Jonás 3:2 - Chuj San Sebastian Bible

² —'Ixc 'a niwquil chon̈b' Nínive, tzlajw cha, tzaln 'el tastc 'oj wal 'aych tic, xchi.

Chuj San Mateo Bible

² Ixic lemnaj d'a nivan chon̈ab' Nínive, sb'at alan tas ol val tic d'ayach, xchi d'a vin̈.

Jonás 3:2 Referans Kwoze

Ez 2:7

'Oj al in paxti tic 'a eb', toxn̈ej 'oj scha eb' yab'i', mto ma'ay, yujto caw pit eb'.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Jonás 1:2

'Ixc 'a jun niwquil chon̈b' Nínive, tzaln yab' eb' 'anma ta', to 'oj in satl jun chon̈b' chi yet' smasnil eb' cajn 'a 'a, yujto 'ix niwtj smaysch'olnilal eb' 'ayin, xchi Dios.

Jn 5:14

At 'a jun 'ejm xo, 'ix sc'umn sb'a Jesús yet' win 'a yamq'uil yatut Dios, 'ix yaln 'ixtc 'a winac: —'Ab'i, a ticnec 'ix b'ox a c'ojol. Man̈x a b'o junc maysch'olnil, sec man̈x 'oj jawc jun niwn yailal 'a eb'an̈, xchi 'a winac.

Mt 3:8

Nac e b'a yuj e mul, yowlal wach' tzeyutj e b'eyb'al, sec tzcheclj 'eli, chajtlto yel tzeyala.

Jonás 3:3

Xlajw cha, 'ix 'at Jonás 'a Nínive, 'icha wal 'ix yutj Jehová yaln 'a 'a. A jun chon̈b' cha, caw wal niwquil chon̈ab'. 'Oxe c'u ste'nb'il smasnil yol chon̈b' cha.

Ez 3:17

Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic.

Jonás 3:1

'Ix yaln pax Jehová 'a Jonás 'a scha'ejmal 'ixtic:

Ex 4:28

Xlajw cha, syamn 'och Moisés chi yaln 'a Aarón smasnil tas 'ix 'ajx yal yuj Jehová, yet' jun tzo'n̈ milagro 'ix 'ajx sb'o'.

Ester 9:31

Xlajw cha, 'ix alxi, to yowlal tznax q'uin̈ yic Purim 'a jun tzo'n̈ sc'ul to checl xon yaji, 'icha wal xyutj win Mardoqueo yet' 'ix reina Ester yalni. Yowlal tzyiclj pax eb' yin̈tl eb', yuj snax cot c'ajb'c'ojlal yet' cusc'ojlal.

Jeremías 1:7

'Ix yaln Jehová 'ayn 'ixtic: An Jehová in, an tzwala, man̈ ala', chajtlto quelm ach to 'unin, cojn to 'oj a 'atn̈j 'a 'ajtil 'oj ach in checa', ax aln smasnil tas 'oj wac' ala'.