Jonás 1:3 - Chuj San Sebastian Bible

³ Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

Chuj San Mateo Bible

³ Palta maj sc'anab'ajej vin̈ tas ix yal Jehová chi', yuj chi' ix snab'at sb'a vin̈ elelal d'a chon̈ab' Tarsis. Ix em vin̈ d'a chon̈ab' Jope b'aj sjavi te' barco d'a sti' a' mar. Ata' ix ilchaj jun te' barco yuj vin̈, vanxo sb'at te' d'a Tarsis chi'. Ix stupan spasaje vin̈, yic najat sb'atcan vin̈ d'a yichan̈ Jehová snaani.

Jonás 1:3 Referans Kwoze

Gn 4:16

Xlajw xoj cha, 'ix 'el Caín 'a 'aj xpaxtin yet' Jehová, axta xc'och cajn 'a jun lugar Nod sb'i, ata 'ay 'a stojlal 'aj tzq'uel c'u 'a Edén.

A Tas Sc'ulejnac Eb' Schecab' Jesús Hechos 9:36

A 'a chon̈b' Jope, 'ay jun 'ix creyente Tabita sb'i. Ax 'a griego, Dorcas sb'i 'ix. Til wal tas wach' tzb'o'o, tzcolwj 'ix 'a eb' meb'a'.

A Tas Sc'ulejnac Eb' Schecab' Jesús Hechos 9:43

Ax Pedro, xcan jaye c'u 'a chon̈b' Jope cha. 'Ix 'ochcn wan 'a yatut jun win b'om tz'u'um, Simón sb'i winac.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Is 23:6

'El cab' eyaw yuj cusc'ojlal ex cajn 'ec' 'a sti a mar. C'axwan̈c 'ec' 'a Tarsis.

Is 23:1

Alb'il can 'el jun tzo'n̈ paxti tic 'ixtc 'a yib'n̈ Tiro: Ex 'i'mb'ey barco yic Tarsis, 'el cab' eyaw yuj somc'ojlal, yujto 'ix lan̈chj 'ejm chon̈b' Tiro, man̈x 'a xon junc n̈a xcani, man̈x 'a 'aj wach' spixx can te barco. A yic ex jaw 'a Chipre, 'ix eyab'n speclal jun cha.

A Ch'an̈ B'ab'el Libro Yic Yab'ixal Eb' Rey 19:3

Ax xyab'n Elías to 'ay smay tas xalx 'a yib'an̈, yuj cha, 'ix 'at scolnc sb'a 'a chon̈b' Beerseba, sec matz chami. A jun chon̈b' cha, ata 'ay 'a yol yic Judá, axta xyactj can jun schecb' cha.

2 Ts 1:9

A eb' cha, 'oj 'atcn eb' 'a yailal 'a jun 'ejmn̈ej. 'Oj xutxoc can 'el eb' 'a stz'ey Cajlilec, sec man̈x 'oj yil eb' swach'il yet' spoder.

1 Co 9:16

An tic, wach'xam tz'ec' wal-l wach' 'ab'x yic colnb'il, man̈ yujoc cha, tztac' in b'an̈n in b'a. Yujto yowlal tz'ec' wal-li. Caw wal 'oltac in, toto matz 'ec' wal-l jun wach' 'ab'x tic.

A Tas Sc'ulejnac Eb' Schecab' Jesús Hechos 26:19

Yuj wal cha, ach rey Agripa, in yicljnac tas wul yaljnac Jesús 'ayin, yic scot 'a satcha'an̈, wul sch'oxnc sb'a 'ayin.

Ez 27:12

Til wal tas 'ay 'ayach, yuj cha, a eb' 'aj Tarsis tzwulc' eb' manwjoc 'ayach, ax q'uen plata, q'uen hierro, q'uen estaño yet' q'uen plomo, a chi tzya'cn eb' stojloc tas tzmana.

Is 23:10

Ex 'aj Tarsis, tox 'ix lajw can 'ejm jun puerto 'aj tzex xit'c chon̈wjoc, ax ticnec munljan̈c 'a sat e lu'um, 'icha wal tzyutj sb'a eb' 'aj Egipto.

Job 1:12

'Ix ta'w Jehová 'ixtc 'a winac: —'Ixta cab' tz'aj 'an. A tas 'ay 'a win Job cha, tzcan 'a yol a c'ab', 'ilto tas tzotej, palta man̈ a'ch yailal 'a sniwnal winac, xchi Dios. Cojn cha, x'elt win 'ajc'ojl chi 'a yojltac Jehová.

2 Cr 2:16

Ya' sb'a cha, 'oj wal 'a eb' in munljum tic to axn tzu'l eb' te te chi 'a Líbano, jantcn̈ej te 'oj 'och yopiso o'oj. 'Oj sjal eb' te', ax ya'n 'och eb' 'a yib'n̈ a mar, masnto 'oj c'och te 'a chon̈b' Jope. Ax eb' a munljum chi 'oj 'i'nc q'ue te 'a Jerusalén, xchi Hiram sreyl Tiro 'a Salomón.

A Tas Sc'ulejnac Eb' Schecab' Jesús Hechos 15:38

Palta 'ix snan Pablo, to man̈ smojc tz'at yet' eb'. Yujto a 'a jun 'el, yactjnac can eb' 'a Panfilia. Ma'ix yac' lajwc smunljel yet' eb'.

