Josué 13:5 - Chuj San Sebastian Bible

⁵ 'Ayt can pax lum yic eb' guiblita yet' smasnil lum Líbano 'a stojlal 'aj tzq'uel c'u, tz'atn̈j 'a Baal-gad 'a yich lum witz Hermón masnto 'aj tz'ochch lum Hamat.

Chuj San Mateo Bible

⁵ Ayto pax can lum yic eb' giblita yed' masanil lum Líbano d'a stojolal b'aj sjavi c'u, sb'atn̈ej d'a Baal-gad d'a yich lum vitz Hermón, masanto tz'ochc'och d'a Hamat.

Josué 13:5 Referans Kwoze

A Ch'an̈ B'ab'el Libro Yic Yab'ixal Eb' Rey 5:18

Ax ewin smunljum Salomón yet' ewin yic Hiram, yet' ewin cajn 'a Gebal, a ewin 'ix poln te te', stzeyn pax ewin q'uen q'uen 'ix 'och 'a yatut Dios cha.

Josué 12:7

Xlajw cha, ax Josué yet' eb' yit israelal cha, 'ix yac' eb' owl yet' jun tzo'n̈ eb' rey. 'Ix 'ejm eb' yuj eb' israel, atn eb' 'ay 'a sc'axpil 'ec' sti a Jordán 'a stojlal 'aj tz'em c'u, tz'atn̈j 'a lum Baal-gad 'a span̈nil lum Líbano yet' eb' 'ay 'a lum jolm witz Halac 'a stojlal norte, tzcan 'a stz'ey stojlal sur yic Edom. Locn eb' 'ay 'a lum yichtc witz 'a stz'ey lum span̈nil sti a Jordán 'a stojlal 'aj tz'em c'u, yet' eb' 'ay 'a lum cusltac lum tzcan 'a stojlal sur. 'Ix yij 'ec' eb' israel slum eb' hitita, eb' amorreo, eb' cananeo, eb' ferezeo, eb' heveo yet' eb' jebuseo. Ax Josué 'ix pojn 'ec' jun tzo'n̈ lum chi 'a eb' yit israelal.

Ez 27:9

A eb' 'ichmtac winc 'aj Gebal, ajun eb' yet' eb' 'aj barco cha, toto 'ay tas tzjuw 'a junc barco cha, ax eb' 'ichmtac winc chi tzb'on pax muc'uc, yujto caw jeln eb'. Til wal eb' 'anma chi tzc'och manwjoc mto chon̈wjoc 'a jun chon̈b' cha.

Salmos 83:7

eb' 'aj Gebal, eb' 'aj Amón, eb' yin̈tl Amalec, eb' filisteo, eb' 'aj Tiro,

Josué 11:17

Tz'atn̈j lum 'a yich lum witz tzcuch Halac lum tzq'ue'ch 'a Seir, masnto tzc'och 'a Baal-gad, lum 'ay 'a span̈nil lum Líbano, lum tzc'och 'a yich lum witz Hermón. 'Ix yamchj smasnil sreyl jun tzo'n̈ nacion̈ chi yuj eb', xlajw cha, xya'n Josué chi milxoc cham eb'.

Nm 34:8

Tz'atx 'a jolm witz Hor, masnto tzc'och 'a 'aj tzon̈ 'ochch 'a Hamat, tz'atxi, masnto tzc'och 'a Zedad.

Am 6:2

Tzeyal cob' 'ixtc 'a eb' eyit chon̈ab': 'Ixquec 'a chon̈b' Calne, tze maclni eyil si'mb'il. Axta tzex 'atxi, tzex c'och 'a niwquil chon̈b' Hamat, tzex 'eml 'a chon̈b' Gat 'a yol yic eb' filisteo. ¿Tom yel xo niwn yel'ch eb' 'a quib'n̈ec? ¿Tom yel xo niwquil jun tzo'n̈ nacion̈ chi 'a yib'n̈ qui nacion̈ec tic? xe chi.

Is 10:9

Lajn wutjnac can chon̈b' Calno yet' Carquemis, 'ixta pax wutjnac chon̈b' Hamat yet' Arfad, an̈jtona' lajn pax wutjnac Samaria yet' Damasco.

Dt 3:25

Tzin tew wal 'ayach, comnoc tzin a chaj 'ec' 'a sc'axpil 'ec' a Jordán tic. Tzin nib'j tzin c'och 'a sat jun lum caw wach' cha. Tzin nib'j wal tz'at wil lum lum 'ay 'a jolmctac witz cha, yet' pax lum Líbano, xin chi 'a 'a.

Dt 1:7

A ticnec, meltzjan̈c can 'at 'a lum slum eb' amorreo 'ay 'a lum jolmctac witz, yet' 'a jun tzo'n̈ xo lugar 'ay 'a sla'nil eb' cha. Tzex 'ec' 'a lum span̈nil sti a Jordán, 'a lum jolmctac witz, 'a lum pan̈ctac, 'a lum Négueb, yet' lum 'ay 'a sti a mar 'a yol yic eb' cananeo, yet' pax lum Líbano, masnto tzc'och lum 'a sti a niwquil a Éufrates.

Nm 13:21

'Ix syamn 'och eb' winc chi smaclni yil lum lum chi 'a lum cusltac lum yic Zin, masnto xc'och eb' 'a Rehob, 'a sla'nil xo Hamat.

Josué 11:3

Xya'n pax alxoc 'a eb' cananeo cajn 'a stojlal 'aj tzq'uel c'u, yet' pax eb' 'ay 'a stojlal 'aj tz'em c'u; xya'n syam sb'a eb' amorreo, eb' hitita, eb' ferezeo, eb' jebuseo 'ay 'a lum jolmctac witz, yet' pax eb' heveo cajn 'a yich lum witz tzcuch Hermón 'a yol yic Mizpa.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

Jeremías 52:9

'Ix yamchj win rey Sedequías chi yuj eb' soldado yic Babilonia, xyi'n 'at eb' win 'a win sreyl Babilonia 'ayc' 'a Ribla 'a yol yic Hamat. Ata 'ix yal Nabucodonosor tas tz'aj Sedequías.