Josué 19:10 - Chuj San Sebastian Bible

¹⁰ Lum yoxil, 'ix 'och suerte 'a yib'n̈ lu'um, ax eb' yin̈tl Zabulón a eb' x'i'n lu'um, a tzyal jayc'aj eb'. 'Ay lajchwe chon̈b' yet' yaldeail 'ix yique'ej eb' yin̈tl Zabulón. Ata tzc'och smon̈jonal 'a lum Sarid.

Chuj San Mateo Bible

¹⁰ Axo lum yoxil macan̈ ix och suerte d'ay. A d'a eb' yin̈tilal Zabulón ix can luum, ato syal jay macan̈ yaj eb'. A smojonal luum, ix c'och d'a Sarid,

Josué 19:10 Referans Kwoze

Josué 18:11

A lum xb'ab'l 'och suerte 'a yib'an̈, atn lum xyijcan jayc'aj eb' yin̈tl Benjamín. A lum xyij eb' cha, ata xcan lum 'a snan̈l lum yic eb' yin̈tl Judá, yet' eb' yin̈tl José.

Josué 18:6

Ax yic 'oj lajwc spojnc can eb' lum lum cha, ax yi'n cot eb' 'ayin, yuj tas yaj lu'um, ax wa'n 'och suerte 'a yib'n̈ lum 'a yojltac Jehová qui Diosalec.

Gn 49:13

Ach xo ach tic Zabulón, ata 'oj aj cajn 'a sti a mar, ach 'oj a b'o jun tzo'n̈ puerto 'aj tzc'och te barco, atta 'oj c'och sti a lum a macn 'a Sidón.

Josué 19:9

Ata xcan lum 'a yol yic eb' yin̈tl Judá, yujto a jun macn̈ 'in̈tal eb' cha, yel xo niwn lum macb'il yuj eb', yuj cha, ata x'elt smacl lum eb' yin̈tl Simeón.

Josué 19:11

Tz'atn̈j 'a stojlal 'aj tz'em c'u, masnto 'a Maralá, tzlajw cha, tzc'ochx 'a Dabéset, axta tzlajw c'och 'a a niwn a 'ay 'a yojltac 'at Jocneam.

Gn 35:23

A eb' yunnal Jacob yet' 'ix Lea atn eb' tic, Rubén win b'ab'l winac, Simeón, Leví, Judá, Isacar yet' Zabulón.