Josué 24:2 - Chuj San Sebastian Bible

² 'Ix yaln Josué chi 'ixtc 'a smasnil eb' chon̈b' cha: —A Jehová qui Diosalec an̈ israel on̈c tic, a aljnac can 'ixtic: A yic pecti', ata cajn win e mam eyichm 'a sc'axpil 'ec' a Eufrates, atn win Taré yet' chawn̈ yunnal, jun win tzcuch Abraham, ax junx winac, Nacor sb'i, ata tzyac' servil eb' jun tzo'n̈ comn dios.

Chuj San Mateo Bible

² Ix och ijan vin̈ yalan d'a eb': —Icha tic yalan Jehová co Diosal: A d'a peca', a eb' e mam eyicham, aton vin̈aj Taré yed' chavan̈ yuninal, aton vin̈aj Abraham yed' vin̈aj Nacor, ec'nac cajan eb' d'a yichan̈b'at a' nivan Éufrates, yalnac sb'a eb' d'a comon dios.

Josué 24:2 Referans Kwoze

Josué 24:15

Palta toto matz yal e c'ojl tzeyac' servil Jehová, si'c ticnec mach 'oj eyac' servil. Tom a jun tzo'n̈ comn dios ya'jnac servil eb' qui mam quichmec 'a sc'axpil 'ec' a Eufrates, mto a scomn diosal eb' amorreo 'aj cajnon̈c 'ec' tic. An xo tic yet' smasnil eb' wic cajn 'a yol watut, a Jehová 'oj ca' servil on̈, xchi Josué.

Gn 31:30

Ocxo jun, toxn tza nib'j paxt xon a b'a 'a yatut a mam, yuj cha, ach coti. Palta ¿tas yuj xel'j cot jun tzo'n̈ in diosal? xchi winac.

Ez 16:3

Al 'a eb' to an Jehová Yajl in, an tzwala to 'ixtc yaj yab'xil Jerusalén yic xpitzw cha'an̈: Lajn wal 'icha junc 'ix 'ix to a 'a lum Canaán 'aljnac. Amorreo smam, ax snun, hitita.

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.

Gn 35:4

'Ixta wal xyutj eb' ya'n jun tzo'n̈ sdiosal chi 'a Jacob yet' jun tzo'n̈ q'uen yumchiquin, ax Jacob 'ix mucn can 'ejm smasnil 'a yich jun te mach' 'ayc' 'a sla'nil Siquem cha.

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

Gn 31:32

Palta toto a 'a junc eb' 'ayc' 'a tic, 'ayc' jun tzo'n̈ a diosal chi 'a 'a, tztac' schami. Ax eb' 'ayc' quet' tic, tztac' ya'n testigoal sb'a eb', say ela', toto 'ay jac ec 'ayc' 'ayin, tztac' e'n paxi, xchi Jacob. Palta man̈ yojcoc Jacob toto a 'ix Raquel x'elc'n cot sdiosal smam cha.

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

Gn 11:26

Ax Taré 70 ab'il sq'uinal yic 'ix 'alj jun yunnal Abram sb'i, xlajw cha, x'alj Nacor, yet' pax Harán, atn eb' yunnal tic yoxwn̈il.

Gn 11:24

A Nacor 29 ab'il sq'uinal yic 'ix 'alj jun yunnal Taré sb'i.

Gn 11:27

A jun tic, yab'xil eb' yin̈tl Taré, atn win smam Abram, Nacor, yet' Harán. A Harán cha, atn smam Lot.

Gn 11:22

A Serug 30 ab'il sq'uinal yic 'ix 'alj jun yunnal Nacor sb'i.