Josué 15:19 - Chuj San Sebastian Bible

¹⁹ 'Ix ta'w 'ix 'ixtic: —Tzin tew 'ayach, 'in tox 'ix ac' lum cusltac lum 'a Neguev 'ayin, ax ticnec, 'el cab' wal 'a a c'ojol, to tzac' pax junc in lum to 'ay yalil sat, 'ay cab' a tzpac' 'a 'a, xchi 'ix. Yuj cha, xya'n win junx lum 'a 'ix, lum 'aj 'ay a a 'a sjolmtacq'ue'i, yet' 'a yoct 'emt lu'um.

Chuj San Mateo Bible

¹⁹ Ix yalan ix: —Ina a lum taquin̈ lum ix ac' d'ayin d'a Neguev, elocab' d'a a c'ol to tzac' lum yax sat d'ayin, lum ay yal sat, xchi ix. Yuj chi' ix yac' junxo lum vin̈ d'a ix. Ay sjaj a a' d'a sat luum d'a sjolomtac yed' junxo a' d'a syoptac luum.

Josué 15:19 Referans Kwoze

2 Co 9:5

Yuj cha, xin nani, to yowlal tzin tew 'och 'a eb' cu'tac tic, sec 'oj b'ab'l c'och eb' 'ayex. 'Oj 'at colwjc eb' eyet' eyi'n chan̈ eyofrenda, 'icha yaj eya'n can e ti'. Toto 'ixta', lista 'oj eyutc eyofrenda cha, ax eya'n yuj swach'l e nab'en, sec ma'oj 'at ex cac' pural on̈.

A Ch'an̈ B'ab'el Libro Samuel 25:27

Ax ticnec jun, tzin tew 'ayach to tza chaj jab' in siylab' wet' 'aych tic, tza pojn 'ec' 'a scal eb' a checb' ajun 'et' tic.

Dt 33:7

'Ix yaln 'ixtc 'a yib'n̈ eb' yin̈tl Judá: Mamin Jehová, 'ab' wal tas tzyal eb' yin̈tl Judá 'ayach; jun cab' tzotj eb' yet' eb' yit chon̈ab'. Tza col eb' yet' a poder 'a yol sc'ab' eb' 'ajc'ojol, xchi.

Gn 33:11

Tzin tew 'ayach, chaj jun tzo'n̈ siylab' xwij cot 'aych tic, yujto a Dios x'el 'a sc'ojl ya'n in ricoal, may jac tas tzyac' palta 'ayin, xchi. Syamn 'och Jacob wal stew 'och 'a Esaú, ax x'aji c'ojnc'ojnil schaj jun tzo'n̈ siylab' cha.

Gn 12:9

Xlajw cha, c'ojnc'ojnil 'ix b'ey coti masnto 'ix jaw 'a lum Neguev.

Josué 15:18

Ax yic wan spax Otoniel chi yet' 'ix 'a yatut, xyaln win 'a 'ix, to tzc'an 'ix slum 'a smam. Yuj cha, x'emt 'ix 'a yib'n̈ no b'uru 'aj 'ay q'ue'i. Ax win Caleb sc'anb'n win 'ixtc 'a 'ix. —¿Tas tza nib'ej? xchi winac.

Josué 15:20

Atn lum smacl lum eb' yin̈tl Judá tic, 'ix pojx can 'ec' lum 'a eb', a tzyal jayc'aj eb' 'a yin̈tl cha.