Josué 19:17 - Chuj San Sebastian Bible

^17-23 Lum schan̈il, 'ix 'och suerte 'a yib'n̈ lu'um, ax eb' yin̈tl Isacar a eb' x'i'n lu'um, a tzyal jayc'aj eb'. 'Ay waclajn̈e chon̈b' yet' yaldeail 'ix yique'ej eb'. Atn eb' tic: Jezreel, Quesulot, Sunem, Hafaraim, Sihón, Anaharat, Rabit, Quisión, Abez, Remet, En-ganim, En-hada, yet' Bet-pases. Masnto tzc'och jun mon̈jon chi 'a Tabor, Sahazima yet' Bet-semes axta tzlajw c'och 'a a Jordán. Atn lum tic xyique'ej eb' yin̈tl Isacar.

Chuj San Mateo Bible

^17-23 Axo lum schan̈il macan̈ ix och suerte d'ay, a d'a eb' yin̈tilal Isacar ix can luum, ato syal jay macan̈ yaj eb'. A d'a jun lum chi' ay 16 chon̈ab' d'a smasanil yed' yaldeail junjun: Aton Jezreel, Quesulot, Sunem, Hafaraim, Sihón, Anaharat, Rabit, Quisión, Abez, Remet, En-ganim, En-hada yed' Bet-pases. A smojonal lum sc'och d'a Tabor, Sahazima yed' d'a Bet-semes, slajvicanc'och d'a a' Jordán.

Josué 19:17 Referans Kwoze

Gn 35:23

A eb' yunnal Jacob yet' 'ix Lea atn eb' tic, Rubén win b'ab'l winac, Simeón, Leví, Judá, Isacar yet' Zabulón.

Gn 49:14

Ach xo ach tic Isacar, lajn ach wal 'icha junc no b'uru caw 'ay yip, tz'ilj 'a yol scolal.

Nm 26:55

A 'oj 'aj spojx 'ec' lum lum cha, to 'oj 'och suerte 'a yib'n̈ lu'um. Junjn mach 'oj scha smacl 'a smacl yic smam yicham.

A Ch'an̈ B'ab'el Libro Yic Yab'ixal Eb' Rey 4:17

Josafat yunnal Parúa, a 'ajcuenta yi'n cot jun tzo'n̈ chi 'a yol yic Isacar.