Job 9:4 - Chuj San Sebastian Bible

⁴ A Dios caw wal 'ay sjelnal, caw niwn yel'ch yet' tas tztac' yu'uj. Q'uinloc tzqui te'wtzej qui b'a 'a yojltac, ¿tom tztechj cujec 'a 'a?

Chuj San Mateo Bible

⁴ A Dios te nivan sjelanil yed' spoder. Q'uinaloc sco tec'b'ej co b'a d'a yichan̈, ¿tocval stechaj cuuj?

Job 9:4 Referans Kwoze

Job 36:5

A Dios caw wal niwquil yet' spoder, toc 'ay yalnb'il sjelnal, palta may junc mach tzpatquilj can 'eli.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

Ef 3:10

Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Job 9:19

Q'uinloc cob' tzquec pural Dios yuj junc tas, palta to tztac' yuj smasnil. Toto tzcob' cawtc cot Dios qui b'o yaj 'a sat junc eb' yajal, ¿mach wal junc tzte'wtzej sb'a sb'on yaji?

Ef 1:19

Tzin c'ann pax 'a 'a, sec 'oj eyojcoc 'eli, to caw niwn yel'ch spoder, tztac' yuj smasnil. Atn jun chi 'aych 'ayn̈ec, yujto tzca'c 'och qui c'ojl 'a 'a. Sch'oxjnac, to caw niwn spoder si'mb'il,

Ef 1:8

Yuj swach'c'ojlal tic, c'uxn xyac' sjelnal 'ayn̈ec. 'Ix ya'n nachjc 'el cujec.

1 Co 10:22

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Dn 2:20

'Ix yaln 'ixtic: Ach qui Diosal on̈, alx cab' wach' paxti 'aych 'a smasnil q'uinal, yujto ec yaj jelnal yet' poder.

Pr 28:14

Caw tzaljc'ojlal yic junc mach to 'ay yel'ch Jehová 'a sat, ax toto pit tzyutj snab'en, 'oj cotcn yailal 'a yib'an̈.

Salmos 136:5

A b'ojnac satchan̈ yet' sjelnal. A schamc'ojlal Dios 'ayn̈j 'a smasnil tiempo.

Salmos 104:24

Mamin Jehová, man̈x alchjb'enoc tas b'ob'il o'oj. Smasnil jun tzo'n̈ tic, xa b'o yet' a jelnal; a lum lum tic, caw b'ut'n lum yet' smasnil a b'ob'en.

Job 40:9

¿Tom yel xo wal 'ec'b'al ep 'a wib'n̈ tza na'a? ¿'Icha am sc'an̈ yol in jaj tic, 'ixta am sc'an̈ pax ec cha?

Job 12:13

Palta ax Dios caw wal jelan, 'ay spoder, caw 'ay snab'en. Toto 'ay tas tznib'j sb'o', tz'el'chn̈ej yuj 'icha tzyutj snan cha.

Job 11:6

Tzach sch'oxn 'a jun tzo'n̈ jelnal c'ultac yaji, atn jun tzo'n̈ caw 'ajltac snachj 'eli. Toto 'ixta', 'oj ojcoc 'eli, to mantzac yac' Dios a yailal 'icha wal tas smoj a chani.

Job 6:10

Toto tz'el'ch 'icha tzin c'an 'a 'a, wach'xam caw tzwab' syal yuj in yailal, palta caw wal tzin tzalji, yujto may 'aj xwij 'el in nab'en 'a sley Dios niwn yel'chi.

2 Cr 13:12

A Dios 'ayc' quet' on̈, a b'ab'l cuj on̈, ax eb' ya'mal 'och qui ti 'a Dios on̈, caw lista xo yaj eb' yutz'n strompeta yic tz'och owl eyet' ax tic. Ex wit chon̈ab', man̈ eyac' owl yet' Jehová, atn qui Diosalec yet' eb' qui mam quichmec, yujto ma'oj eyac' xon ganar, xchi Abiam 'a eb'.

Job 23:6

Ma'oj sc'anlb'oc am yip yic tzin stenn 'och wa'an, palta tecn ton̈j 'oj yab' tas 'oj wala'.

Job 24:22

Tz'ijx 'at eb' 'ay yip chi yuj spoder Dios. A wal yic tzch'oxn Dios chi spoder, toc 'ayt junc mach ma'oj xiw 'a chamel.

Job 25:2

A Dios caw wal 'ay spoder; smoj tzon̈ xiwc 'a 'a; a tz'a'n 'ejm junc'ojlal 'a scal eb' 'ay 'a satcha'an̈.

Job 28:23

Palta a Dios yojtac 'aj 'ay sb'el jun jelnal cha; cojn 'ojtnac 'aj tz'ilchj yu'uj.

Job 37:23

Matz tac' cojcanec 'eli jantc wal spoder Dios tztac' yuj smasnil, yujto man̈x yalnb'ilc sjelnal. Caw tojl paxi, wach' snab'en, may junc mach tzcomn 'ixtej.

Job 38:36

¿Mach x'a'n sjelnal snab'en no ibis yet' no 'ajtzo tza na'a?

Job 38:37

¿Mach wal junc caw jelan, yojtac jantc wal 'asn 'ayc' 'a smasnil? ¿Mach wal junc tztac' yi'n 'elt a a 'a scal 'asn cha, yic tzyac' n̈ab',

Jeremías 50:24

An Jehová in, an in b'ojnac 'ejm jun yal Babilonia. Ma'ix yil tas x'aj scan 'a jun ch'an̈ yal cha, yujto pit 'ix yutj sb'a 'ayin.

Ex 9:7

Xlajw cha, 'ix ya'n win rey 'ilxoc, toto yel may junc scajb'en noc' eb' israel chi xchami. 'Ixta 'ix uji, palta an̈ja 'ix pitb' 'el snab'en win rey chi jun 'ejm xo, ma'ix chaj 'elt win eb' israel cha.

Ex 15:7

Yet' wal a niwquil poder 'ix a'n 'ejm eb' tznib'j tzyac' owl et'oc. A wal yic tzcot owal, 'icha wal stz'a 'ejm te 'ac, 'ixta wal tz'aj slajw 'ejm eb' o'oj.

2 Cr 20:6

'Ix yaln 'ixtic: Ach Jehová, qui Diosal ach on̈ yet' eb' qui mam quichm on̈, ach tic Dios ach 'a satcha'an̈, Yajl ach 'a yib'n̈ smasnil nacion̈. Yol a c'ab' 'ayc' ep yet' a poder. May junc mach 'oj stac' ach stenn 'och wa'an.

Job 15:13

¿Tas yuj tzcot owl 'a Dios, comn xoj tzal junc paxti'?

Job 41:2

¿Tzam stac' a'n 'ec' ch'an̈ 'a yol sn̈i no', mto tztac' a'n 'och alambre 'a sti no cha?

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Nahúm 1:3

A Jehová, man̈ c'unoc scot yowal, palta caw 'ay spoder, yowlal tzya'ch yailal 'a yib'n̈ eb' tz'och smul. A 'a yib'n̈ chacxuxm'ic', ata tzb'eyq'ui, ax 'asun, 'icha spoccal yoc tzq'ue wa'an, 'ixta yaji.