Josué 10:41 - Chuj San Sebastian Bible

^41-42 Jun 'ejmn̈ej satl eb' rey chi yuj Josué, 'ix yi'n can 'ec' smasnil slum eb'. 'Ix 'el yich yi'n 'ec' slum eb' chi 'a Cades-barnea masnto 'a Gaza, smasnil pax lum yic Gosén masnto xc'och 'a Gabaón, yujto a Jehová sDiosal Israel, a tz'a'n owal.

Chuj San Mateo Bible

⁴¹ D'a juneln̈ej ix satel masanil juntzan̈ chon̈ab' eb', ix schael yich d'a Cades-barnea masanto ix q'uec'och d'a Gaza yed' masanil yic Gosén, masanto ix c'och d'a Gabaón d'a norte.

Josué 10:41 Referans Kwoze

Josué 11:16

A Josué yet' eb' soldado, xyijcan 'ec' eb' smasnil jun tzo'n̈ lum tic, atn eb' lum jolmctac witz, smasnil lum Neguev, smasnil lum Gosén, eb' lum niwc 'a'lic, lum span̈nil sti a Jordán, yet' smasnil lum stitc ch'oln yic eb' lum jolmctac witz cha, atn lum yic eb' israel.

Dt 9:23

A yic 'ayn̈ec 'ec' 'a Cades-barnea, ata yaljnac 'ayn̈ec to tzon̈ 'at qui cha lum lum cha, atn lum 'oj yac' eyico'oc. Atnta e tenjnac tas yaljnac Jehová qui Diosalec, yujto ma'ix eya'ch xon yipc e c'ojol.

A Tas Sc'ulejnac Eb' Schecab' Jesús Hechos 8:26

'Ay jun yángel Cajlil 'ix aln 'ixtc 'a Felipe: —'Ac' lista a b'a. 'Ixc 'a stojlal sur 'a yol jun b'e tzcot 'a Jerusalén, tzc'och 'a chon̈b' Gaza, xchi. A jun b'e cha, atn tz'ec' 'a cusltac lu'um.

Zacarías 9:5

A yic 'oj yilnc chon̈b' Ascalón jun cha, caw 'oj xiwoc. 'Ixta pax chon̈b' Gaza, caw niwn 'oj 'aj yab'n syail. An̈jtona pax Ecrón, caw 'oj yab' syal si'mb'il, yujto 'oj sat 'ejm jun chon̈b' 'aych yipc sc'ojol. A chon̈b' Gaza cha, 'oj cancn 'a man̈x 'a sreyal, ax chon̈b' Ascalón, man̈x 'a junc 'anma 'oj can 'a 'a.

A Ch'an̈ B'ab'el Libro Yic Yab'ixal Eb' Rey 3:5

'Ay jun 'ac'wal yic 'ayc' 'a Gabaón cha, 'ix sch'oxn sb'a Jehová 'a Salomón 'a waychil, 'ix yaln Dios 'a 'ixtic: C'an tas tza nib'j 'ayin, 'oj wac' 'ayach, xchi 'a 'a.

A Ch'an̈ B'ab'el Libro Samuel 6:17

A o'e eb' q'uen oro b'ob'il 'icha yilx malel, yuj ya'n eb' filisteo stojloc smul 'a Jehová, 'ix yac' eb' yuj chon̈b' Asdod, yuj chon̈b' Gaza, yuj chon̈b' Ascalón, yuj chon̈b' Gat yet' yuj chon̈b' Ecrón.

Jueces 16:21

'Ix yamchj yuj eb' filisteo. Xlajw cha, xyi'n 'elt eb' yol sat, xyi'n 'at eb' 'a chon̈b' Gaza. Ata xya'ch eb' q'uen cadena nab'a bronce 'a 'a, xya'n 'och eb' 'a preso. Xya'n eb' 'ajxc munljoc 'a q'uen mulino 'a yol preso cha.

Jueces 16:1

'Ix xit' Sansón 'a Gaza. Ata 'ix yil jun 'ix 'ajmul 'ix. 'Ix 'och 'a yol yatut 'ix, 'ix way win yet' 'ix 'a jun 'ac'wl cha.

Josué 10:12

A yic x'ajx eb' amorreo chi 'a yol sc'ab' eb' israel yuj Jehová, a 'a jun c'u cha, ata xyal Josué 'a Jehová 'ixtc 'a sat smasnil chon̈ab': 'Och cab' wan c'u 'a yib'n̈ chon̈b' Gabaón; 'och cab' wan 'uj 'a yib'n̈ lum ya'lical Ajalón, xchi.

Josué 10:2

yuj cha, 'ix xiw chan̈ winac, yujto a lum chon̈b' Gabaón, caw wal niwquil chon̈ab'. Caw wal b'inab'il, 'ec'b'al 'a yib'n̈ lum chon̈b' Hai, ax eb' 'anma smasnil 'a jun chon̈b' cha, caw wal jeln eb' 'a owal.

Nm 34:4

Tz'e'n̈j 'a stojlal sur cha, masnto tzc'och 'a yich witz Acrabim, tz'atxi, tz'ec' 'a Zin masnto tzc'och 'a Cades-barnea. Tz'atxi, tz'ec' 'a Hazar-adar masnto tzc'och 'a Asmón.

Nm 32:8

'Ixtnta wal xyutj sb'a eb' e mam eyicham, yic x'at wa'nc yil eb' lum lum cha, yic 'ayn̈ec 'ec' 'a lum Cades-barnea.

Nm 13:26

A 'a lum Cades yic lum cusltac lum yic Parán, ata 'ayc' Moisés, Aarón yet' smasnil eb' chon̈ab'. A yic xjapx eb' 'ilm lum cha, 'ix laj yalnc eb' tas xlaj yil eb'. Sch'oxn eb' 'ilxoc sat te 'awb'ente 'ay 'a lum lum cha.

Dt 1:19

'Ix yaln pax Moisés 'ixtic: A yic on̈ cotc pax 'a lum yich witz Sinaí, 'ix qui tojlb'tzanc cot qui b'a 'a lum jolmctac witz yic eb' amorreo, yuj qui yiclni tas 'ix yal Jehová qui Diosalec. On̈ b'eyc cot 'a lum niwquil cusltac lu'um, lum caw 'ay smay, masnto on̈ jawc 'a Cades-barnea. A jun tic, xquilc qui masnil.

Dt 2:23

An̈jtona', 'ixta 'ajnc eb' aveo cajn 'a jun tzo'n̈ lugar 'a stz'ey Gaza. Lajwnac 'el eb' yuj eb' filisteo cotnc 'a Caftor. 'Ixta 'ajnc eb' yochcn 'a sat lu'um.)

Josué 11:22

Yuj cha, man̈x 'a junc eb' yin̈tl win Anac xcan 'a sat slum eb' israel. Cojxn 'a Gaza, 'a Gat yet' 'a Asdod, ata xcan jaywn̈ xo eb' yin̈tl win cha.