Josué 22:30 - Chuj San Sebastian Bible

³⁰ A yic xyab'n Finees win ya'mal 'och sti eb' 'anma', yet' ewin yajl yaj 'a eb' chon̈ab', atn ewin syajlil junjn macn̈ 'in̈tal eb' israel yuj tas xyal eb' yin̈tl Rubén, eb' yin̈tl Gad, yet' spacl xo eb' yin̈tl Manasés, caw wach' xyab' eb'.

Chuj San Mateo Bible

³⁰ Ayic ix yab'an vin̈aj sacerdote Finees yed' eb' yajalil chon̈ab', aton eb' yajal yaj d'a junjun in̈tilal, tas ix yal eb' yin̈tilal Rubén, eb' yic Gad yed' nan̈alxo eb' yin̈tilal Manasés, vach' ix yab' eb'.

Josué 22:30 Referans Kwoze

Josué 22:33

caw wach' xyab' eb'. Yuj cha, xyaln eb' wach' paxti 'a Dios. Ye'xn̈ej cha, man̈x 'ic sna chan̈ eb' chon̈b' chi ya'n owl yet' eb' yin̈tl Rubén yet' eb' yin̈tl Gad yic tzsatx 'el slum eb' yet'oc.

A Tas Sc'ulejnac Eb' Schecab' Jesús Hechos 11:18

Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic: —An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Ester 1:21

A jun nab'en 'ix yac' win Memucán cha, caw wal schaj sc'ojl win rey chi yet' eb' 'ayc' 'a jun c'umjb'a cha. 'Ix 'och jun nab'en chi 'a yopiso yuj win rey cha.

2 Cr 30:4

Caw 'ix chaj sc'ojl win rey jun tic yet' smasnil eb' chon̈ab'.

A Ch'an̈ B'ab'el Libro Samuel 29:6

'Ix yawtn cot win Aquis win David, 'ix yaln win 'a 'ixtic: —Tzyil Jehová to caw wal wach' a nab'en. Caw 'ix chaj in c'ojl a b'eyb'al, yic tzach 'ec' wet' 'a owal. May jac a paltail x'ilchj wu'uj, yic ach jaw 'ayin masnto ticnec. Ax eb' wit yajlil matz chaj sc'ojl eb' tzach 'at quet' 'a owl on̈,

Jueces 8:3

A Dios x'a'n eb' syajlil eb' 'aj Madían 'a yol e c'ab', atn win Oreb yet' win Zeeb. An xo tic, ¿tas junc wic chi wach' in lajb'tzan yet' tas tox xe b'o cha? xchi. Ax xyab'n eb' yin̈tl Efraín cha, to wach' tas xyal Gedeón, yuj cha, x'och wan yowx 'och eb' 'a 'a.

Gn 28:8

'Ixta 'ix yutj Esaú yojcan 'eli, to a smam cha, matz nib'j eb' 'ix 'ix 'a Canaán cha.

Josué 22:31

Yuj cha, ax win Finees cha, atn win yunnal Eleazar, xyaln win 'a eb' 'ixtic: —A ticnec xcojquej 'el on̈, to a Jehová 'ayc' quet'ec, yujto ma'ex meltzj 'och 'ajc'ojlal 'a 'a, yuj cha, may yailal 'oj ya' cot 'a quib'n̈ec, xchi win 'a eb'.