Josué 10:11 - Chuj San Sebastian Bible

¹¹ 'Ay pax eb' xcob' yac' ganar s'at 'elc 'a eb' israel cha, ya' sb'a wan spichlj 'ejm eb' 'a lum span̈nil Bet-horón. Ax Jehová 'ix 'a'n cot jun tzo'n̈ niwc sq'uenal sacb'at 'a yib'n̈ eb', masnto 'a Azeca. Yel xo wal caw niwn eb' xcham yuj q'uen sq'uenal sacb'at cha, 'a yib'n̈ pax eb' xtzu'x cham yuj eb' israel cha.

Chuj San Mateo Bible

¹¹ Ay eb' amorreo chi' ix yac' ganar yeli. Yacb'an van spichlajem eb' d'a vitzal Bet-horón, axo Jehová ix ac'ancot q'uen nivac sacb'at d'a yib'an̈ eb', masanto d'a Azeca, yuj chi' ec'to eb' ix cham yuj q'uen sacb'at chi' d'a yichan̈ eb' ix xicjicham d'a q'uen espada yuj eb' israel.

Josué 10:11 Referans Kwoze

Is 28:2

'Ay jun winc sic'b'il 'el yuj Jehová, a jun cha caw wal 'ay yip, caw jeln 'a owal. 'Oj jawc yet' yip 'icha tz'aj sjaw yaxn̈ab' yet' sacb'atil, 'icha pax tz'aj sjaw chacxuxm'ic' yic tzyutz'n telwc smasnil tas, 'icha pax yic tzya'n yowl a b'eymal a sb'eyi. Yuj wal yip cha, ax slan̈chj can 'ejm Samaria smasnil.

Jueces 5:20

A c'anal 'ay 'a satcha'an̈, yet' jun tzo'n̈ xo tas 'ay 'a 'a, a eb' x'a'n owl yet' win Sísara.

Apoc 16:21

Xlajw cha, 'ix 'ejm wal jun tzo'n̈ sacb'at caw niwac. 'Aym junjnoc quintal yal-l jun jun. Ax eb' 'anma', caw xlaj b'uchwj eb' 'a Dios yuj jun tzo'n̈ sacb'at cha, yujto caw niwn xyab' eb' syal yu'uj.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

Job 38:22

¿'Ayxam 'aj ach xit'c 'a 'aj moln q'uen chew wu'uj, yet' 'aj moln q'uen sacb'at?

Dt 20:4

yujto a Jehová qui Diosalec a 'aych quet'ec. A 'oj 'a'nc owl yet' eb' 'ajc'ojl cha, a 'oj 'a'nc ca'c ganar, xchi cab' winac.

A Ch'an̈ Schab'l Libro Samuel 18:8

'Ix puc eb' 'anma chi yac' owl 'a smasnil lugar, yel xo wal niwn 'anma mun 'ix cham 'a scalte cha, 'icha eb' xcham yuj q'uen espada.

Job 38:23

A jun tzo'n̈ cha, molb'il wu'uj yic tzin c'ann 'a owal mto 'a yic tzwa'n cot junc yailal.

Salmos 147:17

A tz'a'n cot q'uen chew sacb'atil, ax sical q'ue'en, toc 'ay mach tztechj yu'uj.

Is 28:21

'Icha wal xyutj Jehová ya'n owl 'a lum jolm witz Perazim yet' 'a lum pan̈n 'a'lic yic Gabaón, 'ixta 'oj yutc sb'a. Wach'xam matz nib'ej, palta 'oj yac' satxoc 'el schon̈ab'.