Josué 13:8 - Chuj San Sebastian Bible

⁸ A eb' yin̈tl Rubén yet' eb' yin̈tl Gad, yet' spacl xo eb' yin̈tl Manasés, schajnacx can eb' smacl lum 'a Moisés, atn lum ya'jnac can 'a eb', lum 'ay 'a stojlal 'aj tzq'uel c'u 'a sc'axpil 'ec' a Jordán.

Chuj San Mateo Bible

⁸ A eb' yin̈tilalcan Rubén, eb' yic Gad yed' nan̈alxo eb' yic Manasés, schanac smacb'en eb' yac'naccan vin̈aj Moisés schecab' Jehová, aton slum eb' d'a stojolal b'aj sjavi c'u d'a a' Jordán.

Josué 13:8 Referans Kwoze

Josué 12:6

Atn eb' rey chi 'emnc yuj Moisés win schecb' Jehová, yet' pax yuj eb' soldado israel. Ax Moisés cha, a 'ix 'a'n can jun tzo'n̈ lum tic 'a eb' yin̈tl Rubén, 'a eb' yin̈tl Gad yet' 'a spacl eb' yin̈tl Manasés.

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Josué 4:12

An̈jtona', 'ix 'e't pax eb' soldado yic Rubén, eb' yic Gad yet' spacl eb' yic Manasés. A eb' cha, yet'n̈j eb' syamc'ab' yic owal, xb'ab'lj eb' yuj jun tzo'n̈ xo eb' yit israelal, 'icha yaj yaln can Moisés 'a eb'.

Nm 32:19

A jun pac' lum sti a Jordán tic, lum 'ay 'a stojlal 'aj tzq'uel c'u, quic cab' tz'ajcn lum on̈, ax 'a sc'axpil 'ec' sti a cha, man̈x a cab' pax quic tzcan ta 'on̈, xchi eb'.

Dt 3:8

'Ixta wal 'ix 'aj lum slum eb' amorreo scan 'a yol qui c'ab'c 'a jun tiempoal cha, atn lum 'ay 'a sti a Jordán, 'a stojlal 'aj tzq'uel c'u. Tz'atn̈j 'a sti a Arnón masnto tzc'och 'a lum stzalnil Hermón.

Josué 12:1

'Ay chawn̈ eb' rey 'emnc yuj eb' israel 'a lum lum 'ay 'a stojlal 'aj tzq'uel c'u, 'a sc'axpil 'ec' a Jordán. A smasnil lum lum xyij can 'ec' eb' cha, tz'atn̈j lum 'a a a tzcuch Arnón, masnto 'a lum jolm witz Hermón, yet' smasnil lum span̈nil sti a Jordán, 'a stojlal 'aj tzq'uel c'u.

Josué 13:7

A ticnec, pojcn 'ec' lum lum tic 'a eb' b'aln̈e 'in̈tal yet' 'a spacl xo eb' yin̈tl Manasés, xchi Dios 'a Josué.

Josué 13:9

'Ix yique'ej eb' lum tz'atn̈j 'a chon̈b' Aroer, lum 'ay 'a sti a a tzcuch Arnón, yet' jun chon̈b' 'ayc' 'a spacl lum span̈nil sti a cha, yet' pax smasnil ya'lical Medeba, masnto 'a Dibón,

A Ch'an̈ B'ab'el Libro Samuel 13:7

'Ay pax eb' xc'axw 'ec' 'a a niwn a Jordán, 'ix c'och eb' 'a lum Gad yet' 'a lum Galaad, palta ax Saúl, an̈ja 'ayt 'ec' 'a lum Gilgal. A smasnil eb' soldado ajun yet'oc, caw tz'ib'x eb' yuj xiwlal.