Josué 3:13 - Chuj San Sebastian Bible

¹³ Ax eb' ya'mal 'och qui ti 'a Dios 'et'jnac te scaxail strato Jehová, atn jun Dios 'ay yic lum lum tic. Cojn wal yic 'oj ste'nc 'ejm eb' yoc 'a yojl a Jordán, ax spojn sb'a snan̈l a', a a tz'eml tic, 'oj 'och wan a sb'eyi, ax span̈b'tzan sb'a a', xchi 'a eb'.

Chuj San Mateo Bible

¹³ Ayic ol yac'anem yoc eb' sacerdote d'a yol a' chi', aton eb' ed'jinac te' scaxail strato Jehová, aton Dios ay yic masanil yolyib'an̈q'uinal tic, ol spojan sb'a a', a a' tz'emul d'a yib'an̈, ol vanaj a', icha n̈ajab' ol yutoccan sb'a a', xchi vin̈.

Josué 3:13 Referans Kwoze

Ex 15:8

'Ix otz'j 'at ec' 'a yib'n̈ a a', yajn̈j wal cha spojn sb'a a'. 'Icha muro 'ixta 'ix 'ajcn a 'a sti b'e, 'ix 'ochcn yip a'.

Salmos 78:13

'Ix poj snan̈l a mar yu'uj, schecn 'ec' eb' 'anma 'a yojol, syamn can 'och wan jun a chi 'icha junc muro.

Habacuc 3:15

'Icha to ach b'ey 'a yib'n̈ a mar yet' a chej, yuj cha, til wal x'ib'x can chan̈ a niwquil mar cha.

Salmos 33:7

A tz'a'n syam sb'a a a', yet' pax a mar to xab' yich.

Josué 3:11

'Oj eyila', to a te scaxail strato Dios, atn jun Dios 'ay yic lum lum tic, 'oj b'ab'ljoc te cujec yic tzon̈ 'e'c 'a yojl a Jordán tic.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

Salmos 74:15

Ach xac' q'ueloc a a 'aj tzlaj paq'ui, yet' eb' a tzb'eyi, xa'n pax tup 'ejm a niwc a may xon 'aj tztupi.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Zacarías 4:14

'Ix yaln 'ayn 'ixtic: Atn chab' tic tzch'oxn cot chawn̈ eb' sic'b'il 'el yuj Yespíritu Jehová yic tzya'n servil eb' Dios, atn Yajl yaj 'a smasnil yolyib'n̈q'uinal, xchi jun ángel cha.