Josué 15:13 - Chuj San Sebastian Bible

¹³ Ax Josué, a 'ix 'a'n jun macn̈ lum smacl lum eb' yin̈tl Judá 'a win Caleb yunnal Jefone. 'Icha yaj yaln Jehová, x'ajx lum Quiriat-arba 'a 'a, atn lum tzcuch pax Hebrón, atn jun chi schon̈b' eb' yin̈tl win Anac yaji.

Chuj San Mateo Bible

¹³ Ix yac'an jun macan̈ lum yol smacb'en Judá vin̈aj Josué d'a vin̈aj Caleb yuninal vin̈aj Jefone, icha aj yalan Jehová, aton lum Hebrón ix ac'ji d'a vin̈. A jun chon̈ab' Hebrón chi' schon̈ab' vin̈aj Arba d'a peca'. A vin̈aj Arba chi', a vin̈aj Anac aycan yin̈tilal vin̈.

Josué 15:13 Referans Kwoze

Nm 13:30

Xlajw cha, 'ix yaln Caleb to sictac tz'aj eb' 'anma 'ayc' 'a yojltac Moisés cha, xyaln 'a eb' 'ixtic: —¡A ticnec, coyec! ¡'At qui'c 'ec' lum lum cha, a eb' 'anma 'aych 'a lu'um, 'oj 'el xon eb' cujec, yujto 'ec'b'al qui jelnalec 'a yib'n̈ eb'! xchi.

Gn 23:2

yic 'ix cham 'ix 'a lum Quiriat-arba, atn 'a Hebrón 'a yol yic Canaán. Caw 'ix 'oc' win Abraham yuj schamlil 'ix Sara cha, 'ix 'ochcn win 'a cusc'ojlal yuj 'ix.

Josué 21:11

A 'a lum jolmctac witz yic Judá, ata x'elt Quiriat-arba, (tzcuch pax Hebrón) atn sb'ab'l chon̈b' eb' yin̈tl can win Anac,

Jueces 1:10

Xya'n pax eb' owl yet' eb' cananeo cajn 'a Hebrón, tzcuch Quiriat-arba 'a yic pecti'. 'Ix smiln can cham eb' win Sesai, win Ahimán yet' win Talmai.

A Ch'an̈ B'ab'el Libro Samuel 30:14

Yujto on̈ xit' cac' lajwc tastc 'ay 'a Neguev 'a slum eb' quereteo, yet' 'a eb' yic Judá, yet' 'a yic Caleb. 'Ix ca'n can 'och sc'a'l chon̈b' Siclag on̈, xchi win moso cha.

1 Cr 6:56

A 'a Caleb yunnal Jefone, ata 'ix 'ajx jun tzo'n̈ lugar yet' smasnil yaldeail jun chon̈b' cha.

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Josué 11:21

An̈jtona', a 'a yic jun tiempoal cha, ata 'ix yijcan 'ec' Josué smasnil jun tzo'n̈ chon̈b' 'aj cajn 'ec' eb' yin̈tl Anac 'a lum Hebrón, 'a Debir, 'a Anab yet' 'a smasnil lum jolmctac witz yic Judá yet' lum yic Israel.

Josué 20:7

Yuj cha, si'n 'el eb' israel jun tzo'n̈ chon̈b' 'aj wach' scoln sb'a eb' tzmilwji, atn jun tzo'n̈ chon̈b' tic: Quedes 'a Galilea 'a eb' lum jolmctac witz yic Neftalí, Siquem 'a jolm witz yic Efraín, Quiriat-arba (tzcuch pax Hebrón) 'a jolm witz yic Judá.

Jueces 1:20

'Ix ya'n eb' lum Hebrón 'a Caleb, 'icha yaj yaln can Moisés. Ax Caleb chi 'ix pechn 'el eb' 'oxwn̈ yin̈tl can yunnal win Anac.

A Ch'an̈ B'ab'el Libro Samuel 30:31

'a Hebrón, yet' pax 'a smasnil lugar 'aj 'e'nc David sc'ub'c 'el sb'a 'a Saúl yet' eb' winc ajun yet'oc.

A Ch'an̈ Schab'l Libro Samuel 2:1

Xlajw cha, sc'anb'n David 'a Jehová 'ixtic; —¿Tom tztac' in 'at 'a junc eb' chon̈b' 'ay 'a yol yic Judá? xchi. —N', tztac' a 'ati, xchi Jehová. Yuj cha, sc'anb'n pax David jun 'ejm xo: —¿'Aj 'ay junc chon̈b' 'aj smoj in 'ati? xchi. —A 'a chon̈b' Hebrón tzach 'ati, xchi.