Josué 18:19 - Chuj San Sebastian Bible

¹⁹ Tz'e'x 'a snorteal yic Bet-hogla, axta tzlajw c'och 'a bahía 'a snorteal yic a Mar Muerto, 'a 'aj tzlajw can c'och a Jordán, atn smon̈jonal lum 'ay 'a stojlal sur.

Chuj San Mateo Bible

¹⁹ Tz'ec'pax d'a norte yic Bet-hogla, slajvicanc'och d'a jun sc'ab' a' mar d'a snorteal yic a' mar Muerto, b'aj sc'ochcan a' Jordán, aton smojonal d'a sur chi'.

Josué 18:19 Referans Kwoze

Josué 15:2

A lum cha, tz'ec' smon̈jonal lum 'a stojlal sur yic a Mar Muerto,

Gn 14:3

A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

Is 11:15

'Oj yac' Jehová tup chan̈ jun sc'ab' a Chac mar. Ax ya'n cot jun niwquil 'ic' caw c'ac' 'a yib'n̈ 'a niwn a Éufrates. 'Oj tupcn chan̈ a', uque 'oj 'elcn a 'a yet'l cha. Wach' 'oj 'ec' 'anma 'a yojl a', man̈x yowlalc tzyij 'el eb' xan̈ab'.

Josué 12:3

A pax tz'a'n yajlil 'a yib'n̈ lum span̈nil sti a Jordán 'a stojlal 'aj tzq'uel c'u, tz'el yich 'a a niwquil pama tzcuch Cineret, masnto 'a a Mar Muerto, 'a stojlal Bet-jesimot, 'a stojlal sur, masnto 'a yich witz Pisga.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.

Dt 3:17

Ax lum 'ay 'a stojlal 'aj tzq'uel c'u, 'ix wac' lum span̈nil sti a Jordán 'a eb'. Lum tzq'ue'ch 'a span̈nil lum tzaln Pisgá 'a stojlal 'aj tzq'uel c'u, atn jun chi mon̈jon yaj 'a a niwquil a Jordán. Tz'atn̈j sti a Jordán cha, tzc'och 'a jun a niwquil pama tzcuch Quinéret masnto tzc'och 'a a mar yic Arabá, atn pax a tzcuch Mar Muerto.

Nm 34:3

A smon̈jonal 'a stojlal sur, ata tz'ec' 'a lum cusltac lum yic Zin, 'a sti smon̈jonal lum Edom. Tzchaj 'el yich 'a stojlal 'aj tzq'uel c'u, masnto tzc'och 'a stojlal sur yic 'a Mar Muerto.

Gn 19:25

'Ix satl jun tzo'n̈ chon̈b' chi yet' smasnil tas 'ay 'a 'a, yet' smasnil tas 'ix q'uib' 'a sat lum pan̈n cha.

Josué 18:18

Tz'e'x 'a lum yich witz 'ay 'a stojlal norte 'a yojltac 'ec' span̈nil sti a Jordán, masnto tz'e'mch 'a a Jordán cha.

Josué 18:20

A a Jordán 'aych smon̈jonalc lum 'ay 'a stojlal 'aj tzq'uel c'u. Atn smon̈jonal lum lum tic 'ix pojx can 'ec' 'a scal eb' yin̈tl Benjamín.