Josué 10:12 - Chuj San Sebastian Bible

¹² A yic x'ajx eb' amorreo chi 'a yol sc'ab' eb' israel yuj Jehová, a 'a jun c'u cha, ata xyal Josué 'a Jehová 'ixtc 'a sat smasnil chon̈ab': 'Och cab' wan c'u 'a yib'n̈ chon̈b' Gabaón; 'och cab' wan 'uj 'a yib'n̈ lum ya'lical Ajalón, xchi.

Chuj San Mateo Bible

¹² Ayic van yac'jioch eb' amorreo chi' d'a yol sc'ab' eb' israel yuj Jehová, ix yalan vin̈aj Josué d'a Jehová chi' d'a yichan̈ masanil anima icha tic: Ochocab' vaan c'u d'a yib'an̈ Gabaón, ochocab' vaan q'uen uj d'a yib'an̈ sch'olanil Ajalón, xchi vin̈.

Josué 10:12 Referans Kwoze

Habacuc 3:11

Ax c'u yet' 'uj, 'ix 'och wan eb' sb'eyi, yic 'ix 'elt jupljoc a jul-lab' cha, caw 'ix q'ue wan jupljoc a lanza.

Is 38:8

A 'a jun sreloj win Acaz, ata 'oj yac' meltzjoc Dios jun yen̈l yoc c'u lajn̈c'ajoc 'a spatic, atn jun yoc c'u tox xeq'ui, xchi Isaías. Ax x'aji, 'ix 'el'ch 'icha yaj yaln can cha, 'ix meltzj jun yoc c'u chi lajn̈c'aj 'a spatic, atn jun yoc c'u tox x'ec' cha.

Is 60:20

A jun sacq'uinl tzwac' 'ayx cha, a 'oj 'och sjelc yoc c'u yet' yoc 'uj. A jun cha, may b'a'n̈ 'oj tupoc, yujto an Jehová in, an sacq'uinl waj 'ayx 'a jun 'ejmn̈ej. Ax e cusc'ojlal 'aj 'ayx 'eq'ui, 'oj lajwc 'ec' 'a jun c'u cha.

Is 28:21

'Icha wal xyutj Jehová ya'n owl 'a lum jolm witz Perazim yet' 'a lum pan̈n 'a'lic yic Gabaón, 'ixta 'oj yutc sb'a. Wach'xam matz nib'ej, palta 'oj yac' satxoc 'el schon̈ab'.

Salmos 19:4

palta c'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic. A 'a satcha'an̈, ata b'ob'il can 'och c'u yu'uj.

Josué 10:13

'Ix 'och wan sb'ey c'u yet' 'uj, masnto xlajw scham eb' 'ajc'ojl yajch 'a eb' israel cha. Atn jun tic tz'ib'b'il can 'a ch'an̈ slibro win Justo, ata tzyal 'ixtic: 'Ix 'och wan sb'ey c'u 'a spacl satcha'an̈, tecn jun c'u 'ix 'och wan sb'eyi, ma'ix q'uic'b' xon 'a jun c'u cha, xchi.

Salmos 148:3

A c'u, 'uj yet' smasnil c'anal, yal cab' eb' swach' paxti 'a Jehová.

Job 9:7

A tztac' yaln 'a c'u, to matz q'uel 'a junc c'u cha, a tztac' yaln pax 'a jun tzo'n̈ c'anal sec matz yac' eb' sacq'uinlal.

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Salmos 74:16

Ach 'ay ec c'ual yet' 'ac'wal, ach a b'ojnac can 'uj yet' c'u.

Dt 17:3

toto tz'at yal sb'a 'a junc comn dios, mto tzyac' 'ejm sb'a 'a 'a, toto tzyal sb'a 'a c'u, 'a 'uj, 'a jun tzo'n̈ c'anal, atn jun tzo'n̈ waljnac, to may mach tzyac' 'ejm sb'a 'a 'a,

Am 8:9

An Jehová in, an tzwal 'ixtc yuj jun c'u 'oj jawc cha: Caw wal chimc'ual, ax wa'n 'och q'uic'q'uinal, yic wach' yem yoc c'u, ax wa'n q'uic'b'oc 'el yolyib'n̈q'uinl tic.

Jueces 12:12

Ax yic xcham win Elón, ata xmucx 'a jun lugar tzcuch Ajalón, 'a yol smacb'en slum eb' yin̈tl Zabulón.

Jueces 5:20

A c'anal 'ay 'a satcha'an̈, yet' jun tzo'n̈ xo tas 'ay 'a 'a, a eb' x'a'n owl yet' win Sísara.

A Ch'an̈ B'ab'el Libro Samuel 14:31

A 'a yic jun c'u cha, ata xlajw 'el eb' filisteo yuj eb' soldado israel. 'Ix 'och tza'n eb' yuj eb' 'a Micmas, masnto xc'och eb' 'a Aialón. Palta a eb' chon̈b' cha, caw wal xc'unb' eb'.

A Ch'an̈ Schab'l Libro Samuel 2:12

Xlajw cha, 'ix 'el Abner 'a Mahanaim, axta xc'och 'a chon̈b' Gabaón, ajun eb' soldado win Is-boset yet'oc.

A Ch'an̈ Schab'il Libro Yic Yab'ixal Eb' Rey 20:11

Xlajw cha, 'ix tew Isaías 'a Jehová, ax Jehová 'ix 'a'n meltzj lajn̈c'aj jun wewen chi 'a spatic, jun tz'ec' 'a sat sreloj Acaz.

Jeremías 28:1

A 'a yic yol 'uj 'a jun ab'il cha, tzyal 'el'chi atn 'a yic schan̈l ab'il yoch Sedequías reyl 'a Judá, a Hananías yunnal Azur 'aj Gabaón, atn jun tzyalch sb'a schecb'oc Dios, 'ix 'at 'a yatut Dios 'a 'aj 'ayn 'ec' an Jeremías in. Wal 'a sat eb' ya'mal 'och sti eb' 'anma 'a Dios, yet' 'a sat smasnil eb' chon̈ab', xyaln 'ixtic:

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

A Ch'an̈ B'ab'el Libro Samuel 12:18

Xlajw cha, xtew Samuel 'a Jehová, yajn̈j wal cha, xc'an̈ c'u, xcot n̈ab'. Ax smasnil eb' chon̈ab', caw xiw eb' 'a Jehová yet' 'a Samuel.

A Ch'an̈ Schab'il Libro Yic Yab'ixal Eb' Rey 20:9

—Atn jun senya 'oj sch'ox Jehová 'aych tic, sec wach' 'oj nachjc 'el o'oj, to 'oj 'el'choc tas 'ix yala: Ach 'oj ala', toto tz'at lajn̈c'ajoc swewenal yoc c'u 'a yojltac, mto tzmeltzj lajn̈c'ajoc 'a spatic yic tzch'oxn hora 'a sat q'uen reloj, xchi Isaías.

A Ch'an̈ Schab'il Libro Yic Yab'ixal Eb' Rey 20:10

'Ix ta'w Ezequías 'ixtic: —A yic tz'at wewen 'a yojltac man̈ 'ajltacoc. Palta ax pax wewen tzmeltzj 'a spatic, caw 'ajltac jun cha, xchi.

1 Cr 8:13

A Bería yet' Sema, a eb' yajl yaj 'a yib'n̈ eb' yican, ata cajn 'ec' eb' 'a Ajalón, a pax eb' xpechn 'el eb' cajn 'ec' 'a Gat.