Josué 3:5 - Chuj San Sebastian Bible

⁵ 'Ix yaln Josué 'ixtc 'a eb': A ticnec sacb'tzejc e b'a, yujto q'uic'an 'oj sch'ox Jehová quilc tas satjub'tac yilx 'a qui calc tic, xchi 'a eb'.

Chuj San Mateo Bible

⁵ Ix yalan vin̈aj Josué d'a eb' anima chi': A ticnaic, sacb'itejec e b'a yujto a q'uic'an sch'ox Jehová tas satub'tac yilji d'a co cal, xchi vin̈.

Josué 3:5 Referans Kwoze

Josué 7:13

Q'uen̈ wa'an, al 'a eb' chon̈b' tic to tzyac' lista sb'a eb' yic tzjaw eb' 'a wojltac q'uic'an, yujto an Jehová e Diosal in, an tzwal 'ixtic: Ex yin̈tl Israel, a 'a e cal tic, 'ay tas xeyij cot 'a tas xwal to tzsatli. Ya sb'a mantzac eyij 'el jun tzo'n̈ chi 'a e cal, matz tac' e te'wtzan e b'a 'a yojltac eb' 'ajc'ojl yajch 'ayex.

Lv 20:7

Jun 'ejmn̈ej tzeya'ch e b'a 'a yol in c'ab', wach'n̈j tzeyutj e b'a, yujto an Jehová in, e Diosal in.

Jl 2:16

Smolb'tzoc cot cab' sb'a smasnil eb' schon̈b' Dios, sacb'tzoc cab' sb'a eb'. Smolb'tzoc cot cab' sb'a eb' 'ichmtac 'anma', eb' 'unin, yet' eb' tz'ulc 'unn tzat chuwi. An̈jtona eb' tot xlajw snupni, 'elt cab' eb' 'a yol yatut.

A Ch'an̈ B'ab'el Libro Samuel 16:5

—Wach' tas tzwul in b'o', to tzin jaw wul wac' in xajmb'al 'a Jehová. Sacb'tzejc e b'a, tzex c'och pax wet' 'a yic 'oj wa'nc in xajmb'al tic, xchi. 'Ix sacb'tzan Samuel win Isaí yet' eb' yunnal 'icha tzyal ley. Xlajw cha, xyawtn 'at eb' yic tzchin eb' no xajmb'al chi yet'oc.

Jn 17:19

Yuj swach'loc eb', yuj cha, tzwac' in b'a 'ayach, yic wach' tz'och eb' eco'oc wal 'a yel.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Salmos 86:10

Yujto cojn ach Dios ach; caw niwn el'chi, tza b'on tas caw satjub'tac yilxi.

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Josué 3:13

Ax eb' ya'mal 'och qui ti 'a Dios 'et'jnac te scaxail strato Jehová, atn jun Dios 'ay yic lum lum tic. Cojn wal yic 'oj ste'nc 'ejm eb' yoc 'a yojl a Jordán, ax spojn sb'a snan̈l a', a a tz'eml tic, 'oj 'och wan a sb'eyi, ax span̈b'tzan sb'a a', xchi 'a eb'.

Josué 3:15

A 'a jun tiempoal cha, a a Jordán cha, caw wal b'ut'n a', tzlaj pultz'j 'el a 'a sb'e cha, (atn 'a stiempoal spolx 'ixm trigo 'a jun lugar cha.) A yic xc'och eb' 'et'jnac te caxa chi 'a sti 'a, cojn wal xya'n 'ejm eb' yoc 'a yojl a', 'ix 'och wan a'.

Nm 11:8

ax sjab', lajn wal 'icha sjab' 'ixm c'oxox pan tzb'o yet' aceite. A yic tz'ejm chicb'chan̈ 'a 'ac'wal, ata tz'eml can jun maná chi 'a scal, 'a 'aj 'ay scamplamento eb' cha. Yuj cha, ax 'a yic caw sq'uin̈b'ilto tz'elt eb' 'anma chi sic' yico', tzjaxnchojc eb', tzb'on eb' 'icha tz'aj sb'o 'ixm pan 'a jorna. 'Ay pax eb' ton̈j tztenpoj yico', tz'an̈n eb'.)

Josué 3:4

'Ixta 'oj eyutc eyojcan 'el jun b'e 'aj 'oj eyec' cha, yujto mant 'a xon junc mach 'ojtnac jun b'e cha. Palta man̈ ex c'och 'a sla'nil jun caxa cha, najt tza'n e 'ati. Tzex can cab' junc kilómetro 'a spatquil, xchi eb' 'a eb' 'anma cha.

Josué 3:6

Xyaln 'ixtc 'a eb' ya'mal 'och sti eb' 'anma cha: 'Ijec te scaxail trato, tzex b'ab'lj yuj eb' 'anma tic yic tzex 'ec' 'a yojl a tic, xchi 'a eb'. Yuj cha 'ix sb'achn eb' te scaxail trato cha, 'ix b'ab'lj eb' yuj eb'.

Salmos 77:15

A yet' 'a poder 'ix a coln can 'el eb' a chon̈ab', atn eb' yin̈tl Jacob yet' José.