Job 8:22 - Chuj San Sebastian Bible

²² A eb' 'ajc'ojl yajch 'ayach, 'oj q'uixwc 'el eb', ax yatut eb' maysch'olnil snab'en cha, 'oj lajwoc 'ejmi, xchi Bildad 'a Job.

Chuj San Mateo Bible

²² Axo pax eb' ajc'ool, ol q'uixvoccan eb'. A spat eb' chuc spensar chi', ol lajvoqueloc, xchi vin̈aj Bildad chi'.

Job 8:22 Referans Kwoze

Salmos 132:18

Ax eb' 'ajc'ojl yajch 'a 'a, 'oj 'el sq'uixwel eb', yujto 'oj wac' q'ue'ch 'a yopiso, xa chi can 'a 'a.

Salmos 109:29

A eb' 'ajc'ojl cha, q'uixw cab' 'el eb'. 'Och cab' potn jun q'uixwelal chi 'a eb' 'icha junc nip.

Salmos 35:26

A eb' tzalj wu'uj yic tzjaw in yailal, somchj cab' 'el eb' yuj q'uixwc'ojlal. Q'uixw cab' can 'el eb' caw niwc winc tzyutj sb'a 'a wojltac.

Job 18:14

'Oj 'ijxoc 'el 'a scal sjunc'ojlal 'a yol yatut, ax sjucx 'at 'a yojltac xiwc'ojlal, atn chamel.

Job 8:18

Palta q'uinloc 'ay mach tz'ec' to'nc chan̈ te', man̈x 'a mach 'oj nanc coti, toto 'e'nc te ta'.

Job 7:21

¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

Job 4:21

'Icha yic slan̈chj junc mantiado yic tzn̈i'chj sch'an̈il, 'ixta yaj sq'uinl eb', yajn̈ej tz'eq'ui, mantzac nachj 'el sjelnal Dios yuj eb', xchi jun pixn chi 'ayin.

Job 8:15

Q'uinloc cob' 'ay mach tznib'j can yamn 'a junc ch'alxim cha, toc 'ay yip jun cha; q'uinloc tzon̈ can t'un̈n 'a 'a, ¿tom ma'oj t'ucchjoc?

Job 9:1

Xlajw cha, 'ix yaln pax Job 'ixtic:

Job 15:34

A eb' 'anma maysch'olnil sb'eyb'al, may yin̈tl eb' 'oj q'uib'cn cha'an̈, ax sricoal eb' xniwtj chan̈ yuj schan tumn 'a c'ultaquil, 'oj tz'a smasnil yet' yatut eb'.

Job 21:28

¿Tas yuj tze na 'ixtic? ¿'Ajtil laj 'oj can yatut win maysch'olnil tic, win yajl tzyutj sb'a tic? 'in xe chi.

Job 36:6

A eb' 'anma maysch'olnil tzyutj sb'a, yajn̈ej tz'ijx 'ec' sq'uinl eb' yu'uj, ax eb' tz'ixtxi, a tzb'onyaj eb'.

Ez 7:27

A win rey yet' eb' 'aych yajlil yet'oc, 'oj 'och eb' 'a cusc'ojlal, ax eb' 'anma smasnil, 'oj laj 'ib'xoc eb' yuj xiwlal. 'Oj wa'ch syailal eb' yuj smul cha. 'Icha wal xyutj eb' yixtn eb' yit 'anma'il, 'ixta pax 'oj wutc eb'. 'Ixta to b'i'an, ax in yojcan 'el eb', to an ton Jehová in, to cojn in ton Dios in, xchi Dios 'ayin.

Ez 26:16

Yuj cha, smasnil eb' rey cajn 'a sti a mar 'oj yactc can eb' sdespacho, ax yi'n 'el eb' spotil yet' jun tzo'n̈ spichl caw wach' yajch yelwnub'al, yet' wal xiwc'ojlal eb', ax yem wocn eb' 'a sat lu'um. 'A junjn rato, ax yib'x eb' yuj xiwlal, yujto tzyil eb' tas 'oj 'aj jun chon̈b' cha.

Pr 14:11

A tas 'ay 'a eb' maysch'olnil sb'eyb'al, 'oj lajwc 'ejm 'a eb'; ax tas 'ay 'a eb' tojl sb'eyb'al, 'oj niwtjoc cha'an̈.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.