Josué 2:5 - Chuj San Sebastian Bible

⁵ A yic wan xo sq'uic'b'i 'ix 'atx ewinac, yujto ata yorail smacchj qui chon̈b'ec tic. Man̈ wojcoc b'i'an 'ajm xc'och ewinac. Palta q'uinloc tzex 'at 'a spatquil eb', tecn tzyamchj eb' eyu'uj, xchi 'ix.

Josué 2:5 Referans Kwoze

Apoc 21:25

Ax smac jun chon̈b' cha, may xon b'a'n̈ 'oj macxoc, yujto c'uln̈ej 'a smasnil tiempo. Man̈x 'a 'ac'wl ta'.

Ez 47:12

A 'a sti a a chi 'a schapaq'uil, ata 'oj q'uib' chan̈ smasnil te 'awb'ente tzlox sat, ax te xil chi 'oj 'och remelal. 'A junjn 'uj ax ya'n te sat, ma'oj pucl pax xil te', yujto a 'a scal yib' te', ata tz'ec' a tz'elt 'a yol yatut Dios. 'Oj loxoc sat eb' te', ax yoch te xil chi remelal, xchi 'ayin.

Jeremías 50:20

An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.

Is 60:11

A spuertail e chon̈ab', jacnn̈ej ax yec' c'u, ax yec' 'ac'wal. Ma'oj macchjoc sec wach' yijx cot eb' sreyl jun tzo'n̈ nacion̈ chi 'ayx yet' sricoal.

Nehemías 13:19

Xlajw cha, xwa'n macx spuertail chon̈b' Jerusalén 'a yemc'ual yic jab'xoj yel yich sc'ul 'iljelal, ma'ix jacwi masnto 'ix 'ec' sc'ul 'iljelal cha. An̈jtona', xwa'n 'och jaywn̈ eb' in checb' stan̈wc sti puerta cha, sec wach' may junc 'ictzal chon̈ chi tz'oxt 'a jun c'u cha.

Josué 2:7

Ax eb' schecb' win rey cha, 'ix 'at cob' eb' 'a spatc ewinac, masnto xc'och eb' 'a span̈nil sti a Jordán. Cojn wal yic x'elt can ewin tzpechn ewin 'ilwjum cha, 'ix macchj can spuertail jun chon̈b' cha.

Josué 2:4

Yuj cha, xyaln 'ix 'ixtic: —Yel toni 'ix jaw ewin 'a watut tic, palta man̈ wojcoc 'aj xcot ewinac.

Josué 2:6

Ticni a 'ix xchecn q'ue ewin 'a yib'n̈ span̈nil yatut, axta sc'ub'j 'el sb'a ewin 'a scal jun tzo'n̈ te lino syuchn̈il yaj sjalxi, to ata tztacj eb' te'.

A Ch'an̈ B'ab'el Libro Samuel 19:14

Ax yic schecn 'at Saúl chi eb' soldado 'at sjal cot David, ax yic xc'och eb', xyaln 'ix Mical chi 'a eb', chajtlto ya'ay winac.