Job 8:2 - Chuj San Sebastian Bible

² ¿B'a'n̈to wal 'oj 'och wan aln jun tzo'n̈ a paxti tic? A tas wan aln tic, lajn wal 'icha jun 'ic'n̈ab' caw ow.

Chuj San Mateo Bible

² ¿B'aq'uin̈ ol actej a lolon icha tic? Lajan a lolonel tic icha junoc oval chacxuxum ic'.

Job 8:2 Referans Kwoze

Job 15:2

A mach jeln snab'en, man̈ smojc sta'w yet' jun tzo'n̈ paxti may yopiso, mto jun tzo'n̈ paxti ton̈j tzsatcn 'at 'a scal 'ic',

Job 6:26

Ax tic, tu tzcob' eyal 'ayn yuj jun tzo'n̈ tas xlaj wala', palta eyojtac a spaxti junc mach 'aych 'a syailal, 'ay 'aj may xon jac yel'chi.

A Ch'an̈ B'ab'el Libro Yic Yab'ixal Eb' Rey 19:11

'Ix yaln Jehová 'a 'ixtic: 'Eln̈ta, tzach jaw lin̈n 'a wojltac an Jehová in 'a lum jolm witz tic, yujto 'oj wec' 'a tic, xchi. —'Ix ya'n cot jun niwquil 'ic', 'ix laj jat eb' q'uen niwc tenam, palta man̈ 'ayc 'och Jehová 'a scal 'ic' cha. Xya'n cot pax Jehová jun quixcab', palta man̈ 'ayc 'och Jehová 'a scal jun quixcab' cha.

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Job 18:2

¿B'a'n̈ 'oj ochwan a paxtini? Toto 'oj nachjoc 'el o'oj, an̈ xo tic on̈, 'oj calx quic on̈.

Job 16:3

¿Tom may slajb' jun tzo'n̈ e paxti may yel'ch cha? ¿Tas eyaji, yuj cha, an̈j 'ijnoc e pacn 'ayin?

Job 7:11

Yuj cha, ma'oj stac' in macn in ti'. 'Oj wal in b'a yuj in yailal, yujto an wal tzwab' syail.

Job 6:9

Comnoc tz'el 'a sc'ojl in ya'n lajwoc sec tzin sat 'ejmi.

Ex 10:7

'Ix yaln ewin 'aych yajlil yet' win rey chi 'ixtic: —¿B'a'n̈ wal 'oj yactc jun winc tic on̈ yixtnec? ¿Tas yuj matz a chaj 'at jun tzo'n̈ 'anma chi 'at yac' 'emmquilal 'a Jehová sDiosal cha? ¿Tom matz a na jab'oc, to wan slajw 'ejm qui nacion̈ec tic? xchi eb'.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Job 8:1

Xlajw cha, 'ix ta'w win Bildad 'aj Súah, 'ix yaln win 'ixtic:

Jeremías 5:13

A eb' schecb' Dios cha, caw may yel'ch tas tzyal eb', man̈oc spaxti Dios tzyal eb', xchi eb'. Palta a Jehová Dios, jun tzta'n̈j yuj smasnil, a 'ix aln 'ayn 'ixtic: Yujn̈ej to 'ix yal eb' jun tzo'n̈ paxti cha, yuj cha, 'ixtc wal tas 'oj jawc 'a yib'n̈ eb'. A 'in paxti 'oj 'eltoc 'a a ti', lajn 'oj wutc 'icha te c'ac', ax eb' chon̈b' tic, lajn 'oj 'aj eb' 'icha te c'atzitz. Ax jun c'ac' chi 'oj 'a'nc lajwc 'ejm eb' smasnil, xchi Dios.