Josué 24:33 - Chuj San Sebastian Bible

³³ A yic xcham Eleazar win yunnal Aarón, ata xmucx can sniwnal win 'a lum tzaln 'ay 'a yol yic win Finees, atn win yunnal winac, lum 'ac'b'il smacloc win 'a lum jolmctac witz 'a yol yic Efraín.

Chuj San Mateo Bible

³³ Ix champax vin̈aj Eleazar yuninal vin̈aj Aarón. A d'a jun tzalan ix mucchaj vin̈, d'a sat slum vin̈aj Finees, aton vin̈ yuninal vin̈, aton lum ac'b'il smacb'enoc vin̈ d'a tzalquixtac d'a yol yic Efraín.

Josué 24:33 Referans Kwoze

Josué 22:13

'Ix schecb't eb' win Finees, win yunnal Eleazar ya'mal 'och sti eb' 'anma 'a Dios 'a Galaad, 'a 'aj 'ayc' eb' meltzjnacx 'a slugar.

Ex 6:25

A Eleazar yunnal Aarón, 'ix yij sb'a yet' 'ix yisl win Futiel, atn snun Finees, a eb' tic yajl yaj 'a junjn macn̈ eb' yin̈tl Leví.

A Ch'an̈ Carta D'a Eb' Hebreo 7:24

Palta ax Jesús, man̈x b'a'n̈ 'oj chamoc. Yuj cha, smasnil tiempo 'ay yopiso ya'n 'och qui tic 'a Dios.

A Tas Sc'ulejnac Eb' Schecab' Jesús Hechos 13:36

A David cha, ya'jnac servil eb' 'anma 'a jun tiempoal cha, 'icha snib'j Dios. Xlajw xoj cha, xchami, smucxi. Ax sniwnal cha, xc'a'i.

Zacarías 1:5

Palta ax ticnec, ¿tas 'ajnc eb' e mam eyichm cha? An̈jtona eb' in checb' cha, toc pitzn to eb'.

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Nm 3:32

A mach sat yajl yaj 'a scal eb' levita, atn Eleazar yunnal Aarón, atn win ya'mal 'och sti eb' 'a Dios, a tz'iln smasnil eb' tzmunlj 'och 'a scajnub' Dios cha.

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Jueces 17:8

A jun quelm cha, 'ix 'el 'a yol yic Belén, yic tz'at saynoc 'aj tzc'och cajan. 'Ix 'ec' 'a lum jolmctac witz 'a yol yic Efraín. Xlajw cha, 'ix c'och 'a yatut win Micaía.

A Ch'an̈ B'ab'el Libro Samuel 1:1

A 'a chon̈b' Ramataim 'a yol slum eb' yin̈tl Efraín, ata cajn jun winc Elcana sb'i. Yunnal win Jeroham, yixchicn Eliú, schab'l 'ichicn win Tohu, win yunnal Zuf cajn 'a scal eb' yic Efraín.

A Ch'an̈ B'ab'el Libro Samuel 9:4

'Ix 'at Saúl cha, ata xc'och 'a lum jolmctac witz yic eb' yin̈tl Efraín. 'Ix c'axw 'ec' 'a yol yic Salisá, palta ma'ix 'ilchj e no yu'uj. 'Ix c'ochx eb' 'a yol yic lum Saalim, may pax e no ta'. Xlajw cha, 'ix 'atxi axta xc'ochx 'a yol yic eb' yin̈tl Benjamín, may pax e no 'ayc' ta'.

A Ch'an̈ Schab'l Libro Samuel 20:21

Man̈oc jun chi tzcala, palta a Seba yunnal Bicri, 'aj jolmctac witz 'a yol yic Efraín, a chi tzin sayq'ui, yujto 'ix snib'j smil cham win rey David, palta ax ticnec a 'a yol e chon̈b' tic 'ayq'ui. Cojn tzeyac' 'a yol qui c'ab' on̈, tzlajw cha, tzon̈ 'el 'a yol chon̈b' tic on̈, xchi winac. —'Oj qui jul 'ejm sjolm 'aych 'a yib'n̈ muro tic on̈, xchi 'ix 'ix chi 'a win Joab.

A Ch'an̈ B'ab'el Libro Yic Yab'ixal Eb' Rey 4:8

A lajchwan̈ eb' tz'a'n servil cha, atn eb' tic: A yunnal Hur, a 'ajcuenta yi'n cot jun tzo'n̈ chi 'a jolmctac witz yic Efraín.

A Ch'an̈ Schab'il Libro Yic Yab'ixal Eb' Rey 5:22

'Ix ta'w Giezi 'ixtic: —Ma'ay, wach'n̈j yaji. A win wajlil tzin checn wul wal 'ayach: At wal sjaw chawn̈ eb' quelmtac winc schecb' Dios tic 'ayin, ata 'ix cot eb' 'a eb' lum jolmctac witz 'a yol yic Efraín, tzin tew 'ayach to tzac' 'oxe'oc mil q'uen tumn plata 'ayin, yet' chab'oc mojn 'a't pichul, xchi winac, xchi 'a 'a.

Jueces 18:13

Xlajw xoj cha, 'ix 'at eb', 'ix 'ec' eb' 'a lum jolmctac witz 'a yol yic Efraín, 'ix c'och eb' 'a yatut Micaía.