Josué 3:10 - Chuj San Sebastian Bible

¹⁰ A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

Chuj San Mateo Bible

¹⁰ A yuj tas ol eyil ticnaic, ata' ol nachajel eyuuj to ayec' Dios pitzan d'a co cal. A Jehová chi' ol ic'anel eb' cananeo, eb' hitita, eb' heveo, eb' ferezeo, eb' gergeseo, eb' amorreo yed' eb' jebuseo d'a quichan̈.

Josué 3:10 Referans Kwoze

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Ex 33:2

An 'oj wac' b'ab'ljoc jun wángel eyu'uj, a 'oj e jucb'tzani. 'Oj wi'l eb' 'anma 'ay 'a sat lum lum cha, atn eb' cananeo, eb' amorreo, eb' hitita, eb' ferezeo, eb' heveo yet' eb' jebuseo.

A Ch'an̈ Carta D'a Eb' Hebreo 10:31

Caw wal 'ay smay qui b'eyc'ojlaxec yuj Dios pitzan.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

A Ch'an̈ Schab'il Libro Yic Yab'ixal Eb' Rey 19:4

Comnoc wal 'ix yab' Jehová qui Diosalec jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj on̈, yuj jaywn̈ on̈ to tzon̈ cani, xchi Ezequías, xchi eb'.

Josué 22:31

Yuj cha, ax win Finees cha, atn win yunnal Eleazar, xyaln win 'a eb' 'ixtic: —A ticnec xcojquej 'el on̈, to a Jehová 'ayc' quet'ec, yujto ma'ex meltzj 'och 'ajc'ojlal 'a 'a, yuj cha, may yailal 'oj ya' cot 'a quib'n̈ec, xchi win 'a eb'.

Dt 31:17

Yuj wal cha, 'oj cot wowl 'a eb', ax wactn can eb' sch'ocoj. Man̈x 'oj in na cot eb', man̈x yalnb'ilc yailal yet' pax b'ilc'ojlal 'oj jawc 'a yib'n̈ eb', masnto 'oj yal eb' 'ixtic: ¿Tas wal yuj tzcab'c syail, yuj am to man̈x 'ayc 'ec' qui Diosalec quet'oc? 'oj schic eb'.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Dt 5:26

Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

A Ch'an̈ B'ab'el Libro Yic Yab'ixal Eb' Rey 22:28

'Ix yalnto can win Micaías jab'x 'a win rey 'ixtic: Toto tzach meltzj 'a tzaljc'ojlal, to 'ixta', man̈oc Jehová xpaxtin 'ayn tzyal cha. Ex wit chon̈ab', tzcham e cuyn jun tic, xchi Micaías.

Josué 21:45

C'uxn 'ix 'el'ch smasnil 'aj ya'jnac Jehová sti 'a eb' israel cha.

Ex 17:7

Meriba xya'cn scuch jun lugar cha, yujto ata tu 'ix yal eb' 'anma 'a Moisés. Xya'n pax scuch Masah, yujto xyac' prowal eb' Jehová, yic xyaln eb' 'ixtic: ¿Yel am wali 'ayc' Jehová 'a qui calc tic, mto ma'ay? xchi eb'.

Jn 6:69

An̈ tic on̈, tox ach ca'ch 'a qui c'ojl on̈. Cojc on̈, [to ach tic, Cristo ach.] Yunnal ach Dios [pitzan], xchi Pedro 'a 'a.

Dt 7:21

Yuj cha, man̈ ex xiw xon 'a eb' 'anma cha, yujto a Jehová qui Diosalec, a 'ayc' 'a e cal, caw niwquil spoder, caw wal 'ay smay.

Josué 3:9

Xlajw cha, xyawtn cot Josué eb' yit chon̈b' chi 'a stz'ey, xyaln 'a eb' 'ixtic: Cotn̈ec, tze maclni eyab' tas tzyal Jehová qui Diosalec.

Josué 9:1

'Ix yab' sb'a eb' rey tas 'ix laj uj 'a sla'nil cha, atn eb' rey cajn 'a sc'axpil 'ec' sti a Jordán 'a stojlal 'aj tz'em c'u, eb' cajn 'a lum jolmctac witz, eb' cajn 'a lum ya'lical sti a Jordán yet' eb' cajn 'a lum c'a'lum 'ay 'a sti a Mar Mediterráneo, masnto tzc'och 'a yol yic Líbano. A eb' rey cha, atn eb' sreyl eb' hitita, eb' amorreo, eb' cananeo, eb' ferezeo, eb' heveo yet' eb' jebuseo.

A Ch'an̈ B'ab'el Libro Samuel 26:6

Xlajw cha, 'ix yaln David 'a Ahimelec win hitita, yet' 'a Abisai, yune 'ix Sarvia, yu'tac sb'a yet' win Joab, 'ix yaln 'a eb' 'ixtic: —¿Mach junc ex tzchaj e c'ojl e 'at wet' 'a 'aj 'ayc' Saúl 'a scamplamento? xchi. —An tzin 'at et'oc, xchi win Abisai cha.

Salmos 42:2

Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Josué 11:3

Xya'n pax alxoc 'a eb' cananeo cajn 'a stojlal 'aj tzq'uel c'u, yet' pax eb' 'ay 'a stojlal 'aj tz'em c'u; xya'n syam sb'a eb' amorreo, eb' hitita, eb' ferezeo, eb' jebuseo 'ay 'a lum jolmctac witz, yet' pax eb' heveo cajn 'a yich lum witz tzcuch Hermón 'a yol yic Mizpa.

Josué 24:11

Xlajw cha, ex wa'n 'e'toc 'a yojl a Jordán, axta ex jaw 'a Jericó. A eb' cajn 'a Jericó cha, yet' eb' amorreo, eb' ferezeo, eb' cananeo, eb' hitita, eb' gergeseo, eb' heveo yet' pax eb' jebuseo, 'ix yac' eb' owl cob' eyet'oc, palta an xo xwac' eb' 'a yol e c'ab', sec tz'em eb' eyu'uj.

1 Cr 1:14

A 'a win Canaán, ata cotnc yin̈tl eb' jebuseo, eb' amorreo, eb' gergeseo,