Josué 11:2 - Chuj San Sebastian Bible

² Xya' alxoc 'a smasnil eb' rey cajn 'a jolmctac witz 'ay 'a stojlal norte 'a span̈nil sti a Jordán, lum tzcan 'a stojlal sur 'a a pama tzcuch Cineret, atn lum pan̈n 'a'lic 'ay 'a Dor 'a stojlal 'aj tz'em c'u.

Chuj San Mateo Bible

² Ix schecanpaxb'at schecab' vin̈ d'a masanil eb' vin̈ rey ay d'a tzalquixtac d'a norte yed' pax d'a eb' vin̈ ay d'a sch'olquiltaquil a' Jordán, d'a stojolal sur d'a a' n̈ajab' Cineret, d'a ac'lic yed' d'a slac'anil yic Dor d'a stojolal b'aj tz'em c'u.

Josué 11:2 Referans Kwoze

Jueces 1:27

Eb' 'anma ma'ix techj spechn 'el eb' yin̈tl Manasés: atn eb' 'aj Bet-seán, eb' 'aj Taanac, eb' 'aj Dor, eb' 'aj Ibleam, eb' 'aj Meguido, yet' eb' 'ay 'a yaldeail jun tzo'n̈ chon̈b' cha. A eb' cananeo 'a jun tzo'n̈ chon̈b' cha 'ix ste'wtzej sb'a eb' 'a owal, yuj cha 'ix can cajn eb' ta'.

Josué 12:3

A pax tz'a'n yajlil 'a yib'n̈ lum span̈nil sti a Jordán 'a stojlal 'aj tzq'uel c'u, tz'el yich 'a a niwquil pama tzcuch Cineret, masnto 'a a Mar Muerto, 'a stojlal Bet-jesimot, 'a stojlal sur, masnto 'a yich witz Pisga.

Josué 17:11

'Ix yij pax eb' yin̈tl Manasés chi jun tzo'n̈ xo chon̈ab', atn eb' lum xcan 'a yol yic Isacar yet' 'a yic Aser, junjn eb' chon̈b' chi yet' yaldeail 'ay 'a stz'ey: Atn Bet-seán, Ibleam, Dor, Endor, Taanac, Meguido, yet' pax 'oxe xo chon̈b' yamn yaji.

Nm 34:11

Tz'atx 'a Sefam masnto tzc'och 'a Ribla, 'a stojlal 'aj tzq'uel c'u 'a Aín. Tzlajw cha, tz'emx jun mon̈jon chi 'a stojlal 'aj tzq'uel c'u 'a spac'b'il a niwquil pama tzcuch Cineret,

A Ch'an̈ B'ab'el Libro Yic Yab'ixal Eb' Rey 4:11

A yunnal Abinadab, a yistzil, atn 'ix Tafat yisl Salomón, a 'ajcuenta yi'n cot jun tzo'n̈ chi 'a smasnil yol smacb'en Dor.

Lc 5:1

A 'a jun 'el, xc'och Jesús 'a sti a mar yic Genesaret. Til wal 'anma 'ix syam sb'a. Caw witz'n x'ajch eb' 'a 'a, yujto tznib'j eb' tzyab' spaxti Dios.

Lc 1:39

A 'a jun tiempoal cha, ji'ltixn̈ej x'at María 'a jun chon̈b' 'ay 'a eb' lum jolmctac witz 'a yol yic Judea.

Josué 13:27

Xyi'n pax eb' lum pan̈n 'a lum Bet-aram, Bet-nimra, Sucot, yet' Zafón, cojxn jun tzo'n̈ tic cann̈c can 'a 'aj tzyac' win Sihón yajlil. 'Ix 'el yich slum eb' chi 'a stojlal sur 'a a niwquil pama tzcuch Cineret.

Josué 11:21

An̈jtona', a 'a yic jun tiempoal cha, ata 'ix yijcan 'ec' Josué smasnil jun tzo'n̈ chon̈b' 'aj cajn 'ec' eb' yin̈tl Anac 'a lum Hebrón, 'a Debir, 'a Anab yet' 'a smasnil lum jolmctac witz yic Judá yet' lum yic Israel.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 10:6

Ax eb' 'aj Gabaón cha, 'ix 'at yac' eb' alxoc 'ixtc 'a Josué, 'a 'aj 'ay scamplamento 'a Gilgal: —Cotn̈ muc'uc, wul coln̈ an̈ a checb' on̈ tic 'a yol sc'ab' smasnil eb' sreyl eb' amorreo cajn 'a lum jolmctac witz, yujto junn̈j xyutj sb'a eb' smasnil yic tzon̈ wul smilnc eb' on̈, xchi eb'.

Josué 11:16

A Josué yet' eb' soldado, xyijcan 'ec' eb' smasnil jun tzo'n̈ lum tic, atn eb' lum jolmctac witz, smasnil lum Neguev, smasnil lum Gosén, eb' lum niwc 'a'lic, lum span̈nil sti a Jordán, yet' smasnil lum stitc ch'oln yic eb' lum jolmctac witz cha, atn lum yic eb' israel.

A Ch'an̈ B'ab'el Libro Yic Yab'ixal Eb' Rey 15:20

'Ix schan sc'ojl win Ben-adad tas 'ix yalb't win rey Asa, yuj cha, schecn 'at win eb' capitan̈ yet' eb' soldado yic tz'at ya'nc eb' owl 'a eb' lum chon̈b' 'a yol yic Israel. 'Ixta x'aj yajx ganar chon̈b' Ijón, Dan, Abel-bet-maaca, yet' smasnil chon̈b' 'a yol yic Cineret yet' 'a smasnil yol smacb'en eb' yic Neftalí.