Josué 14:4 - Chuj San Sebastian Bible

⁴ Chapojn̈ x'ajl eb' yin̈tl José, atn eb' yic Manasés, yet' eb' yic Efraín. Ax eb' yin̈tl Leví, may smacl lum eb' scha'aj, cojn jun tzo'n̈ chon̈b' x'ajx 'a eb' yet' 'aj tzwa scajb'en noc' eb' 'a stitc chon̈b' cha.

Josué 14:4 Referans Kwoze

Gn 48:5

Yuj cha, a wal chawn̈ onnal tic x'alj 'a Egipto yic mantzac in jaw 'a tic, wic xon yaj ewinac, 'icha to wunnal tz'ajcn eb', 'icha wal yaj win Rubén yet' win Simeón.

Gn 41:51

A win b'ab'l 'unin, xyac' José sb'ic Manasés, yujto xyal 'ixtic: A Dios x'a'n 'at satc'ojlal wuj smasnil yailal x'ec' 'a wib'an̈, yet' smasnil eb' 'ayt wuj in b'a yet'oc, xchi.

Gn 48:1

Jab'nant wal tiempo cha, xyaln eb' yab' José to ya'ay smam, yuj cha x'at José 'at yila'; xyi'n 'at eb' yunnal schawn̈il yet'oc, atn Manasés yet' Efraín.

Nm 26:28

Eb' yunnal José, atn eb' tic tzb'inax 'a eb' yin̈tl yuj Manasés yet' Efraín.

2 Cr 30:1

Xlajw cha, xya'n Ezequías alxc 'a smasnil yol yic Israel yet' 'a Judá, an̈jtona', xya'n 'at scarta 'a eb' yic Efraín yet' 'a eb' yic Manasés, sec to tzjaw eb' 'a yatut Jehová 'a Jerusalén, yic tznax q'uin̈ yic Jehová sDiosal Israel yuj snax cot yel eb' israel 'a libre.

Gn 41:52

Ax win schab'l 'unin, xyac' sb'ic Efraín, yujto xyal 'ixtic: A Dios, a x'a'n eb' wunnal 'a jun lum lum 'aj wab'jnac syal tic, xchi.

Gn 48:6

Ax jantcto onnal 'oj 'aljoc 'a ojltac, ecxo 'oj 'aj eb', 'ay yaln eb' yic schan smacl lum 'a eb' yu'tac tic.

Josué 16:4

Atn lum tic schaj eb' yic Manasés yet' eb' yic Efraín smacl lumoc, atn eb' yin̈tl can José.