Lc 9:62

Palta xyaln pax 'a win 'ixtic: —Q'uinloc 'ay junc winc tzmunlj yet' no wacax, tzyamn st'oclab' lum no'. Tzlajw cha, tzsutmj pax 'at q'ueln win 'a spatic. Toto 'ay eb' 'ixta yaj snab'en, may jac yopiso eb' 'a yol sc'ab' Dios, xchi Jesús.

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Is 2:16

ax ya'n 'ijxc 'ejm eb' te barco yic Tarsis 'a yich a mar, yet' pax jun tzo'n̈ xo barco wach' yilxi.

Job 2:7

Cojn cha, x'elt win mu'c 'a yojltac Jehová, 'ix ya'n 'och syailal win Job. 'Ix 'elt jun tzo'n̈ yab'il 'a sniwnal winac, 'a yoc masnto 'a sjolom.

A Ch'an̈ B'ab'el Libro Yic Yab'ixal Eb' Rey 19:9

Ax yic xc'och ta', 'ix 'och 'a yol jun n̈aq'ue'en, axta x'ec' jun 'ac'wl yu'uj. Ax x'aji, 'ix c'och Jehová 'a 'a, 'ix yaln 'a 'ixtic: Elías ¿tas yuj 'aych 'ec' 'a tic? xchi.

Gn 3:8

A yic yemc'ul xo, yic sic xo yoc c'u, xyab'n win yet' 'ix to tzb'eyc' Jehová Dios 'a scal te 'awb'ente'. Yajn̈ej 'ix 'at eb' 'eloc, sc'ub'n 'el sb'a eb' 'a scal te 'awb'ente cha.

A Tas Sc'ulejnac Eb' Schecab' Jesús Hechos 9:38

A chon̈b' Jope cha, ata 'ay 'a sla'nil chon̈b' Lida, 'a 'aj 'ayc' Pedro. Ax 'ix yab'n eb' creyente, to ata 'ayq'ui, 'ix checn 'at eb' chawn̈ winc 'a 'a, xit yalnoc eb' 'ixtc 'a 'a: —Coyc 'a chon̈b' Jope wal ticnec, xchi eb' 'a 'a.

A Tas Sc'ulejnac Eb' Schecab' Jesús Hechos 9:42

Ax eb' 'aj Jope cha, c'uxn xyab' eb' speclal jun cha. Yuj cha, til wal eb' xya'ch sc'ojl 'a Cajlil.

Esdras 3:7

Xya'n eb' tumn 'a eb' albanil yet' 'a eb' josmte', xya'n pax eb' tas tzc'uxxi yet' tas tz'u'xi yet' pax aceite 'a eb' 'aj Sidón yet' 'a eb' 'aj Tiro, yuj yi'n cot eb' te c'ute 'a Líbano yic tzc'anx 'a yatut Dios. 'Ix 'och te 'a yib'n̈ a mar masnto 'ix jaw te 'a Jope. Atn jun tzo'n̈ chi sta'wjnac win Ciro ya'ni, atn win sreyl Persia.

Salmos 107:23

'Ay eb' xlaj 'at chon̈wjoc mto manwjoc. 'Ix 'at eb' 'a yib'n̈ a mar yet' sbarco, yic tzya'n ganar eb' stumin.

Jeremías 10:9

A jun tzo'n̈ yechl cha, nab'a plata, ata 'ic'b'il cot 'a Tarsis, ax q'uen oro, ata 'ijxnac cot q'uen 'a Ufaz. A jun tzo'n̈ cha, b'ob'il eb' yuj eb' tenm q'ue'en, ax te q'uic'mucnac nip yet' te chac yilxi, a te 'aych spichloc, smasnil jun tzo'n̈ cha, b'ob'il eb' yuj eb' 'anma jeln snab'en sb'on jun tzo'n̈ tas.

Jonás 1:10

'Ix yaln pax Jonás 'a eb' ch'umn barco cha, chajtlto wan s'at 'elc 'a Jehová. A yic xyab'n eb' to 'ixta', xyiln pax eb' to caw yelc'ojlal tzcot yowl a mar cha, yuj cha, caw 'ix wach' xiw eb' si'mb'il, 'ix sc'a'nb'n pax eb' 'ixtc 'a 'a: —¿Tas yuj 'ixta tza b'o'o? ¿Tas wach' tzach cutj ticnec on̈, sec tz'och numn a mar tic? xchi eb'.

2 Cr 2:15

A ticnec ach wajlil, 'a' cot 'ixm trigo, 'ixm cebada, aceite, yet' yal uva, atn jun tzo'n̈ tzal a' cot cha.

2 Cr 9:21

A eb' schecb' win rey, tz'at eb' yet' eb' schecb' Hiram yet' te barco 'a Tarsis, yic tz'at yi'nc cot eb' q'uen oro, q'uen plata, q'uen marfil, no chab'in yet' no pavo real 'a junjn yoxxil ab'il.

Ez 2:8

Palta ach xo tic, chaj ab' tas tzwala, man̈ pitc tzotj a b'a 'icha eb' cha. C'aw a ti', ax a c'uxn tas 'oj wac' 'ayach, xchi 'ayin.