Jonás 3:5 - Chuj San Sebastian Bible

⁵ Ax eb' 'anma cajn 'a jun niwquil chon̈b' cha, eb' 'ichm 'anma' yet' eb' 'unin, 'ix ya'ch eb' sc'ojl 'a Dios. 'Ix 'och eb' 'a c'ajb'c'ojlal, 'ix ya'n 'och eb' te pichl n̈achtac sat, 'ixta xyutj eb' sch'oxn 'el scusc'ojlal yuj smul.

Chuj San Mateo Bible

⁵ Masanil eb' anima cajan d'a jun nivan chon̈ab' chi', eb' icham anima yed' eb' unin, ix yac'och slolonel Dios eb' d'a sc'ool, ix och eb' d'a tzec'ojc'olal, ix laj yac'anoch pichul eb' ya sva'i. Icha chi' ix yutej eb' sch'oxanel scusc'olal yuj smul.

Jonás 3:5 Referans Kwoze

Lc 11:32

A eb' 'anma 'a Nínive pecti', a yic 'ec' yalnc win Jonás yab'xil Dios 'a scal eb', caw snajnac sb'a eb'. An xo tic 'ayn 'ec' 'a tic, 'ec'b'al wel'ch 'a yib'n̈ win Jonás cha, palta matz e na e b'a. Yuj cha, a yic 'oj jawc jun c'u yic 'oj e b'eyc'ojlaxi, a eb' 'aj Nínive cha, 'oj q'ue wan eb', ax yaln eb' e mul, xchi Jesús.

Mt 12:41

A yic 'ec' yalnc Jonás yab'xil Dios 'a eb' 'aj Nínive, caw snajnac sb'a eb'. An xo tic, 'ayn 'ec' 'a tic, 'ec'b'al wel'ch 'a yib'n̈ Jonás cha, palta matz e na e b'a. Yuj cha, at 'oj jawc jun c'u yic b'eyc'ojlal, a eb' 'aj Nínive cha, 'oj q'ue wan eb', ax yaln eb' e mul.

Dn 9:3

Yuj cha, in leslwi, in tew 'a Jehová Dios. In 'och 'a c'ajb'c'ojlal, xwa'n 'och te pichl n̈achtac sat. In 'em wocn pax 'a scal q'uen stan̈il c'ac'.

Jl 1:14

'Awtjec cot smasnil eb' 'anma', 'ochn̈ec 'a c'ajb'c'ojlal yet' eb'. Molb'tzejec e b'a 'a yatut Jehová qui Diosal, yet' smasnil eb' yichmtac wincal chon̈ab', yet' smasnil eb' 'anma 'a jun nacion̈ tic yic tzex tew 'a Jehová.

2 Cr 20:3

Xlajw cha, 'ix yecn xiw sb'a Josafat, caw 'emmquil 'ix yutj yaln sb'a 'a Jehová. 'Ix ya'n alxc 'a smasnil eb' 'anma 'a yol yic Judá to tz'och eb' 'a c'ajb'c'ojlal.

A Ch'an̈ Carta D'a Eb' Hebreo 11:1

A yic tzca'nec 'och Dios 'a qui c'ojol, tzyal 'el'chi, to caw tzca'c 'och yipc qui c'ojol, chajtlto 'oj qui chac tas wan qui tan̈wni. Cojquec si'mb'il, a jun tzo'n̈ tas mantzac quila, caw 'ayq'ui.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Tas Sc'ulejnac Eb' Schecab' Jesús Hechos 27:25

Yuj cha, tzaljan̈c ex wit 'anma'il, yujto tzwa'ch Dios yipc in c'ojol, yowlal 'oj 'el'choc 'icha xyal jun ángel chi 'ayin.

A Tas Sc'ulejnac Eb' Schecab' Jesús Hechos 8:10

Wach'xam eb' may yel'chi, mto eb' niwn yel'chi, c'uxn xya'ch eb' snab'en 'a winac. 'Ix cob' yalnc eb' 'ixtic: —A win Simón tic, atn jun dios tzcuch niwn spoder, xchi cob' eb'.

Jeremías 42:8

Yuj cha, xwawtn cot win Johanán yunnal Carea, yet' eb' syajlil eb' soldado ajun yet'oc, yet' pax smasnil eb' 'anma', eb' niwc yel'chi yet' eb' may yel'chi.

Jeremías 42:1

Smasnil eb' syajlil eb' soldado ajun yet' Johanán, win yunnal Carea, yet' Azarías yunnal Osías, yet' pax smasnil eb' 'anma', eb' niwc yel'chi, yet' eb' may yel'chi, 'ix jaw eb' 'ayn an schecb' in Dios tic.

Jeremías 36:9

A 'a yic sb'aln̈il 'uj, yic yol ab'il xo yoch win Joacim win yunnal Josías reyl 'a Judá, ata 'ix sna'a, to a eb' 'anma cajn 'a Jerusalén, yet' jun tzo'n̈ xo eb' cotnc 'a jun tzo'n̈ xo lugar 'a yol yic Judá, to yowlal tz'och eb' smasnil 'a c'ajb'c'ojlal 'a yojltac Jehová.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Esdras 8:21

Xlajw cha, xwaln 'ixtc 'a eb' wit chon̈b' cha: To tzon̈ 'ochc 'a c'ajb'c'ojlal 'a sti a Ahavá, sec wach' tzquijec 'ejm qui b'a 'a yojltac qui Diosalec. Tzqui c'annec 'a 'a, to tzon̈ yijec b'ey 'a wach' yet' eb' cunnalec yet' smasnil tas 'ay 'ayn̈ec.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

Ester 4:1

A yic xyab'n Mardoqueo jun ley 'ix alx 'el cha, yuj cha, 'ix stzilnjat spichul, 'ix ya'n 'och spichl n̈achtac sat yuj cusc'ojlal, xya'n q'ue stan̈il c'ac' 'a sjolom. 'Ix syamn 'och sb'eyc' 'a yol chon̈ab', tz'el yaw yuj cusc'ojlal yujto caw ya tzyab'i.

Jonás 3:7

Xlajw cha, xya'n win rey b'o jun ley yet' eb' 'ay yopiso yet'oc, xya'n alxoc 'el 'a smasnil yol chon̈b' Nínive. Xchi jun ley chi 'ixtic: May cab' junc on̈ec tzon̈ wac ticnec, may pax cab' junc on̈ec, tzca'c wa qui wacax, qui calnelu, may no tzca'c yuc' a'.

Ex 33:6

Yuj cha, a yic 'ix 'atx eb' 'a lum yich witz Sinaí, man̈x 'a junc eb' xya'ch syumchiquin yet' ston̈.

A Ch'an̈ Schab'il Libro Yic Yab'ixal Eb' Rey 19:1

A yic 'ix yab'n win rey Ezequías tas 'ix alx cha, 'ix stziln jat win spichul, ax pichl n̈achtac sat xya'ch yuj cusc'ojlal. Xlajw cha, 'ix 'at 'a yatut Jehová.