Josué 15:8 - Chuj San Sebastian Bible

⁸ tz'e'x 'a ya'lical lum yic win yunnal Hinom, 'a stojlal sur yic Jebús, tzyal 'el'chi, atn Jerusalén. Tzlajw cha, tzq'uex 'a sjolm lum witz 'ay 'a stojlal 'aj tz'em c'u 'a ya'lical lum yic Hinom, yet' 'a snorteal lum ya'lical yic Refaim.

Chuj San Mateo Bible

⁸ tz'ec' d'a sch'olanil lum yic vin̈ yuninal vin̈aj Hinom, d'a stojolal sur yic Jebús, aton chon̈ab' Jerusalén. Slajvi chi' sq'ue d'a sjolom lum vitz d'a stojolal b'aj tz'em c'u d'a sch'olanil Hinom yed' d'a snorteal sch'olanil Refaim,

Josué 15:8 Referans Kwoze

Josué 18:16

Tz'emx lu'um, masnto 'a yich lum witz 'ay 'a yojltac 'ec' span̈nil lum yic Ben-hinom, 'a snorteal lum pan̈n yic Refaim. Tzlajw cha, tz'ejm pax 'a span̈nil yic Hinom, 'a stojlal 'ec' sur yic Jebús, tz'emxi, masnto 'a 'aj tzpac' a a yic Rogel.

Josué 15:63

Ax eb' yin̈tl Judá, ma'ix stac' spechx 'el eb' jebuseo cajn 'a Jerusalén yuj eb', yuj cha, an̈j 'ijnoc 'ayt eb' cajnn̈ej 'ec' 'a scal eb'.

Jueces 19:10

Ax jun levita cha, man̈x 'ic yal sc'ojl tzcan junc xo 'ac'wal. 'Ix cot win yet' 'ix 'ix cha, win schecab' yet' chawn̈ no b'uru 'aych xila tz'um 'a 'a. A yic xjaw eb' 'a yojltac 'at Jebús, atn Jerusalén, wan xo s'at c'u.

A Ch'an̈ Schab'il Libro Yic Yab'ixal Eb' Rey 23:10

'Ixtnta pax xyutj Josías ya'n juwc 'el jun lugar tzcuch Tofet 'a pan̈n yic Ben-hinom, 'a 'aj tz'ajx tz'a eb' 'unn xajmb'al-l 'a jun yechl tzcuch Moloc. 'Ixta 'ix yutj winac, sec man̈x 'a mach tzb'eylb'an jun b'eyb'al cha.

Jueces 1:21

Palta ax eb' yin̈tl Benjamín, ma'ix stac' spechx 'el eb' jebuseo cajn 'ec' 'a Jerusalén yuj eb'. Yuj cha, a eb' jebuseo yet' eb' yin̈tl Benjamín, junn̈j xcan cajn eb' 'a Jerusalén cha.

Jeremías 19:14

A yic xlajw in b'on an Jeremías in tic jun tzo'n̈ cha, in meltzj pax 'a Tofet, atn 'a 'aj in checx 'at yuj Jehová yic tz'at walnc 'el spaxti'. Xlajw cha, in 'och lin̈n 'a yamq'uil scajnub' Dios, 'ix waln 'ixtc 'a smasnil eb' chon̈ab':

Jeremías 19:6

Yuj cha, an Jehová in, an tzwala, to 'ay wal jun c'u 'oj jawoc, to a jun pan̈n tic, man̈x 'oj sb'ic Tofet, man̈x 'oj sb'ic span̈nil Ben-hinom, palta 'oj sb'ic span̈nil yic chamnc 'anma'.

Jeremías 19:2

Tzlajw cha, tzach 'at yet' eb' 'a span̈nil lum Ben-hinom, 'a jun puerta 'aj tz'elt eb' julm 'el c'alem, axta 'oj al-l jun tzo'n̈ paxti 'oj wal 'aych tic.

Is 17:5

A schon̈b' eb' israel cha, lajn 'oj 'ajcn 'icha 'aj tzpolx 'ixm trigo yuj eb' munljum 'a lum pan̈n Refaim, 'icha tzyutj eb' si'n 'ixm schon tzlaj 'elcn 'a scal, 'ixta 'oj 'aj eb'.

2 Cr 28:3

'Ix ya'n tz'a incienso 'a lum pan̈n 'a'lic yic Ben-hinom. Ata xyac' tz'a yunnal xajmb'alil, 'icha stu b'eyb'alil jun tzo'n̈ nacion̈ satjnac 'el Jehová 'a yic mantzac tzc'och eb' israel 'a lu'um.

A Ch'an̈ Schab'l Libro Samuel 5:22

Palta xmeltzj pax eb' filisteo jun 'ejm xo, 'ix c'ochx eb' 'a span̈nil Refaim.

A Ch'an̈ Schab'l Libro Samuel 5:18

'Ix jaw eb' filisteo 'a span̈nil Refaim, axta sb'o eb' scamplamento.

Jueces 1:8

A eb' yin̈tl Judá, 'ix 'och eb' yac' owl 'a Jerusalén. Xlajw cha, xyi'n can 'ec' eb' jun chon̈b' cha, stzu'n can cham eb' smasnil eb' 'anma cajn ta', sn̈usn can pax eb' jun chon̈b' cha.

1 Cr 11:4

Xlajw cha, 'ix 'at David yet' eb' yit israelal 'a Jerusalén, atn pax tzcuch Jebús. A eb' jebuseo cajn 'a jun lugar cha,