Josué 18:25 - Chuj San Sebastian Bible

^25-28 Lum schac'ajil 'ay chan̈lajn̈e chon̈b' yet' yaldeail, atn eb' tic: Gabaón, Ramá, Beerot, Mizpa, Cafira, Mozah, Requem, Irpeel, Tarala, Zela, Elef, Jebús (atn Jerusalén) Gabaa yet' Quiriat. Atn jun tzo'n̈ chon̈b' tic xyique'ej eb' yin̈tl Benjamín.

Chuj San Mateo Bible

^25-28 Yic pax 14 chon̈ab' eb' yed' yaldeail, aton Gabaón, Ramá, Beerot, Mizpa, Cafira, Mozah, Requem, Irpeel, Tarala, Zela, Elef, Jebús, aton chon̈ab' Jerusalén, Gabaa yed' Quiriat. Aton lum tic ix yic' eb' yin̈tilal Benjamín.

Josué 18:25 Referans Kwoze

Josué 9:17

Xlajw xoj cha, 'ix 'at eb' soldado israel chi 'at yil eb'; ax 'a schab'jial 'ix c'och eb' 'a schon̈b' eb' cha, atn chon̈b' Gabaón, chon̈b' Cafira, chon̈b' Beerot yet' chon̈b' Quiriat-jearim.

Mt 27:57

'Ay jun win rico José sb'i, 'aj chon̈b' Arimatea, a jun cha, scuywum pax Jesús. Ax yic wan sq'uic'b'i,

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

Is 28:21

'Icha wal xyutj Jehová ya'n owl 'a lum jolm witz Perazim yet' 'a lum pan̈n 'a'lic yic Gabaón, 'ixta 'oj yutc sb'a. Wach'xam matz nib'ej, palta 'oj yac' satxoc 'el schon̈ab'.

A Ch'an̈ B'ab'el Libro Yic Yab'ixal Eb' Rey 9:2

'ix sch'oxn sb'a Jehová jun 'ejm xo 'a 'a, 'icha yutjnac sch'oxn sb'a 'a chon̈b' Gabaón.

A Ch'an̈ B'ab'el Libro Samuel 1:1

A 'a chon̈b' Ramataim 'a yol slum eb' yin̈tl Efraín, ata cajn jun winc Elcana sb'i. Yunnal win Jeroham, yixchicn Eliú, schab'l 'ichicn win Tohu, win yunnal Zuf cajn 'a scal eb' yic Efraín.

Josué 10:2

yuj cha, 'ix xiw chan̈ winac, yujto a lum chon̈b' Gabaón, caw wal niwquil chon̈ab'. Caw wal b'inab'il, 'ec'b'al 'a yib'n̈ lum chon̈b' Hai, ax eb' 'anma smasnil 'a jun chon̈b' cha, caw wal jeln eb' 'a owal.

Josué 7:17

Ax Josué 'ix yalni to macq'uixtac sch'oxn sb'a eb' yin̈tl Judá cha, ax 'a scal eb', ata x'ijx 'elt jun macn̈ eb' yic Zera. A 'a scal eb' cha, ata 'ix 'ijx 'elt junc'aj eb' yican sb'a, atn eb' yic Zabdí.

A Ch'an̈ Schab'l Libro Samuel 2:12

Xlajw cha, 'ix 'el Abner 'a Mahanaim, axta xc'och 'a chon̈b' Gabaón, ajun eb' soldado win Is-boset yet'oc.

A Ch'an̈ Schab'l Libro Samuel 4:2

Palta 'ay chawn̈ schecb' winac, yajl yaj eb' 'a jun b'uln̈ eb' 'elc'um. 'Ay jun win tzcuch Baana, junx win tzcuch Recab. Yunnal Rimón eb', win 'aj Beerot, yin̈tl can Benjamín ewinac. (A eb' 'anma cajn 'a Beerot, 'ojcab'il chajtlto yin̈tl can Benjamín eb'.

A Ch'an̈ B'ab'el Libro Yic Yab'ixal Eb' Rey 15:17

A yic snib'n win Baasa cha yac' owl 'a chon̈b' Judá, 'ix 'at winac, axta xc'och win 'a chon̈b' Ramá. 'Ix syamn 'och win sb'on scuartel ta', yic tzmacn win yol sb'e eb' chon̈wjum, sec wach' man̈x 'a mach tztac' sc'och 'a win Asa.

Is 10:29

Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.

Josué 19:29

Axta tzmeltzj smon̈jonal 'a Ramá, masnto tzc'och 'a jun chon̈b' caw wach' yajch smuroal atn Tiro, axta tzc'och 'a Hosa, tz'el'ch 'a a Mar Mediterráneo, locn pax chon̈b' Mahaleb, Aczib, Uma, Afec yet' Rehob.

Jueces 19:12

'Ix yaln win levita chi 'a 'ixtic: —Ma'ay, matz on̈ wayc 'a jun chuc chon̈b'al tic, coyec masnto 'oj qui c'ochc 'a Gabaa.

Jueces 19:13

Ca'c 'ip qui 'ati, a 'a Gabaa 'oj 'ec' 'ac'wl cujec, mto 'a Ramá, xchi winac.

A Ch'an̈ B'ab'el Libro Samuel 1:19

Ax 'a junx c'u caw 'ix seb' q'ue wan eb', xleslwi can eb' 'a Jehová, 'ix pax eb' 'a yatut 'a Ramá. Xlajw cha, xway win Elcana chi yet' 'ix Ana cha, 'ix snan cot Jehová tas c'anb'il yuj 'ix 'a 'a.

1 Cr 8:29

A 'a chon̈b' Gabaón cajn Jehiel, atn smam 'ichm eb' 'aj Gabaón cha. A yistzil, Maaca sb'i.