Josué 10:36 - Chuj San Sebastian Bible

³⁶ 'Ix 'atx Josué yet' smasnil eb' soldado 'a Eglón, axta xc'ochx eb' 'a chon̈b' Hebrón, 'ix ya'n pax eb' owl ta'.

Chuj San Mateo Bible

³⁶ Ix el eb' d'a Eglón chi', ix c'och eb' d'a Hebrón, yic syac'anpax oval eb' yed'oc.

Josué 10:36 Referans Kwoze

Jueces 1:10

Xya'n pax eb' owl yet' eb' cananeo cajn 'a Hebrón, tzcuch Quiriat-arba 'a yic pecti'. 'Ix smiln can cham eb' win Sesai, win Ahimán yet' win Talmai.

Josué 15:13

Ax Josué, a 'ix 'a'n jun macn̈ lum smacl lum eb' yin̈tl Judá 'a win Caleb yunnal Jefone. 'Icha yaj yaln Jehová, x'ajx lum Quiriat-arba 'a 'a, atn lum tzcuch pax Hebrón, atn jun chi schon̈b' eb' yin̈tl win Anac yaji.

Nm 13:22

'Ix 'ec' eb' 'a lum Neguev, masnto xc'och eb' 'a Hebrón. Ata cajn Ahimán, Sesai yet' Talmai. A eb' tic, yin̈tl can win Anac eb'. A chon̈b' Hebrón cha, yucl xo ab'il sb'o'i, yic 'ix b'o chon̈b' Zoán 'a Egipto.

1 Cr 12:28

A Sadoc, quelm to, caw tec'an, tzyaln̈j sc'ojl s'at 'a owal. 'Ay 22 eb' yican yajl yaji, ajun eb' yet'oc.

1 Cr 12:23

Atn slistail jun tzo'n̈ eb' syajlil eb' soldado tic caw jeln 'a owal. 'Ix jaw eb' wul ya'ch sb'a yet' David 'a Hebrón, yic tz'ajx 'och reyl sjelc Saúl, a tzyal 'ixta yaln can Jehová:

Josué 21:13

A sb'isl chon̈b' x'ajx 'a eb' yin̈tl Aarón, eb' ya'mal 'och sti eb' 'anma 'a Dios, 'ay 'oxlajn̈e chon̈b' 'a smasnil yet' swalab' no cajb'en noc' 'a junjn chon̈b' cha. A 'a yol smacb'en eb' yin̈tl Judá yet' Simeón, ata 'ay b'aln̈e chon̈b' x'ajx 'a eb': Atn chon̈b' Hebrón 'aj tz'at scol sb'a eb' tzmiln junc yit 'anma'il. X'ajx pax chon̈b' Libna, Jatir, Estemoa, Holón, Debir, Aín, Juta, yet' Bet-semes. Ax 'a yol smacb'en eb' yin̈tl Benjamín, ata 'ay chan̈e xo chon̈b' x'ajx 'a eb': Atn chon̈b' Gabaón, Geba, Anatot yet' Almón.

Josué 10:5

'Ixta x'aj schan 'el'ch sb'a own̈ eb' rey cha, junn̈j xyutj eb' soldado chi smasnil yic tz'at ya'nc eb' owl 'a chon̈b' Gabaón, sb'on chan̈ eb' scamplamento ta'.

Josué 10:3

Yujn̈ej cha, x'at ya'noc Adonisedec alxoc 'a win Hoham sreyl Hebrón, 'a win Piream sreyl Jarmut, 'a win Jafía sreyl Laquis yet' 'a win Debir sreyl Eglón, xyaln 'a eb' 'ixtic:

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Josué 10:35

A 'a jun c'u cha, ata smil cham smasnil eb' 'anma cajn 'a jun chon̈b' cha, yet' smasnil no noc'. 'Icha wal x'ajcn chon̈b' Laquis, 'ixta xyutj can eb' jun chon̈b' cha.

Josué 10:37

A yic x'och eb' 'a jun chon̈b' cha, 'ix lajw can 'el jun chon̈b' chi smasnil yuj eb'. Smiln can eb' win rey, smasnil eb' 'anma', no cajb'en noc' yet' jun tzo'n̈ xo chon̈b' 'a sla'nil cha. 'Icha xyutj can eb' chon̈b' Eglón, 'ixta xyutj can eb'.

Jueces 1:20

'Ix ya'n eb' lum Hebrón 'a Caleb, 'icha yaj yaln can Moisés. Ax Caleb chi 'ix pechn 'el eb' 'oxwn̈ yin̈tl can yunnal win Anac.