Josué 19:28 - Chuj San Sebastian Bible

²⁸ Locn pax chon̈b' Abdón, Rehob, Hamón yet' Caná, masnto 'a chon̈b' Sidón.

Josué 19:28 Referans Kwoze

Jueces 1:31

An̈jtona pax eb' yin̈tl Aser, ma'ix stac' spechx 'el eb' cananeo cajn 'a Aco yuj eb', eb' cajn 'a Sidón, 'a Ahlab, 'a Aczib, 'a Helba, 'a Afec yet' 'a Rehob. 'Ix can cajn eb' yin̈tl Aser 'a scal eb'.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Jn 4:46

Ax Jesús 'ix c'ochx 'a chon̈b' Caná, 'a yol yic Galilea cha. Ata 'ec' ya'jnac 'och jun a yal uvail. Ax 'a chon̈b' Capernaum, ata 'ay jun win capitan̈ caw ya'ay jun yunnal.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 2:1

Schab'jil xo slajw jun cha, 'ix 'och jun nupnel 'a chon̈b' Caná 'a yol yic Galilea. Ax snun Jesús 'ix c'och ta'.

Is 23:12

Xyaln Dios 'ixtc 'a eb' 'aj Sidón: 'Actjec eya'n 'och jun tzo'n̈ e q'uin̈, yujto tox ex juw 'el 'icha junc cob's 'ix, wach'xam tzex c'axw 'ec' 'a Chipre, palta an̈jtona ma'oj eyilj xon jac ta', xchi.

Is 23:4

Q'uixwan̈c ex 'aj Sidón, ex to b'inab'il e chon̈b' 'a sti' a mar yuj e jelnal. 'Oj e q'uixw 'el 'icha junc 'ix 'ix may xon yune'.

Is 23:2

Ex cajn ex 'a sti a mar yet' ex chon̈wjum 'a Sidón, sictac ex 'ajcni. A 'a yic yalan̈, xlaj e checb't eb' e manwjum 'a sc'axpil 'ec' a mar.

A Tas Sc'ulejnac Eb' Schecab' Jesús Hechos 27:3

Ax 'a junx c'u, on̈ c'och 'a chon̈b' Sidón. Ax win Julio cha, caw wach' xyutj snab'en 'a Pablo, yujto xyac' win spermiso 'at sc'umc eb' swach'c'ojol yic tz'ajx servil jac yuj eb'.

A Ch'an̈ Schab'l Libro Samuel 24:6

Xlajw cha, 'ix 'ec' eb' 'a Galaad, yet' 'a lum Cades, atn lum yic eb' hitita. 'Ix 'ec' pax eb' 'a Dan, 'ixta to b'i'an, 'ix meltzj eb' 'a stitc yic Sidón.

Jueces 18:28

Yujto a jun chon̈b' cha, najt tzcan 'a Sidón. May junc 'ay yaln yic 'a eb', yuj cha, ma'ix colxi. A 'a span̈nil Bet-rehob, ata tzcan jun chon̈b' cha. Xlajw cha, ax eb' yin̈tl Dan 'ix b'on pax chan̈ jun chon̈b' cha, axta xcan cajn eb'.

A Ch'an̈ Schab'l Libro Samuel 24:7

Xlajw cha, 'ix 'at eb' 'a stojlal Tiro, 'ix 'ec' eb' 'a smasnil schon̈b' eb' heveo, yet' 'a schon̈b' eb' cananeo. Xlajw cha, 'ix jaw eb' 'a Beerseba, 'a Neguev 'ay 'a yol yic Judá.

Ez 28:21

Ach 'anma', 'ixc q'ueln 'a yib'n̈ chon̈b' Sidón, tzaln 'el can jun tzo'n̈ paxti tic 'a yib'an̈.