Josué 21:8 - Chuj San Sebastian Bible

⁸ 'Ixtn tic xyutj eb' israel ya'n jun tzo'n̈ chon̈b' tic 'a eb' yin̈tl Leví, yet' pax swalab' no cajb'en noc', 'icha wal yaj yaln can Jehová 'a Moisés.

Chuj San Mateo Bible

⁸ Aton juntzan̈ chon̈ab' chi' ix ac'ji d'a eb' yin̈tilal Leví yuj eb' yetisraelal d'a suerteal. Masanil juntzan̈ chon̈ab' tic, ix ac'jican slumal d'a spatictac icha val ajnac yalancan Jehová d'a vin̈aj Moisés.

Josué 21:8 Referans Kwoze

Josué 21:3

Yuj cha, 'ix syiclj eb' israel chi 'icha yaj yaln can Jehová. Xya'n eb' slum chi 'a eb' yin̈tl Leví cha, atn jun tzo'n̈ schon̈b' eb' yet' swalab' no cajb'en noc'.

Pr 18:18

A yic tzch'oxn 'el Dios snab'en 'a suerteal, tztup 'ejm owal, tzpojn snan̈l eb' 'ay yowl cha.

Pr 16:33

Wach'xam tzca'c 'och suerte 'a yib'n̈ junc tas, palta a Jehová, a 'ojtnac tas snab'en 'a yib'an̈.

Josué 18:6

Ax yic 'oj lajwc spojnc can eb' lum lum cha, ax yi'n cot eb' 'ayin, yuj tas yaj lu'um, ax wa'n 'och suerte 'a yib'n̈ lum 'a yojltac Jehová qui Diosalec.

Nm 35:3

A 'a jun tzo'n̈ chon̈b' chi 'aj 'oj can eb', ax 'a stz'ey schon̈b' eb' chi 'oj wa scajb'en noc'.

Nm 33:54

Palta yowlal suerteal 'oj eyutc e pojn 'ec' lum 'a junjn macn̈il, a tzyal jantc e b'ey 'a junjn 'in̈tal. A eb' niwn sb'isul, niwquil slum eb' chi tz'ajxi. A pax eb' to jaywn̈ej sb'eyi, jab' wal slum eb' tz'ajxi. Junjn 'in̈tal, 'oj scha smacl 'a 'aj suerte scani.

Nm 32:2

Yuj cha, 'ix 'at eb' sc'umc Moisés, yet' Eleazar win ya'mal 'och sti eb' 'anma 'a Dios yet' 'a eb' yajl yaj 'a scal eb' chon̈b' cha. 'Ix yaln eb' 'ixtc 'a eb':

Gn 49:5

Ach tic Simeón yet' ach Leví, eyu'tac e b'a, a eyamc'ab' yic owal, a 'a maysch'olnil xe c'anlb'ej.

Josué 21:7

Xlajw cha, x'ajx pax yic jun tzo'n̈ xo eb' yin̈tl Leví, eb' cotnc yin̈tl 'a win Merari, lajchwe schon̈b' eb' x'ajxi. Ata x'elt 'a yic eb' yin̈tl Rubén, 'a eb' yic Gad, yet' 'a eb' yic Zabulón.

Josué 21:9

A jun tzo'n̈ chon̈b' 'oj b'inaxc tic, ata 'ay 'a yol yic eb' yin̈tl Judá, yet' 'a yol yic eb' yin̈tl Simeón.

Gn 49:7

Caw wal maysch'olnil eyico', may swach'l e nab'en, c'un scot eyowal. Yuj jun e nab'en may swach'l cha, yuj cha, ton̈j 'oj e sactzic can 'at 'a scal eb' eyit israelal.