Josué 24:17 - Chuj San Sebastian Bible

¹⁷ Yujto a Jehová qui Diosalec, a 'on̈ 'i'nec 'elt yet' eb' qui mam quichmec 'a Egipto, 'a 'aj on̈ 'e'c mosoal. A b'ojnac jun tzo'n̈ tas caw satjub'tac yilx quiljnaquec. A 'on̈ tan̈wniec 'a yol jun tzo'n̈ b'e 'aj xlaj on̈ b'eyec, yet' 'a yic on̈ 'e'tec 'a scal jun tzo'n̈ xo chon̈ab'.

Chuj San Mateo Bible

¹⁷ Yujto a Jehová chi' ic'annac on̈ elta d'a Egipto b'aj ochnac eb' co mam quicham checab'vumal. A' b'oannac juntzan̈ tas satub'tac yilji d'a quichan̈. On̈ stan̈vani, on̈ scolanpaxi ayic on̈ cot d'a yoltac b'e yed' on̈ ec'ta d'a scal juntzan̈ chon̈ab'.

Josué 24:17 Referans Kwoze

Ex 19:4

Ax tic, eyiljnac wal tas wutjnac eb' 'aj Egipto, yet' tas ex wutj ex wi'n 'elta, yic ex wi'n cot 'a tic, 'icha to a 'a yib'n̈ sc'axl junc no salt'iw 'ayx q'ue'i, yic ex jaw 'a tic.

Is 46:4

'Ixtan̈ej 'oj in b'o eyet'oc, wach'xam 'ichmexx 'anma', mto sacx xil e jolom, palta 'oj ex wi'n̈j b'eyoc. An b'ojnac ex, yuj cha, 'aynn̈ej 'och eyet'oc, 'oj ex in coln̈ej.

Josué 24:16

Yuj cha, xta'w eb' chon̈b' chi 'ixtic: —May b'a'n̈ 'oj cactc can Jehová yic tzca'n servil jun tzo'n̈ comn dios chi 'on̈.

Josué 24:18

A Jehová, a xpechn 'el smasnil eb' chon̈b' 'ayc' 'a yol qui b'e, yet' eb' amorreo cajn 'a jun lugar tic. Yuj cha, 'oj ca' pax servil Jehová on̈, yujto a qui Diosalec yaji, xchi eb'.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Dt 7:19

Nac cot jun tzo'n̈ yailal 'e'nc 'a yib'n̈ eb' 'aj Egipto cha. Xeyiln pax jun tzo'n̈ milagro caw satjub'tac yilxi, yet' wal spoder Jehová on̈ yi'nec 'elt 'a jun lugar cha. 'Icha wal yutjnac Jehová eb' 'aj Egipto cha, 'ixta 'oj yutc eb' chon̈b' 'aj tzex xiw cha.

Dt 29:2

'Ix ya'n Moisés syam sb'a smasnil eb' yit chon̈b' cha, 'ix yaln 'a eb' 'ixtic: Ax tic, eyiljnac smasnil tas sb'ojnac Jehová 'a win sreyl Egipto, yet' 'a eb' 'aych yajlil yet' winac, yet' 'a smasnil eb' 'anma 'a jun nacion̈ cha.

Dt 32:9

Yujto an̈ec yin̈tl on̈ Jacob, an̈ec on̈ si'cn 'och Jehová yico'oc.

2 Cr 13:10

Palta an̈ xo tic on̈, a Jehová qui Diosal on̈, may xon 'aj 'ix cactj can on̈. A jun tzo'n̈ eb' ya'mal 'och qui ti tz'a'n servil Jehová, atn eb' yin̈tl Aarón. Ax eb' tzcolwj yet' eb', atn eb' levita.