Josué 22:9 - Chuj San Sebastian Bible

⁹ 'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.

Chuj San Mateo Bible

⁹ Yuj chi' ix elta eb' chi' d'a scal eb' yetisraelal d'a Silo, d'a yol yic Canaán, yic smeltzaj eb' d'a smacb'en d'a yol yic Galaad, lum ac'b'ilcan d'a eb' yuj vin̈aj Moisés, icha ajnac yalan Jehová.

Josué 22:9 Referans Kwoze

Nm 32:29

—Toto smasnil ewin yin̈tl Rubén yet' eb' yin̈tl Gad, lista yaj eb' 'a owal yic tz'ec' eb' eyet' 'a yojl a Jordán 'a yojltac Jehová, tzcan eb' eyet'oc masnto tzeyac' ganar eyi'n can 'ec' lum lum chi yet' eb', to 'ixta', tzeya'cn lum Galaad yico'oc eb'.

Nm 32:26

A eb' 'ix quistzil on̈, eb' qui cotc 'unin, yet' smasnil qui cajb'en noc' on̈, 'oj can eb' 'a lum Galaad tic.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Salmos 60:7

A Galaad yet' Manasés an 'ay wico'; a Efraín 'icha to in q'uen xumpiln yaji, ax Judá lajn yet' jun in c'occh yic wopiso.

Josué 13:31

'Ix yij eb' spacl xo lum Galaad, lum Astarot yet' pax lum Edrei, atn schon̈b' win Og sreyl Basán. A smasnil jun tzo'n̈ lum tic, xyique'ej eb' yin̈tl win Maquir yunnal Manasés, a tzyal jayc'aj eb' 'a smacl cha.

Josué 13:25

A jun tzo'n̈ slum eb' chi xyijcani, atn Jazer, yet' smasnil jun tzo'n̈ chon̈b' Galaad, yet' spacl xo lum yic eb' amonita, masnto tzc'och 'a Aroer, jun 'ay 'a yojltac 'at Rabá.

Josué 13:11

Xyique'ej eb' lum Galaad, atn lum slum eb' guesureo, yet' pax lum yic eb' maacateo, smasnil lum switzl Hermón, yet' pax smasnil lum yic Basán, masnto 'a Salca.

Josué 22:10

A yic xc'och eb' 'a sti a Jordán 'a yol yic Canaán cha, ata sb'o eb' jun yet'l xajmb'al caw niwquil x'aji.

Jueces 5:17

A eb' yin̈tl Galaad, ata xcan eb' 'a sc'axpil 'ec' a Jordán; eb' yin̈tl Dan, ata xcan eb' 'a stz'ey eb' te barco. Ax eb' yin̈tl Aser, ata xcan eb' 'a sti a mar, man̈x 'ic yij 'el sb'a eb' jac 'a stz'ey puerto 'aj wach' sc'och te barco cha.

A Ch'an̈ Schab'l Libro Samuel 2:9

axta 'ix ya'ch can win reyl 'a yib'n̈ Galaad, 'a Gesuri, 'a Jezreel, a Efraín, 'a Benjamín yet' 'a smasnil chon̈b' Israel.

1 Cr 5:9

An̈jtona', 'ix 'ec' cajn win 'a sti cot lum cusltac lum 'a stojlal 'aj tzq'uel c'u, yujto 'ix niwtj scajb'en noc' win 'a yol yic Galaad. A jun cusltac lum cha, tzc'och lum 'a sti a niwn a Éufrates.

Nm 32:20

Xlajw cha, xyaln Moisés 'a eb' 'ixtic: —Tztac' cab' e can 'a lu'um, toto yel tzeyala to tzex b'ab'l 'at 'a owl cha, cojn yic tzyaln Jehová tzex 'ati.

Nm 32:22

'Ixtnta 'oj eyutc eyi'n can 'ec' lum lum chi yuj Jehová. A yic tox xlajw 'el eb' 'anma chi 'a sat lu'um, tztac' xo e meltzj paxta, yujto tzeyiclj tas 'aj tzeyac' e ti 'a Jehová yet' 'a eb' quit chon̈b' tic. 'Ixta to b'i'an, ax eyica'an lum lum tic yuj Jehová.

Dt 3:18

A 'a jun tiempoal cha, ata xwalcn jun tzo'n̈ checnb'il tic 'a eb' yin̈tl Rubén, 'a eb' yin̈tl Gad, yet' 'a spacl eb' yin̈tl Manasés. 'Ix waln 'a eb' 'ixtic: A Jehová qui Diosalec, a tz'a'n jun lugar tic eyico'oc. Jantcn̈ej ex to tztac' eya'n owal, 'ijec eyamc'ab' yic owl cha, tzlajw cha, tzex b'ab'lj yuj eb' quit israelal tic.

Dt 3:20

Colwjan̈c yet' eb' quit israelal tic, masnto 'oj yi'cn eb' slum tzyac' Jehová, atn lum 'ay 'a stojlal 'aj tz'em c'u 'a sc'axpil 'ec' a Jordán. At yic 'oj ya'nc Jehová junc'ojlal 'a eb', 'icha 'ix yutj ya'n 'ayx ax tic, 'ixta to b'i'an, tzex meltzj paxt 'a lum eyic 'ix wa'cn tic, xin chi 'a eb'.

Dt 34:1

'Ix 'at Moisés 'a lum cusltac lum 'a yol yic Moab, 'ix q'ue'ch 'a sjolm lum witz tzcuch Nebo, 'a lum switzl Pisgá, lum 'ay 'a yojltac Jericó. Ata 'ix sch'oxcn 'at Jehová yil Moisés lum slum Galaad, masnto 'aj tzc'och lum yic Dan,

Jueces 20:1

Yuj cha, 'ix syamn sb'a eb' israel 'a yojltac Jehová 'a Mizpa. 'Ix cot eb' 'a smasnil yol yic Israel, a chon̈b' Dan 'ay a stojlal norte masnto 'a Beerseb'a 'ay 'a stojlal sur yet' 'a Galaad 'a stojlal 'a 'aj tzq'uel c'u. Junxn̈ej xyutj sb'a eb'.