Job 8:8 - Chuj San Sebastian Bible

⁸ C'anb'j 'ec' ab'i', tas 'e'nc eb' 'anma 'a pecti', tza cuyn jun tzo'n̈ sjelnal eb' 'anma 'e'nc 'a pecti cha.

Chuj San Mateo Bible

⁸ C'anb'ejec' ab'i tas ec'nac eb' anima d'a peca', tza c'ayb'an sjelanil eb' chi'.

Job 8:8 Referans Kwoze

Job 15:18

A eb' jeln snab'en, a eb' on̈ cuyn can on̈. A jun tzo'n̈ sjelnal eb' cha, ata cuyb'il can yuj eb' 'a smam yicham.

Dt 32:7

Meltzjan̈c 'at q'ueln 'a e patic, tze nan cot jun tzo'n̈ tiempo 'e'nc eyu'uj. C'anb'jec eyab' 'a e mam e nun. Tze c'anb'n pax eyab' 'a eb' 'ichmtac winac, ax eb' 'oj alnc eyab'i'.

Dt 4:32

Nac cot jun tzo'n̈ tiempo 'e'nc xo can 'a yic pecti', yictax sb'on Dios eb' 'anma 'a yolyib'n̈q'uinl tic. 'Ixquec, 'at c'anb'jec 'ec' 'a smasnil lugar, toto 'ay 'aj ujnac xo, mto 'ay 'aj tz'ab'x yalx junc tas niwn yel'ch 'icha jun wan yuj 'a qui calc tic.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

Is 38:19

Cojn mach pitzan, atn eb' chi tztac' yaln swach' paxti 'ayach, 'icha tzwutj in b'a 'aych ticnec. Ax eb' mamb'il yet' nunb'il, a eb' tzaln yab' eb' yunnal, to tz'el'ch tas tzala.

Salmos 44:1

Ach qui Diosal on̈, 'ix cab' wal yet' qui chicn on̈, 'ix yaln pax eb' qui mam quichm 'ayn̈ on̈, yuj tas 'ix a b'o yet' eb' 'a yic pecti'.

Job 15:10

An̈ tic on̈, caw 'ayx qui nab'en si'mb'il on̈, yujto a eb' 'ichmtac winc 'aj xquij can qui jelnal tic on̈, a eb' cha, b'ab'l 'ichm winc eb' 'a sat a mam.

Job 12:12

A eb' 'ichmtac winac, caw 'ay snab'en eb', yujto niwn xo yab'lilal tzyil eb'.

2 Cr 10:6

Xlajw cha, 'ix sc'anb'n Roboam snab'en 'a eb' yichm wincal chon̈ab', atn eb' munljnac yet' Salomón, atn smam, 'ix yaln 'a eb' 'ixtic: —¿Tas wal junc nab'en tzeyac' 'ayn ax tic, tas 'oj wutc ta'wc in b'a 'a eb' 'anma tic? xchi.

Job 20:4

Ach tic, ojc xoni to a yic tax spitzw 'anma 'a sat lum lum tic,

Jl 1:2

'Ab'c wal jun tzo'n̈ tic ex yichm wincal chon̈ab', yet' e masnil ax cajn ex 'a jun nacion̈ tic. Toc 'ayx 'aj xeyil tas lajn 'icha jun tic. Toc am 'ay 'aj x'ilx junc tas 'icha jun tic yic yec' eb' qui mam quichmec.

Job 13:1

Smasnil jun tzo'n̈ tic, caw xcham wal in maclni wila', xcham in maclni pax wab'i'.