A Ch'an̈ B'ab'el Libro Samuel 12:18

Xlajw cha, xtew Samuel 'a Jehová, yajn̈j wal cha, xc'an̈ c'u, xcot n̈ab'. Ax smasnil eb' chon̈ab', caw xiw eb' 'a Jehová yet' 'a Samuel.

Ex 14:31

A yic xyiln eb' israel sniwquil poder Jehová sch'ox 'a eb' 'aj Egipto cha, caw wal xiw eb', yuj cha, 'ix ya'n 'och eb' Jehová yipc sc'ojol, schan pax eb' yab'i', to a Moisés caw yel schecb' Dios yaji.

1 Co 10:2

'Icha to 'ajxnac bautisar eb' 'a jun 'asn cha, yet' 'a a mar cha. 'Icha to 'ajxnac 'och eb' yico'oc Moisés 'a jun tiempoal cha.

Josué 4:13

'Aym junc chawinc mil eb' winc chi xyac' lista sb'a yet' syamc'ab' yic owal. 'Ix b'ab'lj eb' yuj eb' 'anma chi 'a yojltac Jehová, axta x'och wan eb' smasnil 'a lum ya'lical chon̈b' Jericó.

Josué 4:15

A yic xlajw ye't can eb' 'anma chi smasnil, xyaln Jehová 'a Josué 'ixtic:

Ex 11:3

'Ix ya'n Jehová nachjoc 'el yuj eb' 'aj Egipto, to wach' tzyutj eb' snab'en 'a eb' israel. 'Ixta pax ewin 'aych yajlil yet' win rey cha, 'ix yal eb' to caw wal niwn yel'ch Moisés 'a sat eb', 'ichn̈jta yaln smasnil 'anma 'a Egipto cha.

A Ch'an̈ Schab'il Libro Yic Yab'ixal Eb' Rey 2:15

A yic 'ix yiln eb' schecb' Dios 'ayc' 'a Jericó cha, atn eb' najt xcan lin̈n yil eb', 'ix yaln eb' 'ixtic: A jun espíritu yic yopiso Elías a x'ochx can 'a Eliseo tic, xchi eb'. Xlajw cha, 'ix cot eb' wul scha', 'ix 'em n̈ojn eb' 'a yojltac.

1 Cr 29:25

'Ix 'ijx chan̈ sb'inab'ilal win yuj Jehová 'a sat smasnil eb' yit israelal, caw rico x'aj 'el'ch winac. Caw niwn x'aj 'el'ch 'a yopiso chi yu'uj, mant 'a xon junc sreyl chon̈b' Israel sb'inax 'icha rey Salomón tic.