Job 9:10 - Chuj San Sebastian Bible

¹⁰ Til wal tas satjub'tac yilx tzb'o'o, may junc mach tztac' yojcan 'el tas tzb'o cha.

Chuj San Mateo Bible

¹⁰ Man̈xo b'ischajb'enoc tastac satub'tac sc'ulej. A juntzan̈ chi' malaj junoc mach syal snachajel yuuj.

Job 9:10 Referans Kwoze

Job 5:9

A Dios til wal tas satjub'tac tzb'o'o, man̈x b'ischjb'enoc tas tzb'o cha.

Salmos 72:18

¡Alx cab' wach' paxti 'a Jehová! Atn qui Diosal an̈ israel on̈c tic, cojn tztac' sb'on tas satjub'tac yilxi.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

Ec 3:11

Caw wach' xyutj Dios sb'on smasnil tas, toto tzb'o 'a 'icha sc'ual. 'Ix ya'n pax qui nib'quec yic tzcojcan 'elec smasnil tas tot oj ujc yic b'aq'uin̈, palta matz yac' wal cojcoc 'elec si'mb'il tas tzb'o'o.

Salmos 136:4

Cojn ton tzb'on tas satjub'tac yilxi. A schamc'ojlal Dios 'ayn̈j 'a smasnil tiempo.

Salmos 71:15

Smasniln̈ej c'u 'oj wal-l ab'xil, chajtlto ach tic caw tojl ach, ach in a col-li. Wach'xam to matz nachj 'el wuj smasnil, palta 'oj wal-li.

Job 37:23

Matz tac' cojcanec 'eli jantc wal spoder Dios tztac' yuj smasnil, yujto man̈x yalnb'ilc sjelnal. Caw tojl paxi, wach' snab'en, may junc mach tzcomn 'ixtej.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Salmos 145:3

Mamin Jehová, caw wal niwn yel'ch a b'i, yuj cha, smoj wal a b'itnaxi; a 'a b'inab'ilal, man̈ alchjb'enoc.

Job 37:5

Caw satjub'tac yab'x sn̈il-li yol sjaj Dios, til wal tas niwn yel'ch tzb'o'o, palta may mach tztac' yojcan 'eli.