Josué 10:2 - Chuj San Sebastian Bible

² yuj cha, 'ix xiw chan̈ winac, yujto a lum chon̈b' Gabaón, caw wal niwquil chon̈ab'. Caw wal b'inab'il, 'ec'b'al 'a yib'n̈ lum chon̈b' Hai, ax eb' 'anma smasnil 'a jun chon̈b' cha, caw wal jeln eb' 'a owal.

Chuj San Mateo Bible

² Yuj chi' ix te xiv vin̈, yujto a chon̈ab' Gabaón, te nivan chon̈ab' icha juntzan̈xo nivac chon̈ab' ay sreyal, te ec'to d'a yichan̈ chon̈ab' Hai, te ay smay eb' d'a oval.

Josué 10:2 Referans Kwoze

Dt 11:25

May xon junc mach 'oj ste'wtzoc sb'a 'a eyojltac. A Jehová qui Diosalec, a 'oj 'a'noc 'och eb' 'anma chi 'a xiwc'ojlal, ax stac chan̈ sc'ojl eb' 'aj 'oj eyec' cha, 'icha wal 'ix yutj yaln cani.

Josué 2:24

'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.

A Ch'an̈ Carta D'a Eb' Hebreo 10:31

Caw wal 'ay smay qui b'eyc'ojlaxec yuj Dios pitzan.

A Ch'an̈ Carta D'a Eb' Hebreo 10:27

Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios.

Pr 10:24

A eb' maysch'olnil sb'eyb'al, a tas 'aj tzxiw eb', a jun tzo'n̈ chi tzjaw 'a yib'n̈ eb', ax eb' wach' snab'en, tz'el'ch tas tznib'j eb'.

A Ch'an̈ Schab'l Libro Samuel 12:26

Ya' sb'a cha, ax Joab 'ix yac' owl yet' eb' amonita cajn 'a chon̈b' Rabá. A yic wan xo yoch 'a yol chon̈b' cha,

A Ch'an̈ B'ab'el Libro Samuel 27:5

'Ix yaln David 'a win Aquis 'ixtic: —Tzin c'an 'aych mamin rey, comnoc tz'el 'a a c'ojol, to tzin a chaj 'at cajn 'a junc chon̈b' 'a yol a nacion̈, yujto an tic man̈ smojc tzin can cajn et' 'a yol a chon̈b' tic, xchi David.

Dt 28:10

Toto 'ixta', ax smasnil eb' nacion̈ 'ay 'a yolyib'n̈q'uinl tic, 'oj yojcoc 'el eb' chajtlto sic'b'ilx 'el yuj Jehová, yuj cha, caw 'oj xiw eb' 'ayex.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.

Dt 2:25

Wal 'a jun c'u tic, tz'el yich wa'n xiwc'ojlal 'a smasnil eb' chon̈b' 'ay 'a sat lum lum tic. A yic 'oj laj yab'nc eb' yalx eyab'xil, caw wal 'oj xiw chan̈ eb'. 'Oj laj 'ib'xoc chan̈ eb' yuj xiwlal. Caw 'ayxn̈ej xiwc'ojlal eb', xchi Dios, xchi Moisés.

Josué 9:24

'Ix ta'w eb' 'a Josué 'ixtic: —'Ixta 'ix cutj qui b'a, yujto on̈ xiw 'ayex, lemb'il tzon̈ e mil chamoc, yujto xcab'i tas yaj yaln can Jehová e Diosal 'a jun schecab' atn Moisés, to a smasnil jun tzo'n̈ lugar tic, a tz'a'n eyico'oc, tze satn can 'el smasnil 'anma cajn 'a lu'um.